Wn/cdo/Wikinews:頭版頭條

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

2017年

12月

2017年12月12號

閩東語維基新聞誕生了

昨暝（12月11號），閩東語維基新聞敆維基孵化器𡅏誕生了。
→世落讀……

2017年12月14號

南京大屠殺80週年 中國舉行國家公祭

今年是南京大屠殺80週年。昨暝（12月13號）早頭，舉行了南京大屠殺死難者國家公祭日儀式。
→世落讀……

2017年12月14號

文學家余光中去世

12月14號早頭10點04分，文學家余光中敆高雄醫學大學附設醫院因病去世，享壽90歲。
→世落讀…… - 看圖

2017年12月20號

印尼發生地震最少死兩隻儂

印度尼西亞拜五（15號）暝晡發生其里氏6.5級地震震盪遘首都雅加達共爪哇島。政府講最少死兩隻儂。
→世落讀…… - 看圖

2018年

1月

2018年1月15號

東海油船碰撞 中國國家海洋局：生態受遘影響

昨暝（14號），中國國家海洋局講，根據監測，6號東海油船撞蜀堆倛所在因為火燒船油污盡価，生態環境受遘一定影響。
→世落讀……

2018年1月17號

北投地牛轉肩 規模5.7

今旦（17號）下晝1:59，臺北市北投區發生芮氏規模5.7倛有感地震，深度140公里。臺灣倛氣象局發布了「警訊通知」。
→世落讀……

2月

2018年2月7號

花蓮地牛轉肩 規模6.0 復有餘震

昨暝（6號）23:50，花蓮發生芮氏規模6.0倛有感地震，深度10公里。之後遘今旦（7號）半暝，餘震無停。
→世落讀…… - 看圖

2018年2月13號

尤溪聯合梯田入選全球重要文化遺產

羅馬當地時間2月5日暝晡，聯合國糧農組織確認了「中國南方稻作梯田系統」入選全球重要農業文化遺產。尤溪聯合梯田就敆入選項目裏勢。
→世落讀……

2018年2月16號

閩東語維基新聞祝大家犬年吉祥

今旦（16號）是舊曆正月初一。敆犬年頭蜀日，維基新聞乞讀者朋友拜年啦。祝大家新年吉祥，身體健康！
→世落讀…… - 看圖

2018年2月21號

國際母語日 提請關注語言多樣

今旦（21號）是國際母語日。今年暝母語日倛主題，是「保持語言多樣性，促進使用多種語言，以支持可持續發展目標」。
→世落讀……

2018年2月24號

菲軍方：極端分子再度集結

菲律賓軍方昨暝（23號）講，極端分子敆菲律賓南部城市馬拉維乞拍敗幾個月日之後，復蜀回集結起去，拍算發起新倛行動，建立「哈里發國」。
→世落讀…… - 看圖

2018年2月26號

平昌冬奧會閉幕 下蜀站北京

昨暝晡（25號），平昌冬奧會閉幕。聖火燒了16工，閉幕式倛時候也慢慢滅去。文藝表演之後，是「北京八分鐘」。
→世落讀……

3月

2018年3月14號

物理學家霍金去世

物理學家史蒂芬·霍金去世，享年76歲。霍金厝儂倛發言人透露了茲蜀條消息。
→世落讀……概要 - 看圖

2018年3月18號

臺灣作家李敖去世

今旦（18號）早頭10點59分，臺灣作家、政治評論員李敖去世，享年83歲。臺北榮民總醫院證實了茲蜀條消息。
→世落讀……概要 - 看圖

4月

2018年4月2號

天宮一號逿下其時間推遲 霆遘儂其可能性雅嫩

最新評估表明，天宮一號落遘地球其時間，雅有可能比原來預測其故遲仂囝。部件霆遘人群聚居區其可能性是雅嫩其。
→世落讀…… - 看圖

2018年4月2號

天宮一號逿遘南太平洋

今旦（2號），中國政府宣佈，天宮一號已經逿遘南太平洋。有科學家講，天宮一號可能敆法屬塔希提島附近。
→世落讀…… - 看圖

2018年4月6號

日本動畫導演高畑勲去世

今旦（6號），日本動畫導演高畑勲，敆東京其醫院裏勢去世了。享年82歲。蜀隻共高畑勲有關係其儂講，去年暝夏天開始，高畑勲身體就儥好，來回住院出院。
→世落讀…… - 看圖

2018年4月11號

日參院通過《國際觀光旅客稅法》 離開日本收蜀千日元

今旦（11號），日本參議院多數議員同意，通過《國際觀光旅客稅法》。趁2019年1月7號開始，卜想離開日本其儂，無管是日本儂，故是遘日本客佻其儂，都著繳納蜀千日元，當做「出國稅」。
→世落讀……

2018年4月19號

美國制裁華為中興 北京反應強烈

美國對中國通訊設備制造商實施貿易制裁，北京反應野強。中國國家媒體新華社報導，商務部發言人高峰今旦（4月19號）講，美國其做法表面針對中國，遘尾了故是害自家。伊講，希望美國伓使低估中國其決心，美國做單邊主義，中國會堅決鬥爭。
→世落讀……

2018年4月21號

非洲國斯威士蘭改名 號「eSwatini」

非洲南部國家斯威士蘭改名了，新其國名號𡅏「eSwatini」。拜四（19號），斯威士蘭舉辦獨立金禧年慶祝典禮。活動其時候，姆斯瓦蒂三世國王宣佈更改國名。
→世落讀…… - 看圖

2018年4月29號

朝韓聯合聲明：今年之內宣佈結束朝鮮戰爭

拜五（4月27號），朝鮮領導人金正恩共韓國總統文在寅敆板門店會談。雙方發表《板門店宣言》，宣佈敆今年暝之內結束兩萆國家其戰爭狀態，故將朝鮮半島完全無核化當作目標。
→世落讀…… - 看圖

2018年4月29號

川普金正恩會談所在：蒙古或者新加坡

美國哥倫比亞廣播公司拜六（28號）援引消息人士其話講，美國總統川普共朝鮮最高領導人金正恩會晤其所在會敆蒙古共新加坡之間選出。
→世落讀……

2018年4月29號

朝鮮拍算5月關閉核試驗場

韓國官員講，朝鮮計劃敆今年5月關閉北部其核試驗場，同時會將關閉其具體程序展現乞美國共韓國其核專家共新聞記者看。
→世落讀…… - 看圖

6月

2018年6月7號

頭蜀工考書結束 2018年高考僅長蜀日

今旦（6月7號）是中國大陸高考其頭蜀工，早頭考了語文，下晝考數學。今年高考，福州考生都領有3.2萬隻儂。明旦早頭，文科生考文綜，理科生考理綜。下晝考外語。
→世落讀……

2018年6月12號

金正恩共川普敆新加坡會面

拜二（12號）早頭，朝鮮領導人金正恩共美國總統川普會面。嚽是朝鮮、美國其領導人頭蜀回會面。早頭九點無偌𣆯，兩隻儂接近，握手。川普手放金正恩其肩頭𡅏。現場其記者䀹相䀹無停。
→世落讀…… - 看圖

2018年6月12號

國民黨前主席洪秀柱敆雲南大學演講

今旦（12號）下晝四點半，中國國民黨前主席洪秀柱遘雲南大學呈貢校區外國語學院報告廳做演講。演講主題是「連接两岸青年、共創融合願望」。今旦，洪秀柱故參加了第七屆「雲臺會」開幕式。
→世落讀……

7月

2018年7月11號

「瑪利亞」此刻登陸 福州城嚴陣以待

今年第8號風颱「瑪利亞」敆七月五日生成，之後一直向西北方向移動，前幾日登陸點脈過去應該是福州。茲幾日不斷向北勢移動，中國天氣網預計「瑪利亞」今旦（11號）早頭敆福建福清遘浙江苍南一带海墘以強颱風（14-15級，42-48米/秒）登陸。
→世落讀…… - 看圖

2018年7月11號

福州進入「瑪利亞」10級風圈 海墘拍風盪雨 市區感覺明顯

敆福州其長樂區，早頭五點半開始，天烏烏其，欄門囝乞風吹其玻璃雅響。敆7點39分其辰侯，福州市氣象臺通過網絡共短信發布了暴雨橙色警報，八點其辰侯，雨真其也開始逿下來。馬尾區其雨也是敆八點其辰侯逿下來其。
→世落讀…… - 看圖

2018年7月11號

「瑪利亞」登陸福州連江 風颱回南盪雨野大

早頭9點15分，第8號風颱「瑪利亞」敆福州連江縣黃岐半島沿海登陸，登陸其時候中心附近最大風力有14級。風颱登陸之前，連江縣已經敆𡅏拍風盪雨。風颱罔近，風雨罔大。大風掀起浪，幾米懸。雨密密麻麻，拍遘陸地。海水倒灌裏霞浦，主幹道懸頂其積水會積遘骹腹頭。近海其村裏，雨水趁檻門囝其玻璃隙隙漏裏厝，毛巾都無乇使了。
→世落讀……

2018年7月16號

世界盃落幕 法國頭蜀名

礼拜（15號），2018年世界盃骹球賽尾輪，法國隊「高盧雄雞」4比2拍敗克羅地亞「格格軍」，掏下了伊各儂第二隻世界盃頭蜀名。嚽離前蜀回法國得遘世界盃頭蜀名已經過了20年。
→世落讀…… - 看圖

2018年7月28號

月食暝晡故有火星 十五年後復現蒼穹

今旦（28號）起五更早，茲芘世紀第一長其月全食敆天懸頂上演，同時固有「火星大衝」現象。中國境內其儂，伓使什乇設備，都會觀測遘茲蜀回其天象。
→世落讀……

8月

2018年8月18號

上海書展頭蜀芘週末 來客盡去野価

今旦（18號），上海書展迎來頭蜀芘週末。書展15號開始敆上海展覽中心舉辦，做遘20號結束。每蜀工活動做100場左右。
→世落讀…… - 看圖

9月

2018年9月8號

臨近72點鐘 北海道地震確認死者21隻

今旦（8號）早頭，日本官房長官菅義偉講，前兩工北海道其地震已有21隻儂死亡。茲回地震，厚真町震度第一懸。現刻時離地震後72點鐘無長偌𣆯，雖然厚真町山崩野嚴重，但是搜救工作一直敆繼續，暝晡也無停。
→世落讀…… - 看圖

2018年9月22號

中國共梵蒂岡簽署任命主教其臨時協議

中國9月22號拜六宣佈，外交部副部長王超共梵蒂岡代表團團長、教廷與各國關係副部長卡米萊利著北京會談。固簽署任命主教其臨時協議。
→世落讀…… - 看圖

2018年9月23號

廣深港高鐵香港段運營 今起福州會使直抵香港

今旦開始，由福州搭高鐵，可以直接遘香港了。早頭8:25，G3001次福州遘香港西九龍其高鐵慢慢開出福州火車站。下晝2點遘香港。兹蜀班列車也成爲福州發出其頭蜀部遘香港其高鐵。
→世落讀…… - 看圖

10月

2018年10月5號

美國查數千已獲庇護案 野価中國儂可能乞遣返

根據美國全國公共電臺報導，美國移民當局敆𡅏審查幾千件庇護案件，雖然講茲些庇護案件都已經得遘批准。報導講，超過13500隻幾年前已經得遘美國政府授予庇護其移民有可能乞遣返，其中大部分是中國儂。
→世落讀…… - 看圖

2018年10月27號

中日關係「轉遘正軌」 接下拍拼經濟

昨暝（10月26號），中日兩國政府敆中日首腦會談臺中確認建設新階段其關係，以後會以經濟為中心，加速實務層面其合作。安倍期待開啟「由比並行向協調」其日、中關係新時代，習近平講中日關係復蜀回「轉遘正軌」，復蜀回顯示出好勢況。
→世落讀…… - 看圖

2018年10月30號

金庸過世 享年94歲

今旦（10月30號），小說家金庸過世，享年94歲。金庸在生時候，有代表作《射雕英雄傳》《神雕俠侶》《鹿鼎記》等等。有媒體形容：「有中國儂其地方，就有金庸其讀者。」
→世落讀…… - 看圖

11月

2018年11月2號

重慶公交逿溪 今旦公佈原因

10月28號早頭10點8分，重慶市萬州區蜀架公交車逿溪。今旦（11月2號）原因公佈了。乘客因為坐車坐過輾，共駕駛員相拍，車失去控制，就逿溪落。
→世落讀…… - 看圖

2018年11月12號

閩江學院𣍐讓外賣裏 商家拖蜀車飯無錢罔食

11月12號日中，有賣外賣其儂共蜀車其飯拖裏閩江學院，告學生隨便掏，無錢食，總款抗議學校𣍐讓外賣裏其規定。拖車其固講：「今暝晡固有！」下晝，蜀張微信截圖敆網絡懸頂大傳，講外賣商家乞搦起去，都關敆三區派出所。遘暝晡，學生將囫圇座樓其燈都開去，大聲抗議。
→世落讀……

12月

2018年12月13號

南京大屠殺81週年 中國舉行國家公祭

12月13號是第五個南京大屠殺死難者國家公祭日。也是南京大屠殺發生之後其第八十一年。早頭八點，19芘紀念館聯合舉辦公祭活動。昨暝其南京，除了降半旗、放飛和平鴿、全城默哀、燭光祭，固有中日兩國高僧共同參與其世界和平法會。
→世落讀…… - 看圖

2018年12月14號

雙子座流星雨今暝晡最大值

14號暝晡，天懸頂會綻放年尾其煙花——雙子座流星雨。流星雨其每蜀點鐘天頂流星數是120，如果輻射點敆天頂，地平線懸頂無乇遮擋視野，無光污染，也無雲無月，每蜀點鐘會看見其流星數量就可以達遘全年最懸，大概蜀分鐘有能耐看見1粒遘2粒流星。
→世落讀……

2018年12月27號

日本對2隻儂執行了死刑

按幾隻日本媒體其講法，12月27號早頭，著大阪看守所，2隻儂乞執行了死刑。消息是日本政府其官員講其。嚽是山下貴司做法務大臣之後頭蜀回死刑。
→世落讀…… - 看圖

2019年

1月

2019年1月22號

2019十邑春晚今暝開始

1月22號7點，2019年世界福州十邑春晚敆福州海峽文化藝術中心舉辦。野価節目臺中，《鄉親來拜年》就是福州語歌曲，由萬邦、姚乙、益多作詞。今暝黃家松、卡溜妹組合唱了只蜀條歌。只回舞臺懸頂其表演有加裏馬來元素，比如馬來話其臺詞。印尼其華僑伴舞。
→世落讀…… - 看圖

2月

2019年2月4號

閩東語維基新聞祝大家豬年吉祥

敆犬年尾尾蜀日，維基新聞乞讀者各儂拜年啦。祝大家豬年吉祥，身體健康！2017年12月維基新聞創建以來，遘茲篇新聞稿發佈，維基新聞已經有使漢字寫倛報導149篇，平話字寫倛75篇。維基新聞會做遘今旦，無辦法離開大家倛幫助共支持。新倛蜀年，希望大家齊來寫平話新聞，探索茲萆時代閩東語倛嚴肅使用。
→世落讀……

2019年2月16號

人民日報微博評價《流浪地球》

大年初一（2月5號），中國科幻電影《流浪地球》上映。13號，《人民日報》其官方微博發表文章評價只部電影。伊講，電影裏勢都是「中國儂對家庭其嚮往、對祖厝其眷戀」，期待「固価中國價值、東方理念，敆人類想象力其疆域延伸出」。
→世落讀…… - 看圖

3月

2019年3月6號

褚時健去世 享年91歲

昨暝（5號）中午，褚時健因爲糖尿病併發症去世，享年91歲。褚時健本底是雲南紅塔集團有限公司共玉溪紅塔煙草（集團）有限責任公司其董事長，後首也是褚橙其創始人。
→世落讀…… - 看圖

2019年3月25號

《福州語音字典》作者涂禎樑去世

《福州語音字典》作者涂禎樑敆2019年3月20號暝晡6點40分因病去世，享年79歲。涂禎樑先生繼承孃嬭其遺願，花七十幾年其時間，寫《福州語音字典》。昨年凊天，閩東維基其兩隻志願者仈曾去覷病。涂先生將《字典》送乞維基志願者，固鼓勵後學，講：「有汝各儂總款其後生囝，福州話固會使介繼續四十年。」
→世落讀……

4月

2019年4月1號

日本新年號公佈 號令和

今旦日本新其年號公佈，號囉令和。現在其天皇4月30號退位，5月1號新其天皇繼位。
→世落讀…… - 看圖

2019年4月8號

莆仙語也有自家其輸入法了

四月二號，輸入法使其字共詞都錄完了，都領有五千零單字共五千零詞。單字是使《莆田縣誌》《莆田市誌》其同音字表，詞彙是使《莆仙方言簡明詞彙》裡勢其詞。代碼是請福州子善寫其。現刻時莆仙語拍字比起舊底會方便仂囝了，伓使去記只価字其普通話發音。莆仙語維基新聞其志願者芽油講：「以後寫維基新聞也無許摳氣咯。」
→世落讀…… - 看圖

2019年4月12號

黑洞也會使䀹相 頭頭張相片發佈

全球野価萆國家其天文學家10號聯合公佈人類遘現在爲止䀹遘其頭頭張黑洞相片。布魯塞爾、聖地亞哥、上海、臺北、東京、華盛頓六萆位處同時開新聞發佈會。只蜀張相片是「事件視界望遠鏡」項目其成果。只萆項目敆2012年啟動，野価國家其科學家都有做貢獻。使全球望遠鏡網絡，200幾隻研究其儂直接觀測蜀隻黑洞。
→世落讀…… - 看圖

2019年4月16號

巴黎聖母院㷄燒去了

十五號六點五十分左右，法國巴黎聖母院㷄燒去了。㷄由奉教堂其樓頂厝開始燒起去，遘尾厝頂懸懸其尖尾乞燒塌去，囫圇隻霆下。柴做其厝頂，臺中共後首都乞燒無去，石頭做其拱頂大部分留落來了。法國總統馬克龍講，會復蜀回起巴黎聖母院。法國文化部長講，聖母院其藝術品會攖羅浮宮保管。
→世落讀…… - 看圖

2019年4月20號

日本國會通過阿伊努族支援新法 頭蜀回清楚寫出「原住民族」

日本參議院全體會議昨暝通過新法《阿伊努民族支援法》，清楚寫出阿伊努是「原住民族」，嚽是日本其法律頭蜀回總款表述。新其法律設立了補貼制度，好維持、振興阿伊努自家其獨特文化。只蜀項法案就總款正式成為法律。
→世落讀…… - 看圖

2019年4月22號

「福州歌王」林萬邦去世

古田籍馬來西亞福州語歌曲創作人林萬邦，因爲糖尿病醫治無效，敆2019年4月22號半晡16點15分去世，享齡52歲。
→世落讀……

2019年4月28號

福州地鐵二號線試運營

前日（4月26號）早起頭，福州地鐵2號綫試運營。2號線共總長30.3公里，車站22座萆，跨過閩侯縣、高新區、鼓樓區、臺江區、晋安區。現在2號線會使搭去，福州地鐵也行裏「換乘」其時代了。
→世落讀…… - 看圖

5月

2019年5月17號

建築家貝聿銘去世 享年102歲

著名建築家貝聿銘去世，享年102歲。貝聿銘其代表作品包括法國巴黎盧浮宮玻璃金字塔、美國華盛頓國家美術館東館、香港中銀大廈等等。伊仈曾掏下1979年美國建築學會金獎、1983年普利茲克建築獎等等。
→世落讀…… - 看圖

2019年5月17號

臺灣通過同性婚姻專法

臺灣今旦通過同性婚姻專法。蔡英文講：「嚽是臺灣值得驕傲其蜀日。」在野黨立委講，只項法案違反了昨年公投其結果，立法也做恰快去了。
→世落讀…… - 看圖

6月

2019年6月5號

蘋果出新版iOS

3號，美國蘋果公司出了新版操作系統，也就是iOS 13。新系統其面部識別解鎖速度比前蜀萆版本故快30%；下載應用其容量沰遘之前其50%、更新App其容量沰遘之前其60%，開應用時間會快2倍。macOS其深色模式也導裡了。
→世落讀…… - 看圖

2019年6月7號

中國大陸高考頭蜀日 作文關鍵詞：勞動、愛國

今旦日，中國大陸2019年其高考開始了。中國教育部講，有蜀千三十一萬隻儂報名高考。早起頭九點，開始考語文。全國一卷其作文，讓考生寫演講稿，倡議大家「熱愛勞動，由自家做起」。
→世落讀…… - 看圖

2019年6月8號

2019年高考尾科考完

今旦日是中國大陸2019年高考其第二日。早起頭考文科綜合或且理科綜合，下晝考外語。考書結束，維基記者來遘福州屏東中學考點，看見有家長乞自家伲囝哥䀹相，甚至錄影。考生各儂敆𡅏討論接下去俤所客佻，也有其敆蜀堆䀹相紀念。
→世落讀……

2019年6月18號

中國四川地震 12隻儂死亡

拜一（17號）暝晡，中國四川發生2回地震，遐辰候125隻儂受傷。遘拜二，第一少有12隻儂過後。地震中心是四川偏遠農村長寧地區。美國地質調查局講，頭蜀回地震強度是里氏5.9級，接下蜀回是5.2級。只兩回地震離地表野近，比起故深仂囝其地震，故會嚴重損壞地面建築共基礎設施。中國中央電視臺講，救援人員已經遘現場，由厝瓦磚頭裡勢救出野価儂。
→世落讀…… - 看圖

2019年6月22號

「田墘」「倉埕前」都儥使？福州卜除去「儥規範」地名

只幫中國大陸野価城市整治「儥規範」地名，拍算除唻「洋地名」或且「大地名」，仱福州也伓是例外。前日（20號），福州其有關部門開了單單，裡勢伓啻「洋地名」，「田墘」「倉埕前」「倉邊埕」「康邊埕」也變做「怪地名」。者「墘」共「埕」，都是平話。故有其地名，正好敆儥蜀隻縣市名字蜀樣，故此也着改唻。
→世落讀…… - 看圖

2019年6月24號

福建高考分數今旦公佈

2019年福建省其高考分數今旦（24號）公佈。考卷是20號改完其。福建省其網上評卷敆三萆位處做。答題卡敆福建省教育考試院掃描。兩萆主觀題評卷點共舊底蜀樣，敆福州大學共福建師範大學。今年共總有1640隻先生改卷。
→世落讀……

7月

2019年7月1號

公視臺語臺只蜀月日開播

臺灣公共電視只蜀月日（7月）有新其臺灣話（閩南話）頻道開始播放，號囉公視臺語臺。今旦著公視其14頻道試播。6號開始，大部分其臺灣儂有能涯著14頻道或且199頻道收看。公視臺語臺主要播放臺灣話其戲劇、節目，故有每日新聞、專題報導。臺語臺由採訪、寫稿，遘新聞標題，全部都使臺灣話其字。
→世落讀……

2019年7月11號

福州楊橋路 留學生當街𢱤警察

前日（9號）暝晡六點半，福州楊橋路有蜀隻儂𡅏騎電動車，故有蜀隻儂坐車後首。交警看見伊違規載儂，趕緊攔下，拔去車其鎖匙。許隻騎車其使普通話大告：「乞我，我叫汝乞我。」仱敆街中大𢱤警察。警察罔避罔退，躃遘蜀邊。行過其市民攔𡅏男界無伊行。遘尾幾隻警察趕過來，共伊搦起去。
→世落讀…… - 看圖

2019年7月14號

方聲洞《與妻書》複製件敆福州發現

方聲洞是福州儂，參加過黃花崗起義。起義之前，伊寫了《禀父書》《與妻書》。㑚是講，《與妻書》一直討儥着。只幫，福州文史專家唐希共《海峽都市報》講，方聲洞其六叔伯其後代陳曼有《與妻書》。《海都報》聯繫了陳曼，陳曼講伊討了兩日，當真討着。
→世落讀……

2019年7月18號

京都動畫火燒厝

今旦早起頭10點35分，日本京都動畫第一工作室有儂放火，遘尾火燒厝。日本總務省消防廳其報告講，遘暝晡10點，33隻儂過後，36隻儂受傷。
→世落讀…… - 看圖

8月

2019年8月31號

濕法冶金學家陳家鏞去世

只月26號，中國科學院院士陳家鏞去世，享年98歲。陳家鏞是濕法冶金學家、化學工程學家。伊仈曾著美國留學，1956年轉遘中國，努力讓中國其濕法冶金技術著野価方面達遘世界先進水平。
→世落讀……

2019年8月31號

亞馬遜森林大火好価工 巴西聖保羅天都暗去

20號日中，巴西聖保羅天都暗去，都是亞馬遜森林大火其烏色煙霧。有蜀隻氣象學家講：「只蜀回其煙霧伓是由聖保羅來其，是因為巴西朗多尼亞共玻利維亞其野火野密集。許塊大火做好価工，冷風改變了風其方向，煙霧就總款遘了聖保羅。」
→世落讀…… - 看圖