Wb/nia/Nga'ötö II/29

Iŵa'ö ba gere Hisikia lafuli lahaogö gosali

I. 1 Dua wulu a lima fakhe Hisikia, me tobali razo ia, ba 29 fakhe razo ia ba Yeruzalema. Ba töi ninania, ba Abiya, ono Zakharia. 2 Ba somasi Yehowa ilau, i'o'ö sibai nilau duania Dawido mege. 3 Ba mbawa si föföna ba ndröfi wa'arazonia si föföna ibokai mbawandruhö gosali Yehowa ba ifuli i'azökhi. 4 Ba i'oroi'ö gere, awö Nono Lewi ba i'owuloi ira ba golayama tanö ba gatumbukha luo. 5 Ba imane khöra: Mifondrondrongo, ya'ami Ono Lewi! Mi'amoni sa'ae ba mi'amoni'ö gosali Yehowa, Lowalangi ndra tuami, ba miheta zi ta'unö ba ni'amoni'ö andrö! 6 Noa sa mosala ndra amada ba no lalau zi fatuwu khö Lowalangida Yehowa, ba no la'erogö ia. No laböhöli wangotahögö nahia Yehowa, no la'erogö. 7 Ba no lakusi mbawandruhö ba gewe'ewe andrö, ba fandru, ba no labunu, ba lö nitunura kumöyö, ba lö nibe'era sa'ae sumange khö Lowalangi Ndraono Gizeraeli, ba ni'amoni'ö andrö. 8 Andrö wa no göna fönu Yehowa mado Yuda ba banua Yeruzalema, fönu sabölö-bölö, awö wa no ibe'e fameta'u niha ira ba börö wehokha mbu, awö wa fasi niha bö'ö, no hörömi zangila. 9 Ba hiza, ba no mate ba mbawa zi'öli ndra amada, ba onoda matua ba onoda alawe ba ira alaweda, ba no mu'oloi'ö, börö da'ö. 10 Ba no uŵa'ö tödögu, fawu'u li ndra'o khö Yehowa, Lowalangi Ndraono Gizeraeli, ena'ö alö wönunia sabölö-bölö andrö khöda. 11 Ba böi areu ami, ya'ami iraonogu! Me no ya'ami nitutuyu Yehowa, ena'ö fönania so ami, ngoni-ngoninia, ba ena'ö enoninia ami, ba wanunu kumöyö khönia.

La'o'ö niŵa'önia

II. 12 Ba maoso Nono Lewi andrö: Mahata, ono Gamasai, ba Yoeli, ono Gasaria, ma'uwu Gahati. Ba ma'uwu Merari, ba Kisi, ono Gabidi, ba Asaria, ono Yehaleleli. Ba ma'uwu Gereso, ba Yoa, ono Zima ba Edena, ono Yoa. 13 Ba ma'uwu Gelisafa, ba Simeri ba Yeieli. Ba ma'uwu Gasafo, ba Sakharia ba Matania. 14 Ba ma'uwu Hemano, ba Yehieli ba Sime'i. Ba ma'uwu Yedutuno, ba Semaya ba Usieli. 15 Da'ö zamalukha'ö iwara, mamoni ira, ba möi ira, ba wangehao osali, la'o'ö goroisa razo, dali nifakhoi Yehowa. 16 Ba möi bakha ba gosali gere andrö, ba wangehao; fefu zi ta'unö ba gosali Yehowa, ba labe'e baero ba golayama, ba latema Ono Lewi, ba wanibo ba nidanö ba Gendrona. 17 Me sambua desa'a ba mbaŵa si föföna labörötaigö wamoni ba ba zi meŵalu, ba larugi gewe'ewe andrö khö Yehowa: ba lahaogö gosali Yehowa, 8 ngaluo, ba ba zi sese, ba mbaŵa si föföna andrö, ba awai khöra. 18 Ba möi ira yomo khö razo Hisikia, ba lamane: No mahaogö gosali Yehowa, ma'asambua, awö naha wame'e sumange nitunu, awö wakake andrö khönia, fefu, he meza andrö, naha roti nifaigi-faigi, fabaya fakake khönia, fefu. 19 Ba fakake andrö fefu, nitibo'ö razo Ahasi, si lö ba dödönia, ba götö wa'arazonia, börö wangerogönia Yehowa, ba no mafuli ba nahania ba no mafuli ma'amoni'ö; no so ba da'ö, föna naha wame'e sumange, khö Yehowa.

Mame'e sumange razo, awö niha sato, lafosumange Lowalangi

III. 20 Ba ihulö wongi razo Hisikia, i'owuloi zatua mbanua fefu, ba möi ira miyaŵa ba gosali Yehowa. 21 Ba mame'e sumange ba da'ö, fitu nga'eu nono zaŵi ba fitu nga'eu mbiri-biri si matua ba fitu rozi nono mbiri-biri; ba baero ö, ba fitu nga'eu nambi si matua, sumange fameta horö, tana ba wa'arazo ba ba ni'amoni'ö ba ba mado Yuda. Ba ibe'e li [razo] ba ma'uwu Ga'aroni, ere andrö, ba naha wame'e sumange andrö khö Yehowa labe'e. 22 Ba lataba zaŵi andrö, ba la'edogö ndro ere, ba labe'e fanefe naha wame'e sumange. Ba lataba mbiri-biri si matua andrö, ba labe'e fanefe naha wame'e sumange ndro. Ba lataba göi nono mbiri-biri; ba labe'e fanefe naha wame'e sumange ndro. 23 Ba aefa da'ö, ba la'ohe föna razo ba föna zato nambi si matua andrö, sumange fameta horö, ba latufa tangara. 24 Ba lataba ere ba labe'e ba naha wame'e sumange ndro, fameta horö, ba wameta sala Ndraono Gizeraeli fefu; me no iŵa'ö razo: ba Ndraono Gizeraeli fefu zumange nitunu andrö, awö zumange fameta horö. 25 Ba föna gosali Yehowa ifataro Nono Lewi, si so faritia ba biola nitika, sebua ba side-ide, dali nifakhoi Dawido föna ba Gado andrö, sangi'ila khö razo, ba Natano sama'ele'ö. Me no nifakhoi Yehowa da'ö, ba sama'ema zama'ele'ö andrö khönia. 26 Ba so ba da'ö Nono Lewi andrö, si so nilau-lau andrö, khö Dawido, ba torofe ba gere. 27 Ba iŵa'ö Hisikia la'ohe ba naha wame'e sumange zumange nitunu andrö; ba ha si'aikö lafobörö wame'e sumange nitunu andrö, ba labörötaigö göi zinunö andrö khö Yehowa ba lalau dorofe, dali nilau-lau andrö khö Dawido, razo Ndraono Gizeraeli. 28 Ba lafalögu tou ira sato fefu; ba manunö zanunö andrö ba telau dorofe — oi irege awai wame'e sumange nitunu andrö. 29 Ba me no awai wame'e, ba labalöduhini tou danö razo ba awönia andrö fefu, ba lafalögu tou ira. 30 Ba laŵa'ö ba Nono Lewi razo Hisikia ba satua andrö, lasuno Yehowa fanunö ndra Dawido Asafo sangi'ila andrö. Ba lalau wanunö andrö, somuso tödö ira, ba lafaöndrö ira ba lafalögu tou ira. 31 Ba humede Hisikia, imane: No [mifuli] mi'amoni'ö ami khö Yehowa; ba mi'ae mi'ohe ba gosali Yehowa zumange nitaba ba sumange fanuno! Ba la'ohe zumange nitaba ba sumange fanuno sato, ba dozi si terou tödö, ba labe'e zumange nitunu. 32 Ba sumange fefu nibe'e zato, ba 70 nga'eu zaŵi ba 100 nga'eu mbiri-biri si matua ba 200 rozi nono mbiri-biri; oi sumange nitunu, sumange Yehowa. 33 Ba ni'amoni'öra, ba 600 nga'eu zaŵi ba 3000 nga'eu mbiri-biri. 34 Ba ambö ere; tebai ahori labo'ai guli zumange; ba latolo ira iwara, Ono Lewi andrö, irege awai halöŵöra ba irege la'amoni'ö ira ere; me no moroi ba dödö ba Nono Lewi andrö wamoni; ambö ba gere. 35 Ba oya sibai göi zumange nitunu, awö dawö zumamange fangorifi, awö zumange nibadu, nifao ba zumange nitunu andrö. Ba tobali no mufuli mu'ohe ba lala wame'e sumange andrö ba gosali Yehowa. 36 Ba somuso tödö Hisikia, awö niha sato fefu, börö ni'asogö Lowalangi khöra; noa sa i'ogomuzaö manö da'ö fefu.

Famotokhi ba gahe

Fabaliŵa lala

Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö