Jump to content

Wb/nia/Yobi/8

From Wikimedia Incubator
< Wb‎ | nia‎ | Yobi
Wb > nia > Yobi > 8

I. Tebai ilau zi lö atulö Lowalangi

[edit | edit source]

1 Ba itema li Yobi Bilidado andrö, banua Zua, imane: 2 "Ha wa'ara lö öbato huhuo si manö, wa no hulö nangi sabölö mbeweu andrö! 3 Hadia, ifuyu'ö huku Lowalangi, ba hadia, ibila'ö zatulö Si lö ambö fa'abölö? 4 Na no so horö ndraonou khönia, ba no ilulu ira ba huku horöra andrö.[1] 5 Na öforege wangandrö khö Lowalangi, na ökao khö Zi lö ambö fa'abölö, — 6 na no ohau-hau ndra'ugö ba na sadölö dödöu, ba lö zi lö ifaigi-faigi'ö ba i'azökhi naha wa'atulö andrö khöu. 7 Ba na fa'ide-ide mege mbörötau, ba fondrege wa'ebua dania gamozua.

II. Niŵa'ö ndra tua ba wa'atulö Lowalangi andrö

[edit | edit source]

8 Sofu manö sa khö ndra tua, ba töngöni hadia ni'alu-alui ndra amara tödöra.[2] 9 Ya'ita sa, ba ha sara wongi na, ba si lö mangila watahögö hadia ia, me no amaedola lumö-lumö we'asoda ba guli danö andre. 10 Ba ya'ira zamahaö ya'ugö, la'ombakha'ö khöu, latunö khöu dödöra andrö. 11 Hadia, auri zukhu, na tenga ba dambu, ba ebua höi, na lö idanö? 12 Auri na, lö mutaba — ba alio oköli, moroi ba ndru'u bö'ö fefu.[3] 13 Da'ö dania lala zolifu Lowalangi, dozi, ba tobali faya dötönafö zebua horö.[4] 14 Saedu'aedu zabe'e dödönia, ba timba gu'ö galaŵa nidöna-dönania. 15 Abe'e dödönia nomonia, ba adudu; i'olembai, ba aso'a. 16 Auri ia ba manöi ba zino, ba ihawui kabunia lewiönia. 17 Iböbö gara tou ŵa'ania, isösö gotalua gara. 18 Ba na Ya'ia zondreha ba nahania, ba i'osilö'ögö ia [nahania andrö], imane: "Lö urai u'ila'ö! 19 Hiza, da'ö wa'omuso dödö ba lalania andrö, ba moroi ba danö tou, ba tumbu mbö'önia!" 20 Hiza, tenga si lö ba dödö Lowalangi zatulö tödö, ba lö ira'u danga zamazökhi horö. 21 Ba ihöna wa'iki ba mbawau ba fanunö ba mbeweu.[5]. 22 Si fatiu tödö khöu, ba la'onukha wa'aila, ba ose zebua horö, ba lö'ö sa'ae."

Famotokhi ba gahe

[edit | edit source]
  1. Faigi 1:18
  2. MozV 4:32; MozI 47:9; Nga'ötI 29:15
  3. Sin 129:6
  4. Faigi 11:20; Sin 112:10; Amaed 10:28
  5. Faigi 5:18,22

Fabaliŵa lala

[edit source]

Olayama Yobi: 123456789101112131415161718192021222324252627282930313233343536373839404142

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö