Wb/nia/Yobi/14
I. Mangarö-ngarö na ia, ba wa lö boto we'aso niha ba guli danö
[edit | edit source]1 "Niha ni'adonogö ndra alawe, ba lö anunau noso, ba no fahöna wa lö ahono-hono.[1] 2 Amaedola wa'atumbu mbunga wa'atumbunia, ba ifuli aleu, taya, hulö lumö, lö arara. 3 Ba öhörö-hörögö zi manö, ba ödöni ndra'o, ba wanguhuku ya'o! 4 Hadia, so maö zi lö si lö sökhi ba zi otarai zi lö sökhi? Samösa lö'ö![2] 5 Na no muhonogöi mbonginia, ba na no öhuku mbaŵania; na no öhonogöi wondregenia, si tebai italu'i, 6 ba efa'ö höröu khönia, ena'ö molombase ia, ba ena'ö omasi ia mbaŵania andrö, si mane enoni ba halöŵö.[3] 7 Ba döla geu, ba so sa dötönafö: na te'obö ia, ba ifuli molewiö, lö'ö sa si lö madounia. 8 He ŵa'ae atua ŵa'ania barö danö, ba he ŵa'ae mate duhenia, ba gawu-gawu tou, 9 ba ba hua nidanö andrö, ba ifuli auri ba falukha lewiö, hulö si mane si bohou tumanö. 10 Ba na mate niha, ba adölö tou, na aetu noso niha, ba heza so ia? 11 Si mane fa'ataya nidanö ba mbaŵa, ba si mane fa'ogo'ö mboto nidanö sebua, si mane fa'otufonia, 12 si manö wamadölö niha ya'ia, ba lö'ö sa'ae ifuli maoso. Irege adudu mbanua si yaŵa, ba lö tokea ira, ba lö liŵa-liŵara ba wemöröra andrö.[4]
II. Omasi ia mate, lö aröuröu dötönafönia, mangarö-ngarö sibai na ia
[edit | edit source]13 Ena'ö na ba mbanua tou öbini'ö ndra'odo, ena'ö na öfoba'a-ba'a ndra'o, irege alö wönumö andrö, na öhonogöi wondrege khögu ba na ifuli itörö tödöu ndra'odo.[5] 14 Hadia na mate niha, hadia, ifuli auri? Na si manö, ba alakha lö aetu wanötönagu, götö wasöndratagu andre, irege aefa ndra'o![6] 15 Ba mu'ao ena'ö ndra'ugö, ba utema liu; humulu ena'ö dödöu ba gomböila dangau andre. 16 Ba iada'e, ba ö'ofaya mbekagu, ba lö'ö sa ö'osilömilagö horögu.[7] 17 No mufotandro lalögu, bakha ba dokosa, ba no ölau wamakhitö ba horögu.[8] 18 Ba si mane hili, sadudu, na aruru, ba si mane kara ba hili, sawu'a, 19 ba si mane na adudu gara ibe'e idanö, si mane na ihanigö danö hohounia, si manö wamufumö tötönafö niha. 20 Öhöndrögö ia, öfaulugö, ba taya ia; tobali mbawania öbe'e, ba ötimba ia. 21 Na lasöndra wa'ebua döi iraononia, ba lö i'ila; ba na ahöndrö ira, ba lö ba dödönia ya'ira. 22 Ha safökhö khönia i'ila ösinia; ha ya'ia ni'abusinia tödö."
Famotokhi ba gahe
[edit | edit source]Fabaliŵa lala
[edit source]Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö