Wn/cdo/Wikinews:頭版頭條
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
2017年
[edit | edit source]12月
[edit | edit source]2017年12月12號
昨暝（12月11號），閩東語維基新聞敆維基孵化器𡅏誕生了。
→世落讀……
→世落讀……
2017年12月14號
今年是南京大屠殺80週年。昨暝（12月13號）早頭，舉行了南京大屠殺死難者國家公祭日儀式。
→世落讀……
→世落讀……
2017年12月14號
2017年12月20號
2018年
[edit | edit source]1月
[edit | edit source]2018年1月15號
昨暝（14號），中國國家海洋局講，根據監測，6號東海油船撞蜀堆倛所在因為火燒船油污盡価，生態環境受遘一定影響。
→世落讀……
→世落讀……
2018年1月17號
今旦（17號）下晝1:59，臺北市北投區發生芮氏規模5.7倛有感地震，深度140公里。臺灣倛氣象局發布了「警訊通知」。
→世落讀……
→世落讀……
2月
[edit | edit source]2018年2月7號
2018年2月13號
羅馬當地時間2月5日暝晡，聯合國糧農組織確認了「中國南方稻作梯田系統」入選全球重要農業文化遺產。尤溪聯合梯田就敆入選項目裏勢。
→世落讀……
→世落讀……
2018年2月16號
2018年2月21號
今旦（21號）是國際母語日。今年暝母語日倛主題，是「保持語言多樣性，促進使用多種語言，以支持可持續發展目標」。
→世落讀……
→世落讀……
2018年2月24號
2018年2月26號
昨暝晡（25號），平昌冬奧會閉幕。聖火燒了16工，閉幕式倛時候也慢慢滅去。文藝表演之後，是「北京八分鐘」。
→世落讀……
→世落讀……
3月
[edit | edit source]2018年3月14號
2018年3月18號
4月
[edit | edit source]2018年4月2號
2018年4月2號
2018年4月6號
2018年4月11號
今旦（11號），日本參議院多數議員同意，通過《國際觀光旅客稅法》。趁2019年1月7號開始，卜想離開日本其儂，無管是日本儂，故是遘日本客佻其儂，都著繳納蜀千日元，當做「出國稅」。
→世落讀……
→世落讀……
2018年4月19號
美國對中國通訊設備制造商實施貿易制裁，北京反應野強。中國國家媒體新華社報導，商務部發言人高峰今旦（4月19號）講，美國其做法表面針對中國，遘尾了故是害自家。伊講，希望美國伓使低估中國其決心，美國做單邊主義，中國會堅決鬥爭。
→世落讀……
→世落讀……
2018年4月21號
2018年4月29號
2018年4月29號
美國哥倫比亞廣播公司拜六（28號）援引消息人士其話講，美國總統川普共朝鮮最高領導人金正恩會晤其所在會敆蒙古共新加坡之間選出。
→世落讀……
→世落讀……
2018年4月29號
6月
[edit | edit source]2018年6月7號
今旦（6月7號）是中國大陸高考其頭蜀工，早頭考了語文，下晝考數學。今年高考，福州考生都領有3.2萬隻儂。明旦早頭，文科生考文綜，理科生考理綜。下晝考外語。
→世落讀……
→世落讀……
2018年6月12號
2018年6月12號
今旦（12號）下晝四點半，中國國民黨前主席洪秀柱遘雲南大學呈貢校區外國語學院報告廳做演講。演講主題是「連接两岸青年、共創融合願望」。今旦，洪秀柱故參加了第七屆「雲臺會」開幕式。
→世落讀……
→世落讀……
7月
[edit | edit source]2018年7月11號
今年第8號風颱「瑪利亞」敆七月五日生成，之後一直向西北方向移動，前幾日登陸點脈過去應該是福州。茲幾日不斷向北勢移動，中國天氣網預計「瑪利亞」今旦（11號）早頭敆福建福清遘浙江苍南一带海墘以強颱風（14-15級，42-48米/秒）登陸。
→世落讀…… - 看圖
→世落讀…… - 看圖
2018年7月11號
敆福州其長樂區，早頭五點半開始，天烏烏其，欄門囝乞風吹其玻璃雅響。敆7點39分其辰侯，福州市氣象臺通過網絡共短信發布了暴雨橙色警報，八點其辰侯，雨真其也開始逿下來。馬尾區其雨也是敆八點其辰侯逿下來其。
→世落讀…… - 看圖
→世落讀…… - 看圖
2018年7月11號
早頭9點15分，第8號風颱「瑪利亞」敆福州連江縣黃岐半島沿海登陸，登陸其時候中心附近最大風力有14級。風颱登陸之前，連江縣已經敆𡅏拍風盪雨。風颱罔近，風雨罔大。大風掀起浪，幾米懸。雨密密麻麻，拍遘陸地。海水倒灌裏霞浦，主幹道懸頂其積水會積遘骹腹頭。近海其村裏，雨水趁檻門囝其玻璃隙隙漏裏厝，毛巾都無乇使了。
→世落讀……
→世落讀……
2018年7月16號
2018年7月28號
今旦（28號）起五更早，茲芘世紀第一長其月全食敆天懸頂上演，同時固有「火星大衝」現象。中國境內其儂，伓使什乇設備，都會觀測遘茲蜀回其天象。
→世落讀……
→世落讀……
8月
[edit | edit source]2018年8月18號
9月
[edit | edit source]2018年9月8號
今旦（8號）早頭，日本官房長官菅義偉講，前兩工北海道其地震已有21隻儂死亡。茲回地震，厚真町震度第一懸。現刻時離地震後72點鐘無長偌𣆯，雖然厚真町山崩野嚴重，但是搜救工作一直敆繼續，暝晡也無停。
→世落讀…… - 看圖
→世落讀…… - 看圖
2018年9月22號
2018年9月23號
10月
[edit | edit source]2018年10月5號
根據美國全國公共電臺報導，美國移民當局敆𡅏審查幾千件庇護案件，雖然講茲些庇護案件都已經得遘批准。報導講，超過13500隻幾年前已經得遘美國政府授予庇護其移民有可能乞遣返，其中大部分是中國儂。
→世落讀…… - 看圖
→世落讀…… - 看圖
_Colors_(3557570630).jpg){kind=link}
2018年10月27號
昨暝（10月26號），中日兩國政府敆中日首腦會談臺中確認建設新階段其關係，以後會以經濟為中心，加速實務層面其合作。安倍期待開啟「由比並行向協調」其日、中關係新時代，習近平講中日關係復蜀回「轉遘正軌」，復蜀回顯示出好勢況。
→世落讀…… - 看圖
→世落讀…… - 看圖
2018年10月30號
11月
[edit | edit source]2018年11月2號
2018年11月12號
11月12號日中，有賣外賣其儂共蜀車其飯拖裏閩江學院，告學生隨便掏，無錢食，總款抗議學校𣍐讓外賣裏其規定。拖車其固講：「今暝晡固有！」下晝，蜀張微信截圖敆網絡懸頂大傳，講外賣商家乞搦起去，都關敆三區派出所。遘暝晡，學生將囫圇座樓其燈都開去，大聲抗議。
→世落讀……
→世落讀……
12月
[edit | edit source]2018年12月13號
12月13號是第五個南京大屠殺死難者國家公祭日。也是南京大屠殺發生之後其第八十一年。早頭八點，19芘紀念館聯合舉辦公祭活動。昨暝其南京，除了降半旗、放飛和平鴿、全城默哀、燭光祭，固有中日兩國高僧共同參與其世界和平法會。
→世落讀…… - 看圖
→世落讀…… - 看圖
2018年12月14號
14號暝晡，天懸頂會綻放年尾其煙花——雙子座流星雨。流星雨其每蜀點鐘天頂流星數是120，如果輻射點敆天頂，地平線懸頂無乇遮擋視野，無光污染，也無雲無月，每蜀點鐘會看見其流星數量就可以達遘全年最懸，大概蜀分鐘有能耐看見1粒遘2粒流星。
→世落讀……
→世落讀……
2018年12月27號
2019年
[edit | edit source]1月
[edit | edit source]2019年1月22號
1月22號7點，2019年世界福州十邑春晚敆福州海峽文化藝術中心舉辦。野価節目臺中，《鄉親來拜年》就是福州語歌曲，由萬邦、姚乙、益多作詞。今暝黃家松、卡溜妹組合唱了只蜀條歌。只回舞臺懸頂其表演有加裏馬來元素，比如馬來話其臺詞。印尼其華僑伴舞。
→世落讀…… - 看圖
→世落讀…… - 看圖
2月
[edit | edit source]2019年2月4號
敆犬年尾尾蜀日，維基新聞乞讀者各儂拜年啦。祝大家豬年吉祥，身體健康！2017年12月維基新聞創建以來，遘茲篇新聞稿發佈，維基新聞已經有使漢字寫倛報導149篇，平話字寫倛75篇。維基新聞會做遘今旦，無辦法離開大家倛幫助共支持。新倛蜀年，希望大家齊來寫平話新聞，探索茲萆時代閩東語倛嚴肅使用。
→世落讀……
→世落讀……
2019年2月16號
大年初一（2月5號），中國科幻電影《流浪地球》上映。13號，《人民日報》其官方微博發表文章評價只部電影。伊講，電影裏勢都是「中國儂對家庭其嚮往、對祖厝其眷戀」，期待「固価中國價值、東方理念，敆人類想象力其疆域延伸出」。
→世落讀…… - 看圖
→世落讀…… - 看圖
3月
[edit | edit source]2019年3月6號
2019年3月25號
《福州語音字典》作者涂禎樑敆2019年3月20號暝晡6點40分因病去世，享年79歲。涂禎樑先生繼承孃嬭其遺願，花七十幾年其時間，寫《福州語音字典》。昨年凊天，閩東維基其兩隻志願者仈曾去覷病。涂先生將《字典》送乞維基志願者，固鼓勵後學，講：「有汝各儂總款其後生囝，福州話固會使介繼續四十年。」
→世落讀……
→世落讀……
4月
[edit | edit source]2019年4月1號
2019年4月8號
四月二號，輸入法使其字共詞都錄完了，都領有五千零單字共五千零詞。單字是使《莆田縣誌》《莆田市誌》其同音字表，詞彙是使《莆仙方言簡明詞彙》裡勢其詞。代碼是請福州子善寫其。現刻時莆仙語拍字比起舊底會方便仂囝了，伓使去記只価字其普通話發音。莆仙語維基新聞其志願者芽油講：「以後寫維基新聞也無許摳氣咯。」
→世落讀…… - 看圖
→世落讀…… - 看圖
2019年4月12號
全球野価萆國家其天文學家10號聯合公佈人類遘現在爲止䀹遘其頭頭張黑洞相片。布魯塞爾、聖地亞哥、上海、臺北、東京、華盛頓六萆位處同時開新聞發佈會。只蜀張相片是「事件視界望遠鏡」項目其成果。只萆項目敆2012年啟動，野価國家其科學家都有做貢獻。使全球望遠鏡網絡，200幾隻研究其儂直接觀測蜀隻黑洞。
→世落讀…… - 看圖
→世落讀…… - 看圖
2019年4月16號
十五號六點五十分左右，法國巴黎聖母院㷄燒去了。㷄由奉教堂其樓頂厝開始燒起去，遘尾厝頂懸懸其尖尾乞燒塌去，囫圇隻霆下。柴做其厝頂，臺中共後首都乞燒無去，石頭做其拱頂大部分留落來了。法國總統馬克龍講，會復蜀回起巴黎聖母院。法國文化部長講，聖母院其藝術品會攖羅浮宮保管。
→世落讀…… - 看圖
→世落讀…… - 看圖
2019年4月20號
日本參議院全體會議昨暝通過新法《阿伊努民族支援法》，清楚寫出阿伊努是「原住民族」，嚽是日本其法律頭蜀回總款表述。新其法律設立了補貼制度，好維持、振興阿伊努自家其獨特文化。只蜀項法案就總款正式成為法律。
→世落讀…… - 看圖
→世落讀…… - 看圖
2019年4月22號
古田籍馬來西亞福州語歌曲創作人林萬邦，因爲糖尿病醫治無效，敆2019年4月22號半晡16點15分去世，享齡52歲。
→世落讀……
→世落讀……
2019年4月28號
前日（4月26號）早起頭，福州地鐵2號綫試運營。2號線共總長30.3公里，車站22座萆，跨過閩侯縣、高新區、鼓樓區、臺江區、晋安區。現在2號線會使搭去，福州地鐵也行裏「換乘」其時代了。
→世落讀…… - 看圖
→世落讀…… - 看圖
5月
[edit | edit source]2019年5月17號
著名建築家貝聿銘去世，享年102歲。貝聿銘其代表作品包括法國巴黎盧浮宮玻璃金字塔、美國華盛頓國家美術館東館、香港中銀大廈等等。伊仈曾掏下1979年美國建築學會金獎、1983年普利茲克建築獎等等。
→世落讀…… - 看圖
→世落讀…… - 看圖
2019年5月17號
6月
[edit | edit source]2019年6月5號
3號，美國蘋果公司出了新版操作系統，也就是iOS 13。新系統其面部識別解鎖速度比前蜀萆版本故快30%；下載應用其容量沰遘之前其50%、更新App其容量沰遘之前其60%，開應用時間會快2倍。macOS其深色模式也導裡了。
→世落讀…… - 看圖
→世落讀…… - 看圖
2019年6月7號
2019年6月8號
今旦日是中國大陸2019年高考其第二日。早起頭考文科綜合或且理科綜合，下晝考外語。考書結束，維基記者來遘福州屏東中學考點，看見有家長乞自家伲囝哥䀹相，甚至錄影。考生各儂敆𡅏討論接下去俤所客佻，也有其敆蜀堆䀹相紀念。
→世落讀……
→世落讀……
2019年6月18號
拜一（17號）暝晡，中國四川發生2回地震，遐辰候125隻儂受傷。遘拜二，第一少有12隻儂過後。地震中心是四川偏遠農村長寧地區。美國地質調查局講，頭蜀回地震強度是里氏5.9級，接下蜀回是5.2級。只兩回地震離地表野近，比起故深仂囝其地震，故會嚴重損壞地面建築共基礎設施。中國中央電視臺講，救援人員已經遘現場，由厝瓦磚頭裡勢救出野価儂。
→世落讀…… - 看圖
→世落讀…… - 看圖
2019年6月22號
只幫中國大陸野価城市整治「儥規範」地名，拍算除唻「洋地名」或且「大地名」，仱福州也伓是例外。前日（20號），福州其有關部門開了單單，裡勢伓啻「洋地名」，「田墘」「倉埕前」「倉邊埕」「康邊埕」也變做「怪地名」。者「墘」共「埕」，都是平話。故有其地名，正好敆儥蜀隻縣市名字蜀樣，故此也着改唻。
→世落讀…… - 看圖
→世落讀…… - 看圖
2019年6月24號
2019年福建省其高考分數今旦（24號）公佈。考卷是20號改完其。福建省其網上評卷敆三萆位處做。答題卡敆福建省教育考試院掃描。兩萆主觀題評卷點共舊底蜀樣，敆福州大學共福建師範大學。今年共總有1640隻先生改卷。
→世落讀……
→世落讀……
7月
[edit | edit source]2019年7月1號
臺灣公共電視只蜀月日（7月）有新其臺灣話（閩南話）頻道開始播放，號囉公視臺語臺。今旦著公視其14頻道試播。6號開始，大部分其臺灣儂有能涯著14頻道或且199頻道收看。公視臺語臺主要播放臺灣話其戲劇、節目，故有每日新聞、專題報導。臺語臺由採訪、寫稿，遘新聞標題，全部都使臺灣話其字。
→世落讀……
→世落讀……
2019年7月11號
前日（9號）暝晡六點半，福州楊橋路有蜀隻儂𡅏騎電動車，故有蜀隻儂坐車後首。交警看見伊違規載儂，趕緊攔下，拔去車其鎖匙。許隻騎車其使普通話大告：「乞我，我叫汝乞我。」仱敆街中大𢱤警察。警察罔避罔退，躃遘蜀邊。行過其市民攔𡅏男界無伊行。遘尾幾隻警察趕過來，共伊搦起去。
→世落讀…… - 看圖
→世落讀…… - 看圖
2019年7月14號
方聲洞是福州儂，參加過黃花崗起義。起義之前，伊寫了《禀父書》《與妻書》。㑚是講，《與妻書》一直討儥着。只幫，福州文史專家唐希共《海峽都市報》講，方聲洞其六叔伯其後代陳曼有《與妻書》。《海都報》聯繫了陳曼，陳曼講伊討了兩日，當真討着。
→世落讀……
→世落讀……
2019年7月18號
8月
[edit | edit source]2019年8月31號
只月26號，中國科學院院士陳家鏞去世，享年98歲。陳家鏞是濕法冶金學家、化學工程學家。伊仈曾著美國留學，1956年轉遘中國，努力讓中國其濕法冶金技術著野価方面達遘世界先進水平。
→世落讀……
→世落讀……
2019年8月31號
20號日中，巴西聖保羅天都暗去，都是亞馬遜森林大火其烏色煙霧。有蜀隻氣象學家講：「只蜀回其煙霧伓是由聖保羅來其，是因為巴西朗多尼亞共玻利維亞其野火野密集。許塊大火做好価工，冷風改變了風其方向，煙霧就總款遘了聖保羅。」
→世落讀…… - 看圖
→世落讀…… - 看圖
.jpg){kind=link}