Wb/nia/Moze V/20
He wisa ba wanuwö: Ha niha zi möi[edit | edit source]
I. 1 Na möi'ö musuwö nemaliu ba na ö'ila kudo ba kureta ba sabölö khöra, sato moroi khömi, ba böi ata'ufi ira, me itolo ndra'ugö Lowalangiu, Yehowa, solohe miyaŵa ya'ugö moroi ba danö Miserayi.
2 Ba na milau sa'ae khöra, ba yamufa'aso ia ere, ba yamuhede ba zato, 3 imane khöra: Mifondrondrongo, ya'ami Iraono Gizeraeli! Si möi manuwö emalimi ami ma'ökhö; mi'abe'e'ö dödömi, böi ata'u, böi manizi-nizi ami ba böi tokea ami khöra;[1] 4 fao sa'ae khömi Lowalangimi, Yehowa, ba wanuwö emalimi, fönami, ba ba wame'e fa'abölö khömi.
5 Ba lamane kumandru ba zanuwö: Ha niha zi no molau omo, si lö mu'amoni'ö na, ba hana na iheta ia, hana na mangawuli, fa böi mate ia ba wasöndrata, ba fa böi niha bö'ö zi amoni'ö [omonia]. 6 Ba ha niha zi no mamazökhi kabu nagu, si lö mu'a bua na, ba yamuheta ia, yamangawuli, fa böi mate ia ba wasöndrata, ba fa böi niha bö'özi manga mbua.[2] 7 Ba ha niha zi no mamaigi niha, si lö muhalö na, ba yamuheta ia, yamangawuli, fa böi mate ia ba wasöndrata, ba fa böi niha bö'ö zangai [alawe andrö].[3]
8 Ba lamane na ira kumandru ba zanuwö: Ha niha zata'u ba satalö tödö, ba yamuheta ia, yamangawuli, fa böi atalö göi dödö dalifusönia, si mane tödönia, ibe'e.[4] 9 Ba na no awai wehede ndra kumandru ba zato, ba lafataro sangoloi'ö sato gumandra andrö.
He wisa na lafasui mbanua ba he wisa na atu'a ira[edit | edit source]
II. 10 Na mamasui banua ndra'ugö ena'ö, ba öwa'ö khöra wangatulö ua. 11 Ba na latehe wangatulö andrö, na labokai khöu mbawa göli ba öbe'e same'e-me'e beo khöu mbanua andrö fefu ba si so barö mbawau. 12 Ba na lö edöna ira wa'atulö, na omasi ira fasuwö khöu, ba öfasui mbanua, 13 ba na no ibe'e ba dangau ia Lowalangiu, Yehowa, ba öbunu si'öli ndra matua ba mbanua bakha, fefu, 14 ba ira alawe ba iraono ba urifö ba hadia ia fefu ba mbanua bakha, fefu zahulu ami bakha, ba öhalö ahuluamö, ba ö'a zahulu ndra'ugö ba nemaliu andrö, nibe'e Lowalangiu, Yehowa, khöu.[5]
15 Si manö wolaumö ba mbanua andrö fefu, si no aröu khöu, si tenga si faböbö ba mbanua niha andre. 16 Ba ba mbanua niha andre, nibe'e Lowalangiu, Yehowa, khöu, ba samösa lö ö'orifi niha;[6] 17 ölakha'ö ira, Iraono Kheti ba Iraono Gamori ba Dawa Gana'ana ba Iraono Weresi ba Iraono Hewi ba Iraono Yebusi, si mane niŵa'ö Lowalangiu, Yehowa, khöu. 18 Fa böi lafahaö ami ba wolo'ö sogoro ita andrö, khöra, fefu, nilaura khö Lowalangira andrö, ba fa böi mifazökhi horö khö Lowalangimi, Yehowa. 19 Na ara tebai atu'a ndra'ugö ba mbanua, nisuwömö, ba wangai ya'ia khöu, ba böi fakiko geu sowua ba ngainia, wolobö ya'ia; a mbuania, ba böi obö. Hadia, niha döla geu ba mbenua, fa ösuwö ia? 20 Ha töla geu, ni'ilau lö la'a mbua, ba hana na öfakiko, hana na ö'obö, ba wolau ba'a-ba'a khöu ba mbanua andrö nisuwömö, irege atu'a ami bakha.
Famotokhi ba gahe[edit | edit source]
Fabaliŵa lala[edit source]
Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö