Wb/nia/Moze V/34
Fa'amate Moze ba fogo'o ya'ia[edit | edit source]
I. 1 Ba möi miyaŵa ba hili Nebo Moze, i'oroi ndraso Ndraono Moabi andrö, isaŵa zuzu hili Wisiga, ba gamaudu Yerikho; ba da'ö i'oroma'ö khönia danö ma'asagörö Yehowa, tanö Gileadi ba irugi Dano,[1] 2 ba tanö mado Nafetali ma'asagörö ba tanö mado Geferayi ba tanö mado Manase ba tanö mado Yuda ma'afefu, irege nasi tanö ba gekhula luo, 3 ba tanö tanö raya ba daso Yoridano, daso mbanua khorema andrö, Yerikho, irugi Zoara.
4 Ba imane khönia Yehowa: Da'ö danö andrö nifabu'ugu khö ndra Aberahamo, Iza'aki, Yakobo, si no möi ba hölu ndra'o khöra, wanguma'ö: Ba ma'uwumö dania ube'e ia. No i'ila höröu ube'e, ba lö'ö sa örugi![2]
5 Ba mate Moze, enoni Yehowa andrö, ba da'ö, ba danö Ndraono Moabi andrö, itörö niŵa'ö Yehowa, 6 ba iko'o ia ba ndraso ba danö Ndraono Moabi, ba gamaudu Mbeti-Weoro; ba lö sangila heza so lewatönia, irugi ma'ökhö andre.
7 Ba 120 fakhe Moze, me mate ia, lö sabözi hörönia ba lö salö wa'abe'enia.
8 Ba la'e'esi Moze Iraono Gizeraeli ba ndraso Ndraono Moabi andrö, tölu ngafulu wongi wa'ara, awena ahöwö mbongi wange'esi Moze andrö.
Fangalinia Yosua. Fa'ebua Moze[edit | edit source]
II. 9 Ba fahöna Geheha fa'atua-tua khö Yosua andrö, ono Nuni, me no itufa ia tangania Moze, ba lafondrondrongo linia Iraono Gizeraeli, la'o'ö goroisa andrö, nibe'e Yehowa khö Moze.[3]
10 Ba lö'ö sa'ae maoso ba Ndraono Gizeraeli zama'ele'ö si mane Moze, ba zi fahuhuo Yehowa, si fa'ila bawa ira;[4] 11 dali dandra andrö fefu ba ila-ila, nilaunia, nifatenge Yehowa ya'ia, ba danö Miserayi, khö Wara'o ba ba mbanuania fefu ba ba danönia ma'asagörö, 12 ba dali wa'abölönia andrö fefu, si tenga inötö, ba fa'abe'enia andrö, sata'u ita, ni'oroma'ö Moze, ba zanehe Ndraono Gizeraeli fefu.
Famotokhi ba gahe[edit | edit source]
Fabaliŵa lala[edit source]
Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö