Wb/nia/Yobi/18
I. Itegu Yobi ba wangarö-ngarönia andrö[edit | edit source]
1 Ba itema li Yobi Bilidado andrö, banua Zua, imane: 2 "Ha wa'ara dania mibato wama'ua bewe andrö? Mi'era-era tödömi, ba awena dania fahuhuo ita. 3 Hana wa mifaedo ita ba zaliŵa-liŵa ba danö, ba hana wa si lö tödö ita, wamaigimi? 4 Ya'ugö andrö, sanasawi ya'ugö ba wönu andrö — hadia, lö niha sa'ae ba guli danö öbe'e, ba awu'a gara ba hili?
II. Ifa'ele'ö lala zebua horö[edit | edit source]
5 Mate sa wandru zebua horö, ba hola-hola galitö khönia, ba no si lö haga. 6 Taya haga baose khönia, ogömi-gömi, ba fandrunia, yaŵania, ba mate. 7 Aböda mbekania, beka zabölö andrö, ba möi famakikonia nikhoi dödönia. 8 Alau sa'ae gahenia ba gu'ö, ba itörö mbalu-balu lösu-lösu. 9 Ikhai mbörö sisinia tandraŵa, iböbö ia fesu. 10 Tou ba danö no labini'ö wesu khönia, fabaya aruru'a khönia ba lala. 11 No te'u'u ia ba gameta'uö, mu'awa ia ibe'e, heza ihundragö danö.[1] 12 I'isö ia famakiko, ba i'olembai ngainia famufu. 13 I'a ndroto-ndroto nösinia; i'ö'ökhi ndroto-ndrotonia si a'a nono wa'amate. 14 Tesöbi da'ionia, teheta ia ba nosenia, nidönadönia, lö tola lö i'ondrasi razo gameta'uö andrö.[2] 15 Ba nosenia, ba monahia mbö'önia; tehawui talö balera nahiania mege. 16 Moroi tou, ba mate ŵa'ania, ba ba hogu, ba aleu ndraha.[3] 17 Olifu niha ba danö ia; lö töinia sa'ae ba danö misa.[4] 18 Latimba ia ba zohaga, latuli'ö ba zogömi-gömi; lö'ö sa'ae lafonaha ia ba guli danö. 19 Lö lewiönia sa'ae ba lö madounia ba niwara, ba lö sauri ba nahiania. 20 Ba mbaŵania andrö tobali dödö mbanua tanö ba gaekhula, ba humokha mbu mbanua tanö ba gatumbukha. 21 Si manö sa'ae lala nahia zebua horö, si manö lala mbanua zi lö ba dödö Lowalangi."
Famotokhi ba gahe[edit | edit source]
Fabaliŵa lala[edit source]
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö