Wb/nia/Yobi/27
I. Si lö horö ia iŵa'ö[edit | edit source]
1 Ba itohugö huhuonia Yobi, imane: 2 "Ba wa'aduhu wa'auri Lowalangi, si no momba'a khögu lala, fa'auri Zi lö ambö fa'abölö andrö, si no mamusi tödögu — 3 A'oi sa so na nosogu barö dotogu, ba hanu-hanu Lowalangi andrö ba nikhugu —: 4 Tenga faya nilau mbewegu, ba tenga falimosa lua-lua lelagu. 5 Ya aröu khögu wanehe niŵa'ömi andrö; irege aetu nosogu, ba lö uböhöli wa lö horögu. 6 U'aro'ö khögu wa'atulögu, lö uböhöi; sara luo khögu lö itegudo tödögu. 7 Ya oroma, wa solalö nudugu andrö, awö wa si lö atulö zolaŵa ya'odo!
II. Ba si lö horö, ba möna ba gafuriata, ba si tekiko dania zebua horö[edit | edit source]
8 Hadia sa dötönafö zanaonao horö, na i'etu'ö nosonia Lowalangi, na ideha ba dotonia? 9 Hadia, ifondrondrongo we'aonia Lowalangi, na göna ia fa'atosasa?[1] 10 Hadia, tola i'omusoi'ö tödönia Zi lö ambö fa'abölö, ba tola ero ma'ökhö i'angaröfi li Lowalangi? 11 Da'ufahaö ami ba nilau danga Lowalangi andrö; lö ubini'ö khömi, he wisa dödö Zi lö ambö fa'abölö. 12 Hiza, no mi'ila, ya'ami andrö, dozi; ba hana wa mifa'ua waya-faya? 13 Da'ö dana ba niha si lö sokhi khö Lowalangi, da'ö zinema zamakao awönia, nitemania khö Zi lö ambö fa'abolö:[2] 14 Na oya nononia, ba ö mbawa zi'öli, ba madounia, ba no sambö balazo. 15 Si tosai soroiyomonia, ba möi barö danö, na teu mbanua, ba lö mange'esi lakha mbanua andrö khönia. 16 Na ihöna wirö, timba nene, ba na i'oya'ö nukha, timba dambu newali [wa'oya] — 17 ya'ia zangöhöna, ba satulö zi onukha, ba firö andrö, ba lafaosa khöra si lö horö.[3] 18 Ilau nahiania, nifolau galaŵa; hulö nose, nitaru'ö zanaro hadia ia, ibe'e. 19 Sebua ana'a na ia, na möi ia mörö, ba lö'ö sa'ae samuza tö; tokea ia, ba lö ya'ia sa'ae. 20 Ihawui ia ameta'uö, hulö molö; ba zi bongi i'oloi'ö ia angi sabölö.[4] 21 Ifazaŵa ia angi timu, ba numalö misa; i'oloi'ö ia, aheta ba nahania. 22 Ilau khönia [Lowalangi], lö fa'ahakhö dödö, ba moloiloi ia, ba dangania andrö [ba danga Lowalangi]. 23 Ba lalau datawo khönia, ba fasi khönia, moroi ba nahania mege."
Famotokhi ba gahe[edit | edit source]
Fabaliŵa lala[edit source]
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö