Wb/nia/Nga'ötö II/15
Ifuli i'atulö'ö wamosumange Lowalangi Asa, me no i'abe'e'ö dödönia Asaria sama'ele'ö
[edit | edit source]I. 1 Ba so Geheha Lowalangi khö Gasaria, ono Gobedi, 2 ba möi ia tou, ifaondragö Asa, ba imane khönia: Mifondrondrongo khögu, ya'ugö Asa ba ya'ami mado Yuda ba mado Mbeniyami, fefu! Itolo ami Yehowa, na lö aefa ami khönia! Na mi'alui ia, ba i'oro'ö ia khömi; ba na mi'erogö ia, ba i'erogö göi ami.[1] 3 Ara manö, wa lö Lowalangi si ndruhu ba Ndraono Gizeraeli ba lö ere. Samahaö ya'ira, ba lö oroisa.[2] 4 Ba aefa da'ö, ba lafuli ira khö Yehowa, Lowalangi Ndraono Gizeraeli, me no tosasa ira; ba me la'alui ia, ba i'oro'ö ia khöra.[3] 5 Ba me luo da'ö, ba sata'u manö zofanö ba sata'u göi zangawuli; dozi niha ba danö, ba oi humufa manö.[4] 6 Si fa'obi manö soi, ba he banua, me no Lowalangi zamahufa ya'ira wamatörö famakao, hadia ia ngawalö.[5] 7 Ba ya'ami, ba mi'abe'e'ö dödömi, böi adada dangami, tefoluo sa dania wolaumi![6] 8 Ba me irongo Asa niŵa'ö andrö ba fama'ele'ö Gasaria, ono Godedi, ba i'abe'e'ö dödönia ba ifaheta'ö zogoro ita andrö, ba danö mado Yuda, ba ba danö mado Mbeniyami, ma'asagörö, ba ba mbanua andrö, nifadöninia, ba hili mado Geferayi; ba i'azökhi naha wame'e sumange khö Yehowa, föna gewe'ewe andrö, khö Yehowa. 9 Ba ifalukha'ö mado Yuda, awö mado Mbeniyami, fefu, awö mado Geferayi andrö ba mado Manase ba mado Zimeoni, si no fatewu khöra; noa sa ato zi möi khönia Iraono Gizeraeli, me no la'ila itolo ia Lowalanginia Yehowa. 10 Ba owulo ira ba Yeruzalema, me baŵa si tölu, me no alua meweleöfa fakhe razo Asa, 11 ba lataba khö Yehowa gahulua andrö ösa, nihalöra, 700 nga'eu zaŵi ba 7000 nga'eu mbiri-biri.
Fawu'u li zato khö Lowalangi. Laheta salaŵa nina Asa
[edit | edit source]II. 12 Ba lafabu'u sibai, moroi si'aikö ba dödöra ba ba gera-erara lö laböhöi Yehowa, Lowalangi ndra tuara;[7] 13 ba na so ha niha, zangerogö Yehowa, Lowalangi Ndraono Gizeraeli, ba nibunu, he iraono, ba he satua, he ira matua, ba he ira alawe. 14 Ba fahölu ira khö Yehowa, la'ebua'ö lira ba fao wa'owua-wua dödö ba folau torofe, he torofe nidödöni. 15 Ba omuso dödö mado Yuda fefu, ba wahölusa andrö, me no moroi si'aikö ba dödöra fahölu ira, ba no moroi si'aikö ba dödö göi wangalui Yehowa, ba i'oro'ö göi ia khöra, ba lö hadia ia khöra ibe'e, fasui manö.[8] 16 Iheta göi salaŵa ninania Ma'akha Asa,[9] me no ifazökhi nadu khö Gasera. Ba adu andrö khönia, ba i'eŵa Asa, irasa ba itunu ba ndraso Gendrona.[10] 17 Ba hili-hili andrö, ba lö'ö sa mubulö'ö ba Ndraono Gizeraeli, ba Asa, ba no sadölö tödö, götö wa'anau nosonia. 18 Ba ifabe'e'ö göi ba gosali Lowalangi ni'amoni'ö namania, awö mbualania ni'amoni'ö — ana'a ba firö ba gama-gama. 19 Ba lö sanuwö ya'ira, irugi no alua 35 fakhe razo Asa.
Famotokhi ba gahe
[edit | edit source]Fabaliŵa lala
[edit source]Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö