Wb/nia/Yobi/2
I. Fanandraigö Yobi faoma fökhö[edit | edit source]
1 Ba samuza ma'ökhö, ba ifuli momöi nono Lowalangi, ba wangondrasi Yehowa; ba möi awöra Zatana göi, ba wangondrasi Yehowa.[1]
2 Ba imane Yehowa khö Zatana: Heza ö'otarai?
Itema li Yehowa Satana, imane: U'otarai kumoli, no utöröi guli danö.
3 Ba imane Yehowa khö Zatana: Hadia, noa göi önehegö genonigu Yobi andrö? Lö'ö sa famaedonia ba guli danö, ba wa'atulö ba ba wa'adölö dödö ba ba wangata'ufi Lowalangi ba ba wa'udusa ba zi lö sökhi. Lö'ö na niböhölinia satulö andrö khönia, ba no öfarou ndra'o, ba wamakao ya'ia, lö börö-börö!
4 Itema li Yehowa Satana, imane: Uli zalahi guli! — ba fefu hadia ia, okhöta niha, ba ilulu, asala auri ia! 5 Ba tema oro'ö dangau, babaya nösinia, ba lö zi lö ikaoni ba mbawau, wa i'erogö ndra'ugö!
6 Ba imane Yehowa khö Zatana: Hiza, ba dangau so ia, ba böi etu'ö nosonia!
7 Ba mofanö Zatana, iröi Yehowa, ba ibözi Yobi bio, i'otarai narö kahe, numalö ba gagalizuzu.[2]
8 Ba ihalö duga lawu, ba woga'a-ga'a ösinia, dumadao ia bawu.[3]
9 Ba imane khönia fo'omonia: Hadia, aro zui na dödöu ba zatulö andrö khöu? Tema efa'ögö khö Lowalangi ba yagö mate!
10 Ba imane khönia: Fehede zi lö tödö wehedeu. Si sökhi andrö, ba no tatema khö Lowalangi, ba hadia tatimba zi lö sökhi? Ba da'ö fefu, ba lö horö mbewe Yobi.
II. Möi mamaigi ya'ia zi fahuwu khönia, si datölu[edit | edit source]
11 Ba larongo zi fahuwu khö Yobi — datölu ira — fefu wamakao andrö, si no göna ia, ba maoso ira, i'otarai mbanua khöra zamösana: Elifasi, banua Dema ba Bilidado, banua Zua ba Sofari, banua Na'ama, mamagölö ira, ba we'amöi, ba wangoroma'ö fa'ahakhö dödöra ba ba wondrara tödönia.[4] 12 Ba me lafaöga höröra, me aröu na ma'ifu ira, ba lö la'ila wa ya'ia; ba mege-ege ira, ba lasika nukhara, dozi ira, lafazaumba miyaŵa gawu-gawu, satoru ba högöra.[5] 13 Ba dumadao ira, awönia, ba zalo, fitu ngaluo ba fitu mbongi, samösa lö sihede khönia, sambua li lö'ö, me no la'ila, wa no falawu wa'afökhö andrö khönia.
Famotokhi ba gahe[edit | edit source]
Fabaliŵa lala[edit source]
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö