Wb/nia/Yobi/20
I. Tetimba zebua horö, si no alaŵa yaŵa[edit | edit source]
1 Ba itema li Yobi Sofari andrö, banua Na'ama, imane: 2 "Andrö wa hulö itema ligu era-eragu, me no humulu sibai bakha barö dotogu. 3 Fanegu fangailagu urongo, ba i'ombakha'ö sa ato khögu geluaha eheha andrö ba wa'aboto ba dödögu. 4 Hadia, lö örai örongo zi no arara andrö, fa'ara niha ba guli danö: 5 wa lö anau gölö wa'iki zebua horö, wa ha mamö'i hörö wa'ara wa'omuso dödö zi lö sökhi?[1] 6 He irugi mbanua si yaŵa wayaŵasania, ba he ibaya lawuo högönia, 7 ba si mane fa'ataya lazania, wa alua lö ya'ia dania, ba sangila ya'ia [mege], ba lamane: Heza so ia? 8 Si mane fa'ataya wangifi wa'atayania, lö oroma sa'ae, tefoloi, si mane lumö-lumö ba zi bongi.[2] 9 Hörö sangila ya'ia mege, ba lö'ö sa'ae i'ila ia, ba lö mangawuli ia ba nahania.[3] 10 Sondrara tödö zi numana nononia dania, ba samuli ana'a [ondra'ua] dangania. 11 He no fahöna wa'abölö dölania, fa'abölö nono matua, ba fao dania khönia, ba wemörö barö danö. 12 Na ami ba mbawania zi lö sökhi, na ibini'ö barö lelania, 13 na i'irö'ö ba na lö iböhöli, na ifalemba ba gararonia: 14 ba tobali gönia ba mbetu'ania bakha, tobali awökhu gulö ba dalunia. 15 No i'a gana'a ba ifuli i'uta'ö, ifuli iheta ba dalunia Lowalangi. 16 Söfu gulö isisiö mege, ba ibunu ia lela gulö sosöfu. 17 Lö tola i'omusoi'ö dödönia ba gelea ŵe ŵani ba ba gelea susu andrö. 18 Ifuli isao'ö baero gölönia, lö tola itölö: tebai omuso dödönia ba gana'a andrö nitukania.
II. Falösökhinia, awö huku andrö, si göna ia dania khö Lowalangi[edit | edit source]
19 Me no ifakao zi numana ba me lö nitolonia ya'ira — no i'okhögö nomo, ba lö i'aro'ö. 20 Me lö sahono-hono dalunia wangisö, ba tebai i'ohe zomasi ia ba wangorifi ya'ia ena'ö. 21 Lö fangorifi, ba wolu'a-lu'ania andrö, ba andrö wa si lö fozu gana'ania. 22 Ba wa'afahöna zi no a'oi so khönia tosasa ia; ihawui ia fa'abölö wa'anumana andrö. 23 Ba hiza dania: ba wamo'ösi dalunia, ba itewugö bakha [Lowalangi] hola-hola wönunia; ilau khönia deu, ba mbetu'ania bakha. 24 Na moloi ia, ba göröba si'öli, ba atöla ia ba nono wana töla.[4] 25 Ba isöbi, ba adöni ba nösinia, ba gawökhunia mege irugi ikhu zi'öli: ba ihawui ia, fa'ata'unia wa'amate. 26 No muhöna wamakiko, hadia ia ngawalö, ba girö-girönia andrö; i'a ia alitö, si tenga ni'ebua'ö niha; ihori zi tosai ba nosenia.[5] 27 Ibokai hörönia banua si yaŵa, ba möi udunia danö. 28 Sawu'a gölönia baomonia, idanö sahele misa, na baŵa wönu Lowalangi. 29 Da'ö gurakha niha sebua horö, khö Lowalangi, da'ö dana khönia, ondröita, nihonogöi Wondrege zalaŵa khönia."
Famotokhi ba gahe[edit | edit source]
Fabaliŵa lala[edit source]
Olayama Yobi: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö