Wb/nia/Moze V/27
Oroisa ba wanaru'ö harefa ba hili Gebala[edit | edit source]
I. 1 Ba labe'e li ba zato Moze ba salaŵa Ndraono Gizeraeli, lamane: Mi'o'ö goroisa andrö fefu, nifa'emagu khömi ma'ökhö!
2 Ba na no mi'ötö Yoridano, na no mirugi danö andrö, nibe'e Lowalangiu, Yehowa, khöu, ba ötaru'ö khöu gowe sebua, ö'afusi'ö bötua,[1] 3 ba ösura ba detenia daroma li goroisa andrö fefu; ha si'ai örugi si yefo, ena'ö ökhamö danö andrö, nibe'e Lowalangiu, Yehowa, khöu, ena'ö itörö nifabu'u Lowalangi ndra tuau, Yehowa, khöu, tanö si falawu susu ba ŵe ŵani.
4 Ha si'ai mi'ötö Yoridano, ba mitaru'ö gowe andrö, niŵa'ögu khömi ma'ökhö; ba hili Gebala mitaru'ö ba mi'afusi'ö bötua.
5 Ba öfa'anö göi naha wame'e sumange khö Lowalangiu, Yehowa, ba da'ö, naha wame'e sumange kara, si tenga nitotou si'öli; 6 kara si lö mutoto öbe'e naha wame'e sumange khö Lowalangiu, Yehowa, ba öbe'e zumange Lowalangiu, Yehowa, ba detenia, sumange nitunu,[2] 7 ba sumange fangorifi ötaba, ba ö'a ba da'ö, ba omuso dödöu föna Lowalangiu, Yehowa.
8 Ba ba dete gowe no mege, ba ösura daroma li goroisa andrö fefu, öhaogö wanura.
9 Ba humede Moze ba ere ono Lewi ba Ndraono Gizeraeli fefu, lamane: Mihonogö ami ba mifondrondrongo, ya'ami Iraono Gizeraeli! Ma'ökhö andre, ba no tobali banua Lowalangimi, Yehowa, ami; 10 ba mifondrondrongo sa'ae li Lowalangimi, Yehowa, ba mi'o'ö goroisania, awö nifakhoinia, nifa'emagu khöu maökhö.
Famahowu ba hili Garisi ba fangelifi ba hili Gebala[edit | edit source]
II. 11 Ba ibe'e li ba zato Moze, me luo da'ö, imane: Na no mi'ötö Yoridano, ba ndramu'iagö hili Garisi ösa, 12 ba wamahowu'ö sato, ya'ia mado Zimeoni ba mado Lewi ba mado Yuda ba mado Isasari ba mado Yosefo ba mado Mbeniyami; 13 ba tanö bö'ö andrö, ba ba hili Gebala la'iagö, ba wangelifi, ya'ia mado Rubeno ba mado Gado ba mado Gaseri ba mado Zebuloni ba mado Dano ba mado Nafetali.
14 Ba ono Lewi, ba latema la'ebua'ö lira, lamane ba Ndraono Gizeraeli fefu:
15 Ni'elifi zamazökhi adu nifofoe ba ma nifahele, nekhe-nekhe duka ba same'e ba nahania, nibini'ö! Ba latema dania li sato fefu, lamane: Yaduhu![3]
16 Ni'elifi zango'aya amania ba ma inania! Ba lamane sato fefu: Yaduhu![4]
17 Ni'elifi zamawu'a gowe nola khö nawönia! Ba lamane sato fefu: Yaduhu![5]
18 Ni'elifi zamaelungu niha sau'a! Ba lamane sato fefu: Yaduhu![6]
19 Ni'elifi zamuyu'ö huku, na so huhuo niha bö'ö ba huhuo zi lö ama, si lö ina, ba huhuo lakha mbanua; ba lamane sato fefu: Yaduhu![7]
20 Ni'elifi zi horöni donga namania! me no ibokai gambala khö namania. Ba lamane sato fefu: Yaduhu![8]
22 Ni'elifi zi horöni hadia ia zaliŵa-liŵa ba danö! Ba lamane sato fefu: Yaduhu![9]
22 Ni'elifi zi horöni talifusönia alawe, he ono namania, ba he ono ninania! Ba lamane sato fefu: Yaduhu![10]
23 Ni'elifi zi horöni inania matuania! Ba lamane sato fefu: Yaduhu!
24 Ni'elifi zamunu awönia, ba zi tobini! Ba lamane sato fefu: Yaduhu![11]
25 Ni'elifi zi manga gana'a, ba wamunu si lö horö! Ba lamane sato fefu: Yaduhu![12]
26 Ni'elifi zi lö manörö taroma li oroisa andrö, wolo'ö ya'ia! Ba lamane sato fefu: Yaduhu![13]
Famotokhi ba gahe[edit | edit source]
Fabaliŵa lala[edit source]
Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö