Wb/nia/Nga'ötö II/1
Mame'e sumange Zelomo, ba Gibeona[edit | edit source]
I. 1 Selomo, ono Dawido, ba i'aro'ö wa'arazonia, ba itolo ia Lowalanginia Yehowa, ebua sibai lakhömi ibe'e.[1][2] 2 Ba ibe'e goroisa Selomo ba Ndraono Gizeraeli fefu, ba ba zolohe ngahönö ba ba zolohe ngaotu ba ba zanguhuku ba ba zalaŵa fefu, ba Ndraono Gizeraeli fefu, ba ba högö ngafu andrö, 3 i'ohe zato fefu Selomo, awönia ba hili-hili andrö ba Gibeona. Ba da'ö sa so nose wama'ele'ö andrö khö Lowalangi, nilau Moze, enoni Yehowa, ba danö si mate.[3] 4 (Ba tawöla andrö khö Lowalangi, ba no i'ohe miyaŵa Dawido, moroi ba Giriati Yeari, no ibe'e ba nahia andrö, nilaunia nahania; noa sa ifazökhi nosenia ba Yeruzalema).[4] 5 Ba he naha wame'e sumange töla andrö, nifazökhi Mbesaleeli, ono Guri, ma'uwu Huri, ba ba da'ö so, föna nose Yehowa, ba la'alui [Yehowa, ba da'ö] Selomo, awö niha sato.[5] 6 Ba ibe'e zumange ba da'ö Selomo, ba naha wame'e sumange töla andrö, föna Yehowa, föna nose wama'ele'ö andrö, 1000 ibe'e sumange, nitunu, ba detenia.
Fangandrönia ba fanehe Lowalangi[edit | edit source]
II. 7 Ba ba zi bongi andrö,[6] ba i'oroma'ö ia khö Zelomo Lowalangi, imane khönia: Andrö zomasi'ö ube'e khöu![7] 8 Ba imane Selomo khö Lowalangi: No ebua sibai dödöu khö namagu Dawido ba no öbali'ö fangalinia razo ndra'odo. 9 Ba ena'ö na itörö nifabu'umö khö namagu Dawido, ya'ugö Yehowa, Lowalangi! Noa sa öfataro razo ndra'odo, razo niha si no ato sibai, timba wa'oya ngawua gawu nasi ba danö.[8] 10 Ba be'e sa'ae khögu wa'atua-tua ba fa'aboto ba dödö, ena'ö usöndra lala, he uwisa ba niha andre; ha niha sa ena'ö zangila mamatörö banuau andre, si no ato sibai? 11 Ba imane Lowalangi khö Zelomo: Me no da'ö zi so ba dödöu, ba me tenga fa'ebua gana'a ba tenga girö-girö ba tenga sumange ba tenga famunu si fa'udu khöu ni'andröu, ba me tenga göi fa'anau nosou; me no fa'atua-tua ba fa'aboto ba dödö ö'andrö, ena'ö ö'ila öfatörö mbanuagu andrö, ba nifatarogu razo ya'ugö, 12 ba nibe'e khöu wa'atua-tua ba fa'aboto ba dödö. Ba he fa'ebua gana'a göi ba girö-girö ba sumange, ba utehe khöu, irege zi lö irai ba razo bö'ö fönau, ba si lö'ö sa'ae göi dania furiu.
Fa'ebua Zelomo ba ana'ania[edit | edit source]
III. 13 Ba iröi hili-hili andrö ba Gibeona Selomo, [naha andrö] föna nose wama'ele'ö, ifuli ia ba Yeruzalema, ba razo Ndraono Gizeraeli ia. 14 Ba oya sibai i'asogö khönia kureta Selomo, awö zi fakudo, 1400 khönia gureta ba 12.000 zi fakudo.[9] Ba mbanua gureta andrö ifataro ba ba zi tefasui razo, ba Yeruzalema.[10] 15 Ba falaŵalaŵa ira gara gana'a, wa'oya, ibe'e razo, ba falaŵalaŵa ira döla geresi döla ara gatua, ba ndraso.[11] 16 Ba kudo andrö, ba ba danö Miserayi ihalö Selomo; möi-möi zaniaga andrö khö razo, ba sambasambawa lahalö, ni'öli; 17 önö ngaotu rufia zambua kureta, wolohe miyaŵa, moroi ba danö Miserayi, ba 150 zageu kudo. Ba si manö göi wama'emara ba razo Ndraono Kheti ba ba razo Ndrawa Garamo.
Famotokhi ba gahe[edit | edit source]
Fabaliŵa lala[edit source]
Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö