Wb/nia/Moze V/18
Balazo gere[edit | edit source]
I. 1 Ba gere ono Lewi andrö ba ba mado Lewi fefu, ba lö tebe'e danö, tana khöra, ondröita dania, si mane ba Ndraono Gizeraeli bö'ö; sumange Yehowa andrö, nifatörö ba galitö ba hadia ia dana khönia, mbalazora.[1] 2 Tana khöra tanö, ba lö labe'e khöra ba ngai niwara andrö; no Yehowa dana khöra, si mane nifabu'unia khöra.[2] 3 Ba da'ö zinehe ba gere, ba zato, ba zanaba sumange, he saŵi ba he biri-biri: Khö gere labe'e da'io ba simbi ba betu'a ebua.
4 Fondrege zi sökhi mbua nowi khöu ba agu ba fanikha, ba he fondrege zi sökhi mbu mbiri-biri khöu, ba khönia öbe'e. 5 Noa sa'ae ya'ia nituyu Lowalangiu, Yehowa, ba madomi andrö fefu, ena'ö lö mamalö-malö, wa ya'ia ba iraononia dania zangai-ngai halöŵö ba döi Yehowa.[3].
6 Ba na so zi möi ba naha andrö, nituyu Yehowa, ono Lewi, si oroi mbanuami heza, ba Ndraono Gizeraeli fefu, ba zi so ia si fatewu, ba balazi manö ia, na möi ia, 7 ba tola ihalö-halö halöŵö ba döi Lowalanginia Yehowa, si mane ira talifusönia ono Lewi, fefu, si no möi enoni Yehowa ba da'ö. 8 Lafagölö-gölö wamaosa gö andrö, lö lai zi no so khönia, böli gondröita ndra amania.
Fanenaŵa fame'e adu ba faetasa[edit | edit source]
II. 9 Na örugi danö andrö, nibe'e Lowalangiu, Yehowa, khöu, ba böi famaha'ö ba wolo'ö sogoro ita andrö, ba niha andrö.[4]
10 Böi falukha ba khömi zamatörö ba galitö ononia matua ba ma ononia alawe, ba he si faeta ba he sanahö lawuo ba he sanaka [ulö] ba he si fakelemu;[5] 11 ba he sanaka, bö'önia, ba he samahede bekhu, ma bekhu waetasa, sanofu ba zi no mate, hadia ia. 12 Me no sogoro Yehowa dozi solau si manö, ba börö zogoro ia andrö, wa ihori ira fönau Lowalangiu, Yehowa. 13 Ha sambalö Lowalangiu Yehowa manö ö'olembai.[6]. 14 Soi niha andrö sa, nitimbamö, ba lafondrondrongo niŵa'ö zanahö lawuo ba si faeta; ba khöu, ba lö itehe zi manö Lowalangiu, Yehowa.
Famabu'u sama'ele'ö sebua andrö[edit | edit source]
III. 15 I'asogö dania khöu zama'ele'ö Lowalangiu, Yehowa, oi ya'ami, iwami, sama'ele'ö si mane ya'odo; li da'ö dania mifondrondrongo.[7].
16 Ba ahori itörö ni'andröu khö Lowalangiu, Yehowa, me luo walukhata ba gahe hili Horebi, me ömane: Sökhi na lö'ö sa'ae urongo li Lowalangigu, Yehowa, ba na lö'ö sa'ae u'ila galitö sebua andrö, fa lö matedo![8].
17 Ba imane khögu Yehowa: 18 Si ndruhu niŵa'öra! Sama'ele'ö u'asogö khöra, si mane ya'ugö; ba niwara uhalö; ba mbawania ube'e daroma ligu ba ya'ia zangombakha khöra fefu ni'oroi'ögu khönia;[9] 19 ba na so zi lö mamondrongo ligu andrö, ni'ombakha'önia, salahigu, ba ya'o zanofu li ba zi manö.
No faehu ira zama'ele'ö si ndruhu zama'ele'ö sofaya[edit | edit source]
IV. 20 Ba na so zama'ele'ö, si lö ata'u managö töigu, wangombakha hadia ia, si lö niŵa'ögu fangombakha khönia, ma na töi Lowalangi bö'ö itötöi ba wehedenia — ba si mate zama'ele'ö si manö![10].
21 Ba ma ömane dödöu: Ba heza ma'ila, wa tenga niŵa'ö Yehowa, na so niŵa'ö hadia ia? 22 Na iŵa'ö sama'ele'ö ni'oroi'ö Yehowa khönia, ba na lö itörö niŵa'önia, ba no tenga niŵa'ö Yehowa daroma li andrö. Fayaŵasa zama'ele'ö andrö wangombakha ya'ia; alakha lö ö'ata'ufi.
Famotokhi ba gahe[edit | edit source]
Fabaliŵa lala[edit source]
Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö