Wb/nia/Moze V/30

Tebe'e aefa horö na mangesa dödö

I. 1 Ba na no itörö dania ndra'ugö da'ö fefu, howu-howu andrö ba fangelifi andrö, niŵa'ögu khöu, ba na öbe'e ba dödöu dania ba niha baero andrö fefu, ba nitibo'ö Lowalangiu, Yehowa, ya'ugö, 2 ba na öfuli'ö khö Lowalangiu, Yehowa, awö ndraonou, soroi si'aikö ba dödö ba soroi si'aikö ba gera-era, ba na ö'o'ö linia ba niŵa'ögu khöu maökhö fefu, 3 ba ifuli ifaigi lala khöu Lowalangiu, Yehowa, ihakhösi tödö ndra'ugö, ba ifuli i'ozaragö ami ba niha andrö fefu, ba nifazaewe Lowalangimi, Yehowa, ya'ami.

4 Ba he ba wondrege danö so ösa, sizaewe, föfömi, ba i'ozaragö ami ba da'ö Lowalangimi, Yehowa, ba ihalö ami ba da'ö. 5 Ba Lowalangiu, Yehowa zolohe ya'ugö ba danö andrö, si no tanö ndra tuau mege, ena'ö tanöu, ba ohahau dödöu ba ato ami ibe'e, moroi khö ndra tuami mege.

6 Iboto dödöu ba tödö madoumö dania Lowalangiu, Yehowa, ena'ö moroi si'aikö ba dödöu ba moroi si'aikö ba gera-erau ö'omasi'ö Lowalangiu, Yehowa, börö wangorifiu andrö. 7 Ba ba nemaliu andrö ba ba zi fatiu tödö khöu, si no molohi ya'ugö, ifatörö wangelifi andrö fefu Lowalangiu, Yehowa.

8 Ba ya'ugö, ba öfuli öfondrondrongo li Yehowa ba ö'o'ö goroisania andrö fefu, nifa'emagu khöu ma'ökhö, 9 ba ihöna dania zi sökhi ba halöŵöu andrö fefu, nihalö dangau ba ba dabinau ba ba mbeto guriföu ba ba mbua danö khöu; ifuli sa omuso dödö Yehowa ndra'ugö, fangorifiu, si mane fa'omuso dödönia ndra tuau mege, 10 na öfondrondrongo li Lowalangiu, Yehowa, wolo'ö oroisania, awö nifakhoinia andrö, nitanö ba zura goroisa andre, na moroi si'aikö ba dödöu ba na moroi si'aikö ba gera-erau öfuli'ö khö Lowalangiu, Yehowa.

Sahatö goroisa andrö

II. 11 Ba goroisa andre sa, nifa'emagu khöu ma'ökhö, ba tenga si tebai ndra'ugö, tenga si tebai ökhamö. 12 Tenga si yaŵa ba zorugo so ia, fa öŵa'ö ena'ö: Ha niha khöda zi möi yaŵa ba zorugo ba wangai ya'ia mitou ba ba wangombakha khöda, ena'ö ta'o'ö? 13 Ba tenga göi yefo nasi so ia, fa oŵa'ö ena'ö: Ha niha khöda zi möi misi yefo nasi, mangai ya'ia khöda, ba wangombakha ya'ia khöda, ena'ö ta'o'ö? 14 No sahatö sibai khöu daroma li andrö, ba mbeweu ba ba dödöu [tabe'e ia], tobali ö'ila ö'o'ö.

Amabu'ula li ba fameta'u

III. 15 Hiza, no ufaedo khöu ma'ökhö wa'auri, awö wa'ohahau dödö, ba fa'amate, awö wamakao. 16 Na ö'o'ö goroisa Lowalangiu, Yehowa, nifa'emagu khöu ma'ökhö, wa ö'omasi'ö Lowalangiu, Yehowa, na ötörö lala andrö khönia, ba na ötöngöni goroisania, awö nifakhoinia andrö, awö hukunia, ba auri ndra'ugö ba ato ami dania, ba ifahowu'ö ndra'ugö Lowalangiu, Yehowa, ba danö andrö, ba zi möi'ö, ba wangokhögö ya'ia.

17 Ba na fa'ero dödöu, na lö öfondrondrongo li, na tobali öbe'e nifowöhö ndra'ugö, ba wangalulu ba Lowalangi bö'ö, ba ba wamosumange da'ö, ba uŵa'ö khömi ma'ökhö: 18 Lö zi lö tekiko ami; tenga sanau noso ami, ba danö andrö, ba zi möi ami miyefo Yoridano, ba wangokhögö ya'ia.

19 Ukaoni si so ba mbörö ba khömi andrö ma'ökhö mbanua si yaŵa, awö danö tou, wa no ufaedo ira khöu wa'auri wa'amate, ba howu-howu ba fangelifi, ba no ufaedo khöu; ba fa'auri sa'ae tuyu, ena'ö auri'ö, ya'ugö andrö, awö nga'ötömö dania; 20 omasi'ö Lowalangiu, Yehowa, ba fondrondrongo linia ba olemba, khönia, da'ö sa wangorifiu ba fanganau nosou, ena'ö lö tebulö'ö ba danö andrö, nifabu'u Yehowa fame'e, khö ndra tuau Aberahamo, Iza'aki, Yakobo, si no möi ba hölu ia khöra!

Famotokhi ba gahe

Fabaliŵa lala

Olayama Moze V: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö