Wb/nia/Moze V/25
Oroisa sakhökhö[edit | edit source]
I. 1 Na no mu'ohe ba rafe niha si fagua-gua ba na no mu'etu'ö huku, na no mube'e aefa zi lö horö ba na no mu'etu'ö huku zi so horö, 2 ba na nibözi zi so horö andrö, ba yamuŵa'ö sanguhuku lafadölö tou, ba lahare'ö khönia, ba zi so sanguhuku, ndrohu-ndrohu ba zalania andrö.
3 Öfa wulu zi tola iŵa'ö lahare'ö khönia, ba böi italu'i da'ö, fa böi te'o'aya dalifusöu, wamaigiu, na oya na baero ö lahare'ö khönia.[1]
4 Böi fosare'a göröbao samöbörö fakhe.[2]
Ba wangai lakha[edit | edit source]
II. 5 Na so zorudu ba mbanua si fatalifusö, ba na mate zi samösa lö ono matua, ba böi yamöi nihalö niha bö'ö, baero, wo'omonia; solakha ya'ia andrö zi möikhönia, ihalö dongania, itörö khönia gömö zolakha andrö.[3] 6 Ba na mo'ono ia, ono matua si a'a, ba lafotöi ono zi mate andrö, fa böi taya döinia ba Ndraono Gizeraeli.
7 Ba na lö edöna ndra matua andrö ihalö lakhania, ba yamöi ba mbawa göli, ba zalaŵa, lakhania andrö, ba imane: Lö edöna ga'agu andrö i'orifi döi dalifusönia, ba Ndraono Gizeraeli; lö itörö khögu gömö zolakha andrö.[4]
8 Ba ndramufakaoni'ö ia salaŵa mbanuara andrö, ndrafahuhuo khönia, ba na lö alulu dödönia, na imane: 9 Lö omasido uhalö ia, ba yamöi khönia lakhania, ba zi so salaŵa no mege, iheta mbadagahe ba gahenia zambua, ba idiloi mbawa, ba itema imane: Da'ö milau ba ndra matua fefu, si lö edöna mamonga'ötö talifusöra. 10 Ba töi nga'ötönia ba Ndraono Gizeraeli sa'ae, ba "Nga'ötö zi lö badagahe."
Oroisa sakhökhö zui[edit | edit source]
III. 11 Na so zi fasöndra, si fatalifusö, ba na so ndra alawe zi samösa, ba wangefa'ö dongania ba danga zamago ya'ia, ba na ira'u wamatua da'ö, 12 ba ö'eŵa dangania andrö, böi hakhösi tödö.
13 Böi dombua zaga ba dokosa khöu, sambua zebua ba sambua zide-ide.[5] 14 Ba böi dombua lauru baomou, sambua zebua ba sambua zide-ide. 15 Saga satulö, si lö ambö, öfake, awö lauru satulö, si lö ambö, ena'ö anau nosou ba danö andrö, nibe'e Lowalangiu,yehowakhöu. 16 Me no sogoro Lowalangiu,yehowa, dozi solau si manö, dozi sanörö si lö atulö.
Oroisa ba wangohori Iraono Gamaleki[edit | edit source]
IV. 17 Törö-törö tödöu hadia nilau Ndraono Gamaleki andrö khöu, me mi'otarai danö Miserayi no.[6] 18 Wa lö la'ata'ufi Lowalangi, wangahawui ya'ugö ba lala, me si tebai sa'ae ndra'ugö, ba me no erege dödöu, wa fabali manö khöu fefu zi tebai andrö, si so moroi furi, labe'e.
19 Ba na no ahono dania ndra'ugö ba danö, ibe'e Lowalangiu, Yehowa, ba danö andrö nibe'e Lowalangiu, Yehowa, khöu, ondröitamö ba madoumö dania, na no itimba nemali fefu, si tefasui ya'ugö, ba öhori ba danö Ndraono Gamaleki andrö, fabaya töira; böi olifugö'ö![7]
Famotokhi ba gahe[edit | edit source]
Fabaliŵa lala[edit source]
Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö