Wb/nia/Moze V/10

Tefazökhi gara wanura si bohou ba wanura oroisa

1 Ba me luo da'ö, ba imane khögu Yehowa: Toto khöu gara wanura, dua görö, si mane mege, ba ae khögu miyaŵa ba hili; ba öfazökhi göi khöu tawöla eu..

2 Usura dania ba gara andrö daroma li andrö, si so ba gara mege, nirasamö, ba öbe'e barö tawöla andrö dania.

3 Ba ufazökhi tawöla, bana geunia, ba utoto gara wanura, dombua, si mane mege, ba möido miyaŵa ba hili, u'ohe tangagu gara andrö, si dombua.

4 Ba isura ba gara andrö daroma li andrö, si fulu, niŵa'önia mege khömi ba hili, moroi ba galitö, me luo walukhata andrö, si mane fanura mege wanura ya'ia. Ba ibe'e ba dangagu Yehowa.

5 Ba möido mitou, moroi ba hili, ba ube'e barö tawöla andrö, nifazökhigu, gara andrö ba ba da'ö ahono, dali niŵa'ö Yehowa khögu.

6 Ba laheta ira ba Mbe'eroti-Bene-Ya'aka Iraono Gizeraeli, lasaŵa Mosera. Ba ba da'ö mate Ga'aroni ba ba da'ö lako'o ia, ba ononia Eleazari wangalinia ere..

7 Ba moroi ba da'ö, ba lasaŵa Gudigoda, ba moroi ba Gudigoda, ba lasaŵa Yotiba, tanö soya mbombo.

8 Ba me luo da'ö, ba i'oniagö mado Lewi Yehowa, ba wolohe-lohe tawöla nahia zura goroisa Yehowa, ba ena'ö föna Yehowa so ira, ngoni-ngoninia, si lö tebulö, ba ena'ö mamahowu ira ba döinia, si lö mamalö-malö, ero ma'ökhö.. 9 Andrö lö manema mado Lewi tanö, lö tana khöra si lö tebulö, si mane ba dalifusöra; tana khöra, ba Yehowa, dali nifabu'u Lowalangiu Yehowa khöra..

10 Ba ya'odo, ba si lö tebulö ba hili, si mane mege, ba zi föföna, öfa wulu ngaluo ba öfa wulu mbongi, ba ifondrondrongo khögu Yehowa ba zi samuza andrö göi: Lö ifakiko ndra'ugö Yehowa.

11 Ba imane khögu Yehowa: Labu, ae'e, ba wolohe ya'ira, mofanö ami ena'ö larugi danö andrö ba ena'ö la'okhögö, tanö andrö nibe'egu khöra dania, dali we'amöigu ba hölu khö ndra tuara andrö.

Famarou tödö ba wangata'ufi Lowalangi

12 Ba iya'e, ya'ami Iraono Gizeraeli, hadia niŵa'ö Lowalangimi, Yehowa khömi, na tenga fa ö'ata'ufi Lowalangiu, Yehowa, ba ena'ö böi öbulö'ögö ba lala andrö khönia, ba ena'ö ö'omasi'ö ia, ba ena'ö enoni Lowalangiu, Yehowa, ndra'ugö, moroi si'aikö ba dödöu ba moroi si'aikö ba gera-erau, 13 wolo'ö oroisa andrö ba amakhoita nifakhoi Yehowa nifa'emagu khöu ma'ökhö, fangohahau dödöu.

14 He sa no khö Lowalangiu, Yehowa, mbanua si yaŵa, irugi ba wondrege yaŵa, awö danö ba ösinia fefu, 15 ba noa zui ha khö ndra tuau ebua dödö Yehowa, wangomasi'ö ya'ira, ba no ituyu ami, ma'uwura andrö, ba niha bö'ö fefu, si mane ma'ökhö..

16 Ba miboto sa'ae mbotolö dödömi andrö, ba böi sa'ae sabe'e börö du'i ami!. 17 Me no Lowalangi Lowalangi bö'ö Lowalangimi andrö, Yehowa, ba me no So'aya sokhö, Lowalangi sebua ba sabölö ba sata'u ita, si lö ebua tödö zambuana ba si lö manga gana'a, 18 solohe ba lala huhuo zi lö ama, si lö ina, ba sangomasi'ö niha bö'ö, wame'e balazo khönia, awö nukha.

19 Ba mi'omasi'ö niha bö'ö, me no niha bö'ö ami göi ba danö Miserayi no. 20 Ö'ata'ufi Lowalangiu Yehowa ba öfosumange, khönia molemba ndra'ugö ba ba döinia möi'ö ba hölu!

21 Fangebua duriamö ia ba Lowalangiu, si no molau khöu sebua andrö ba sata'u ita, ni'ila höröu. 22 Fitu ngafulu niha wa'ato ndra tuau, me lasaŵa danö Miserayi, ba iya'e, ba no timba wa'oya ndröfi ba mbanua, ibe'e Lowalangiu, Yehowa.

Famotokhi ba gahe

Fabaliŵa lala

Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö