Wb/nia/Moze V/7
Nibunu ba nifufu nudura dawa Gana'ana andrö[edit | edit source]
I 1 Na no i'ohe dania ndra'ugö ba danö andrö Lowalangiu Yehowa, ba danö andrö, ba zi möi'ö, ba wangokhögö ya'ia, ba na no oya soi itimba fönau: Iraono Kheti ba Iraono Girigasi ba Iraono Gamori ba Dawa Gana'ana ba Iraono Weresi ba Iraono Hewi ba Iraono Yebusi, fitu soi sebua moroi khöu ba sabölö moroi khöu, 2 na no ibe'e ba dangau Lowalangiu, Yehowa, ba na no ölaŵa ira, ba ölakha'ö ira; lö tola fawu'u li ndra'ugö khöra, ba lö tola öhakhösi tödö.[1] 3 Ba lö'ö göi tola fahalö ami; lö tola öbe'e khö nonora matua nonou alawe ba lö tola öhalö khö nonou matua nonora alawe.[2] 4 Ma dania i'erogö ndra'o onou matua labe'e, ma tobali ifosumange Lowalangi bö'ö, ba mofönu khömi Yehowa ba ita'i-ta'i ihori ami.[3]
5 Mimane sa'ae wolau khöra: Naha wame'e sumange khöra, ba midudugö, gowe andrö khöra, ba mirasa, eu ni'amoni'ö khöra, ba mi'obö, ba adura, ba mitunu ba galitö,[4] 6 me no soi ni'amoni'ö khö Lowalangiu, Yehowa, ndra'ugö; no ya'ugö nituyu Lowalangiu, Yehowa, khönia, soi tana khönia, ni'oniagö ba soi bö'ö fefu, ba guli danö.[5]
7 Tenga sa me no sato niha ami, moroi ba soi bö'ö, wa no ebua dödö Yehowa khöu, wa no ya'ami nituyu — noa sa fondrege zide-ide ami, ba ngai soi bö'ö fefu — börö me i'omasi'ö ami, 8 ba me edöna ia itörö zi no möi ba hölu ia khö ndra tuami mege; andrö iheta ami tanga sabe'e, i'efa'ö ami ba wa'asawuyu, ba danga Wara'o, razo Miserayi, 9 ena'ö aboto ba dödöu, wa no Lowalangi [si ndruhu] Lowalangiu andrö, Yehowa, wa no Lowalangi si lö faröi, si lö mamöhöi fawu'usa li ba fa'ebua dödö andrö, irege hönö nga'ötö, khöra sangomasi'ö ya'ia ba solo'ö oroisania,[6] 10 ba solau sulö, nifatörö khöra, ba zi fatiu tödö khönia, fefu, wangohori ya'ira. Lö'ö sa fa'ebolo dödönia ba zi fatiu tödö khönia, khönia ifatörö zulö.[7]
11 Andrö ö'o'ö goroisania, awö gamakhoita andrö, awö huku andrö, nifa'emagu khöu ma'ökhö, ena'ö öbe'e tali wolaumö ia.
Ifabu'u howu-howu ba Ndraono Gizeraeli Lowalangi[edit | edit source]
II 12 Ba na mifondrondrongo huku andrö ba na mi'o'ö, ba lö'ö göi ibulö'ö khöu Lowalangiu, Yehowa, wawu'usa li andrö, awö wa'ebua dödö, si no möi ba hölu ia khö ndra tuau:[8] 13 i'omasi'ö ndra'ugö ba ifahowu'ö ndra'ugö ba i'oya'ö ami; tabinamö andrö ba bua nowiu, fakheu, ba ösi mbua nagu, awö wanikha khöu, ba ono zaŵi khöu, ba fo'ono mbiri-biri khöu, fabaya nambi, ba ifahowu'ö, ba danö andrö, nibe'enia khöu dania, dali wahölusania andrö khö ndra tuau.
14 Nifahowu'ö dania ndra'ugö, föna soi bö'ö fefu; he ba ndra matua khöu ba he ba ndra alawe, ba lö si lö mo'ono, ba si manö göi ba gurifömö.[9]
15 Fefu ngawalö wökhö, ba itimba khöu Yehowa, ba sambalö lö igönaisi ndra'ugö fökhö Ndrawa Miserayi andrö, teu mbanua andrö, si no ö'ila föna; ba zi fa'udu khöu ihare'ö da'ö.[10]
16 Ba fefu soi andrö, nibe'e Lowalangiu, Yehowa, ba dangau, ba öhori. Böi ahakhö dödöu, wamaigi ya'ira, ba böi fosumange Lowalangira andrö; tandraŵa sa khöu da'ö ena'ö.
17 Ba na ömane dödöu ena'ö: Sato moroi khögu soi andrö, he uwisa wanimba ya'ira? 18 ba böi ata'ufi, törö manö tödöu nifatörö Lowalangiu, Yehowa khö Wara'o no, ba ba Ndrawa Miserayi fefu. 19 Fa'abölö andrö, nifa'ele'ö, ni'ila höröu, tandra andrö, ba ila-ila, tanga sabe'e andrö ba ta'io ni'oro'ö, khö Lowalangiu, Yehowa, wamawu'a ya'ugö! Si manö dania ilau Lowalangiu, Yehowa, ba niha bö'ö andrö fefu, ni'ata'ufimö.[11] 20 Ba ifatörö na khöra geto Lowalangiu, Yehowa, irege ahori zi tosai andrö, si no mamini'ö ya'ira mege khöu.[12]
21 Böi humokha mbumö khöra! me no so ba khöu Lowalangiu, Yehowa, Lowalangi sebua ba sata'u ita, 22 ba izara-zara wanimba fönau soi andrö Lowalangiu, Yehowa. Böi osamuzaigö wangohori ya'ira, ma dania abölö khöu gutu ndru'u.[13]
23 Ibe'e ba dangau Lowalangiu, Yehowa, ba fawuka ibe'e, irege no ahori ira. 24 Ba razora, ba ibe'e ba dangau, ena'ö olifu niha ba guli danö döira öbe'e. Samösa lö solaŵa ya'ugö, irege no öhori ira.
25 Famaedo Lowalangira andrö, ba mitunu, ba firönia ba ana'ania, ba böi isö, böi halö khöu, fa böi tobali fama'alamö. Me no sogoro Lowalangiu, Yehowa, zi mane da'ö.
26 Ba sogoro ita, ba böi ohe yomo ba nomou, fa böi möi salakha göi ndra'ugö, si mane ya'ia. 27 Ö'ogorofi ba si hokha mbumö ia, me no mulakha'ö.
Famotokhi ba gahe[edit | edit source]
Fabaliŵa lala[edit source]
Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö