Wb/nia/Nga'ötö II/2

Fawu'u li ira Zelomo Huramo ba wolau osali andrö

I. 1 Ba iŵa'ö Selomo, lalau gosali döi Yehowa, ba khönia, ba lalau gödo razo. 2 Ba i'ofaya Selomo, zonoro, 70.000, ba 80.000 zanoto kara, ba hili, ba 3600 mandrura. 3 Ba ifatenge zinenge Selomo khö Huramo, razo Diro, imane khönia: Folaumö khö namagu Dawido no, me öfa'ohe'ö khönia mbalo, eresi, ena'ö ilau gödo khönia, omonia. 4 Ba hiza, ulau gosali döi Lowalangigu Yehowa, ni'amoni'ö khönia, ba wanunu samohua khönia ba ba wama'oli roti nifaigi-faigi andrö, ba ba zumange nitunu andrö, nifaföfö luo, ero ma'ökhö, ba ba luo sabato ba ba wasulöna mbaŵa ba ba gowasa andrö khö Lowalangima Yehowa, — ömö Ndraono Gizeraeli da'ö, si lö mamalö-malö. 5 Ba osali andrö nilaugu, ba sebua; me no sebua moroi ba Lowalangi bö'ö fefu Lowalangima andrö. 6 Ba ha niha sa zangila molau omo khönia? Me no ambö nahiania zorugo, awö zorugo fondrege zalaŵa yaŵa; ba ha niha ndra'odo, wa solau omonia ndra'o? — na tenga ha ba wanunu kumöyö khönia? 7 Ba fatenge sa'ae khögu niha, samösa, si no to'ölö ba walau hadia ia, he ba gana'a ba he ba wirö ba he ba döla ba he ba zi'öli ba ba ungu soyo ba ba girimisi ba ba ungu sowu waruwaru, ba sangila manua gambara, awö duka andrö si so khögu ba mado Yuda ba ba Yeruzalema, ni'asogö namagu Dawido. 8 Ba fa'ohe'ö göi khögu geu balo, eresi ba senobari ba sendrana, moroi ba hili Libano; aboto sa ba dödögu, wa no to'ölö mbanuau andrö, ba wolau eu ba hili Libano, ba banuagu, ba no te'anö, tohu-tohu danga mbanuau andrö. 9 Ba oya sibai ni'a'asogö khögu eu balo, me sebua dania ba sanalu'i inötö nomo andrö, nilaugu. 10 Ba ufa'ohe'ö balazo zolau eu andrö, solobö, banuau andrö, ba 40.000 ngaso'e gandru ba 40.000 ngaso'e ze'iri ba 4000 ngaso'e nagu ba 4000 ngaso'e wanikha. 11 Ba itema li Zelomo Huramo, razo Diro, ifa'ohe'ö zura khö Zelomo, imane: Me no i'omasi'ö mbanuania Yehowa, andrö wa ifataro razora ndra'ugö. 12 Ba imane na Huramo: Nisuno Yehowa, Lowalangi Ndraono Gizeraeli, samazökhi banua si yaŵa, awö danö, me no ibe'e khö razo Dawido nono satua-tua, si so fa'onekhe ba fa'aboto ba dödö, ba wolau osali khö Yehowa ba ba wolau gödo razo khönia. 13 Ba ufatenge khöu duka, sangila watahögö, Huramo Abi andrö, 14 mado Dano ninania ba banua Diro nama. Si no to'ölö ia ba wolau hadia ia, ba gana'a ba ba wirö ba ba döla ba ba zi'öli ba ba gara, ba he ba geu ba ba ungu soyo, ba he ba zowu waruwaru, ba ba darafali ba ba girimisi, ba ba wanua hadia ia ngawalö gambara, ba ba wolau hadia halöŵö duka, niŵa'ö khönia, awö duka khöu ba awö duka khö duagu amau Dawido. 15 Ba fa'ohe'ö sa'ae, ö genoniu, gandru andrö, ba se'iri ba fanikha ba agu andrö, niŵa'öu, ya'ugö sokhö ya'o. 16 Ba ya'aga andre, ba solau eu ba hili Libano, ha wa'oya-oya zoguna khöu, ba ma'ohe khöu ba Yafo, marakeni, ba nasi, ba ya'ugö zama'ohe'ö misi yaŵa ba Yeruzalema.

Fa'ato zohalöŵö

II. 17 Ba i'ofaya Selomo fefu zi fatewu gana ba danö Ndraono Gizeraeli, si mane me i'ofaya amania Dawido föna; ba no 153.600. 18 Ba 70.000 ifataro sana'una'u hadia ia, ba 80.000 ibe'e sanotonoto kara, ba hili, ba 3.600 ifataro mandru, sango'ou niha andrö ba rodi andrö.

Famotokhi ba gahe

Fabaliŵa lala

Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö