Wb/nia/Nga'ötö II/10

Fa'abe'e li Rehabeamo, me mangandrö khönia zato

I. 1 Ba möi ba Zikhema Rehabeamo, me no ba da'ö falukha Ndraono Gizeraeli fefu, ba wamataro razo ya'ia. 2 Ba me irongo Yerobeamo, ono Nebati — ba danö Miserayi so ia; ba da'ö isaŵa, me moloi ia no khö Zelomo —, me irongo, wa no mate Zelomo, ba mangawuli ia moroi ba danö Miserayi. 3 Ba lafatenge, lafakaoni'ö ia. Ba so Yerobeamo ba Iraono Gizeraeli fefu, ba lamane khö Rehabeamo: 4 No rodi sabe'e ihare'ö khöma amau, ba ya'ugö, ba ökaohasi khöma ma'ifu halöŵö sabe'e, awö rodi safökhö andrö, nihare'ö namau khöma, ba soga barö mbawau. 5 Ba imane khöra: Mihonogö na ami, irege dua wongi, ba mifuli ami khögu. 6 Ba mofanö zato. Ba mamagölö razo Rehabeamo ba zatua, enoni namania Selomo, me lö si mate ia na, imane: Ha taŵa'ö ba niha andrö, hadia ba dödömi? 7 Ba latema linia, lamane khönia: Na ebua dödöu khöra andrö, ma'ökhö, na öhakhösi tödö ira, ba na öhaogö wanema lira, ba lö labulö'ö ira barö mbawau. 8 Ba lö ifondrondrongo niŵa'ö zatua andrö khönia, ba mamagölö ia ba nono matua, si faziazia'a khönia, si no möi enoninia, imane khöra: 9 Hadia ba dödömi, ha tawa'ö khöra andrö, sanguma'ö khögu: Kaohasi khöma rodi andrö, nihare'ö namau khöma? 10 Ba lamane khönia ono matua andrö, si faziazia'a khönia: ömane khöra, sanguma'ö khöu: "Amau, ba no ihare'ö khöma rodi sabe'e, ba ya'ugö, ba kaohasi khöma, — ömane khöra; Turugu si akhi, ba no esolo moroi ba löwi-löwi namagu! 11 Ba lau, ba na no rodi sabe'e ihare'ö khömi amagu, ba ya'o, ba udou'ö na wa'abe'e rodi andrö khömi: Na no i'otu'ö ami bözi-bözi kudo amagu, ba ya'o, ba "tongo" ulau khömi!" 12 Ba me lafuli la'ondrasi Rehabeamo ira Yerobeamo, awö niha sato fefu, me no aefa zi dua wongi andrö, dali niŵa'ö razo, me imane: Ba zi dua wongi mifuli ami khögu! 13 ba i'abe'e'ö linia khöra razo. Tobali lö ifondrondrongo razo Rehabeamo niŵa'ö zatua, 14 niŵa'ö nono matua andrö i'o'ö wanguma'ö khöra: Na no rodi sabe'e ihare'ö khömi amagu, ba ya'o, ba udou'ö na wa'abe'enia; na no i'otu'ö ami bözi-bözi kudo amagu, ba ya'o, ba "tongo" ulau khömi! 15 Tobali lö i'o'ö ni'andrö zato razo; me no moroi ba Lowalangi da'ö, ena'ö itörö niŵa'önia andrö, nifa'ema Gahia andrö, banua Zilo, khö Yerobeamo, ono Nebati.

Fabali khönia zi fulu tua andrö

II. 16 Ba me no aboto ba dödö Ndraono Gizeraeli fefu, lö i'o'ö ni'andröra razo, ba lamane khönia niha sato: "Hadia nihalöda khö Dawido? Lö'ö sa tana khöda khö nono Giza'i! Mifuli ami, ya'ami Iraono Gizeraeli, yamufuli ia khöra zamösana! Ba faigi he öwisa yomo khöu, ya'ugö Dawido!" Ba lafuli ira khöra Iraono Gizeraeli fefu. 17 Ba ba Ndraono Gizeraeli ba mbanua mado Yuda, ba Rehabeamo razora. 18 Ba me ifatenge gumandra Hadoramo andrö Rehabeamo, ba labunu da'ö Iraono Gizeraeli, latebu kara. Ba fakhamö sibai na itibo'ö ia ba guretania yaŵa razo Rehabeamo, moloi, isaŵa Yeruzalema. 19 Ba tobali fabali ba nga'ötö Dawido Ndraono Gizeraeli, irugi ma'ökhö andre.

Famotokhi ba gahe

Fabaliŵa lala

Olayama Nga'ötö II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö