Wb/nia/Moze V/19
Oroisa ba mbanua fangorifi andrö[edit | edit source]
I. 1 Na ihori dania Lowalangiu, Yehowa, soi andrö, ba danö andrö, nibe'e Lowalangiu, Yehowa, khöu, ba na no ötimba ira ba na no ahono ndra'ugö ba mbanuara ba ba nomora, 2 ba tölu oniagö khöu banua ba danömi andrö, nibe'e Lowalangiu, Yehowa, khöu, okhötamö.[1]
3 Öhaogö lala khöu, ba tanö andrö, nibe'e Lowalangiu, Yehowa, khöu, ba wangokhögö ya'ia, ba ö'otölu, ena'ö tola ba da'ö lasaŵa woloi dozi si no mamunu niha. 4 Ba si mane ba zi no mamunu niha andrö, si tola manaŵa da'ö woloi, ba wangorifi ya'ia: Na so zamunu awönia, si lö mu'odödögö ba na lö fatiusa khönia, mege sa'ae,[2] 5 ma na no fao khönia nawönia ba gatua, ba wolobö eu, ba na ibaha watonia tangania, ba wolobö eu, ba na adeha wato, na göna khö nawönia, famununia; niha si manö, ba hana na isaŵa zambua mbanua andrö, ba wangorifi ya'ia, 6 fa böi igohi zamunu niha andrö solau balö, na saukhu tödö ia, ba fa böi ikhamö, na aröu, ba wamunu ya'ia, he ŵa'ae tenga manö huku famunu hukunia, me lö si fatiu ia khönia mege. 7 Andrö uŵa'ö khöu da'e: Tölu ö'oniagö khöu banua.
8 Ba na ebolo danöu ibe'e Lowalangiu, Yehowa, nifabu'unia khö ndra tuau, si no möi ba hölu ia khöra, na ma'asagörö ibe'e khöu danö andrö, nifabu'unia fame'e khö ndra tuau, 9 ha megara öbe'e ba dödöu wolo'ö oroisa andrö, fefu, nifa'emagu khöu ma'ökhö, na lö mamalö-malö wangomasi'öu Lowalangiu, Yehowa, awö wanörö lala andrö, khönia, ba tölu tö önönö mbanua andrö, si tölu, 10 ena'ö böi aduwa ndro zi lö horö, ba danö andrö, nibe'e Lowalangiu, Yehowa, khöu, ba fa böi öhalö ba hulumö, horöu.
11 Ba na so zanaŵa banua andrö, zambua, woloi, si no manarogö awönia, börö watiusa, na no itema ibözi, famunu,[3] 12 ba lafahalö'ö ia ba da'ö satua mbanuara, ba labe'e ba danga zolau balö, ena'ö mate ia. 13 Böi faigi-faigi ia, wangahakhösi tödö ya'ia, öhori ba Ndraono Gizeraeli ndro zi lö horö, ena'ö sohahau tödö ndra'ugö.
Böi lafawu'a gowe nola. Oroisa ba zi so ba mbörö[edit | edit source]
II. 14 Böi fawu'a nola nawöu, nitaru'ö ndra tua, ba zinga mbenuau, si möi khöu dania, ba danö andrö, nibe'e Lowalangiu, Yehowa, khöu.[4]
15 Si ha samösa, ba lö tola möi sasi, udu nisekhegö, na so hadia ia horö, ba ma ölalöŵa — hadia ia zala, si sala niha, ha niha ia; ba niŵa'ö zi darua ba ma si datölu aro huhuo.[5]
16 Na so si maoso sasi sofaya, udu nawönia, ba wamöbögö khönia lalö, hadia ia, 17 ba ndramöi föna Yehowa zi darua andrö, si fagua-gua, föna gere ba föna zanguhuku, na luo da'ö, 18 ba ndramusekhogö sibai sanguhuku, ba na oroma, sasi sofaya sasi andrö, iböbögö zi lö duhu khö dalifusönia, 19 ba khönia mifatörö zomasi ia lafatörö khö dalifusönia andrö; öhori ba khömi zi lö sökhi andrö.[6]
20 Ba larongo niha bö'ö, ba ata'u ira, ba lö'ö sa'ae lalau zi lö sökhi si mane da'ö, ba khömi. 21 Böi ahakhö dödöu wamaigi niha: noso wangali noso ba hörö wangali hörö ba boha wangali mboha ba tanga wangali danga ba ahe wangali gahe![7]
Famotokhi ba gahe[edit | edit source]
Fabaliŵa lala[edit source]
Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö