Jump to content

Wb/nia/Yobi/17

From Wikimedia Incubator
< Wb‎ | nia‎ | Yobi
Wb > nia > Yobi > 17

I. Mangarö-ngarö na ia ba wamakao andrö

[edit | edit source]

1 "Aböu hanu-hanugu, no ahori mbaŵa khögu, idöna-döna ndra'o lewatö. 2 Ba hiza, ba la'o'aya na ndra'odo, anehe ndra'o wasosota andrö khöra! 3 Be'e gade, ae ba wali khögu khöu! Ha niha na sa zi fara'u tanga khögu?[1] 4 Tödöra andrö, ba no öduhö, fa böi fa'aboto bakha, andrö göi lö öbe'e möna ira. 5 Na so zi manga mböli nawönia, ba ariri hörö nononia. 6 No ibe'e amaedola ndra'o, ba niha sato, tobali ladidiloi mbawagu.[2] 7 Ba balunö bakha hörögu ba wa'abu dödö, ba hato lumö ndroto-ndrotogu fefu.[3] 8 Ba da'ö tobali dödö zatulö tödö, ba maoso dödö zi lö horö ba zolau si lö sökhi andrö. 9 Ba lö'ö sa iböhöli lalania satulö tödö andrö, ba si lö hadia ia zi falemba ba danga, ba itugu abölö na.

II. I'arö nawönia andrö: so sa khönia mbörö wangarö-ngarö

[edit | edit source]

10 Ba ya'ami fefu, ba mi'ondrasi da'e ya'o; lö'ö sa ato usöndra zatua-tua ba khömi andrö. 11 No numalö mbaŵa khögu; no aetu gera-era dödögu andrö, omasiö dödögu.[4] 12 Labe'e si maokhö zi bongi, ahatö zi moluo laŵa'ö, ba si bongi zi so.[5] 13 Na udöna-döna nahiagu mbanua tou, na ba zogömi-gömi ubologö dufogu; 14 na fa'ama ndra'o ba lewatö, ba na fa'inado ba gukuö, ba ma na ga'agu lawe ube'e töinia, 15 ba heza so dötönafögu? nidöna-dönagu, ba ha khö oroma? 16 Ba lazi mbawandruhö mbanua tou isaŵa mitou, na ba gawu-gawu tou ato so wa'ahono dödö."

Famotokhi ba gahe

[edit | edit source]
  1. Faigi 9:33
  2. Faigi 30:9
  3. Sin 6:8; 31:18
  4. Faigi 7:7; 9:25
  5. Faigi 11:17

Fabaliŵa lala

[edit source]

Olayama Yobi: 123456789101112131415161718192021222324252627282930313233343536373839404142

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö