Wn/cdo/2019十邑春晚今暝開始

From Wikimedia Incubator
< Wn‎ | cdoWn > cdo > 2019十邑春晚今暝開始
Jump to navigation Jump to search
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.

【2019年1月22號福州訊】

伬唱《上下杭》

今暝(1月22號)7點,2019年世界福州十邑春晚敆福州海峽文化藝術中心舉辦。

2019十邑春晚節目單
先後 類型 本底其名字 福州話翻譯 語言 相片
交響樂 春節序曲 2019世界福州十邑春晚 交响乐《春节序曲》.jpg
1 開場歌舞 喜洋洋吉星高照 福州話 2019世界福州十邑春晚 开场歌舞《喜洋洋吉星高照》.jpg
2 小品 天上掉下個大姑媽 福州話、普通話 2019世界福州十邑春晚 小品《天上掉下个大姑妈》.jpg
3 歌表演 採新 普通話 2019世界福州十邑春晚 歌表演《采新》02.jpg
4 歌曲 嗨起來 普通話 2019世界福州十邑春晚 歌曲《嗨起来》.jpg
5 小品 也有昧 福州話、普通話
6 互動 院士拜年 普通話 2019世界福州十邑春晚 互动《院士拜年》.jpg
7 戲歌 毓秀福天 福州話 2019世界福州十邑春晚 戏歌《毓秀福天》.jpg
8 小品 亂點鴛鴦 福州話、普通話
9 伬唱 上下杭 福州話 2019世界福州十邑春晚 伬唱《上下杭》.jpg
10 現代舞 絲海情歌 2019世界福州十邑春晚 现代舞《丝海情歌》.jpg
11 歌曲聯唱 青春記憶 普通話 2019世界福州十邑春晚 歌曲联唱《青春记忆》02.jpg
12 小品 終於對上眼 福州話、普通話 2019世界福州十邑春晚 小品《终于对上眼》.jpg
13 舞蹈 2019世界福州十邑春晚 舞蹈《榕》.jpg
14 原生態合唱 畲族大歌 福州話 2019世界福州十邑春晚 原生态合唱《畲族大歌》01.jpg
15 情景表演 夢幻廊橋 2019世界福州十邑春晚 情景表演《梦幻廊桥》.jpg
16 小品 去哪裏 去俤所 福州話、普通話
17 樂舞 梅邑禮樂 福州話 2019世界福州十邑春晚 乐舞《梅邑礼乐》.jpg
18 互動 僑領拜年 福州話、普通話 2019世界福州十邑春晚 互动《侨领拜年》.jpg
19 歌曲 鄉親來拜年 福州話、馬來話 2019世界福州十邑春晚 福州语歌曲《乡亲来拜年》01.jpg
20 小品 歡樂一家人 歡樂蜀厝儂 福州話、普通話 2019世界福州十邑春晚 小品《欢乐一家人》.jpg
21 音樂詩 幸福之城 普通話 2019世界福州十邑春晚 音舞诗《幸福之城》.jpg
22 主題曲 福佑福州 福州話、普通話

今年其小品,都是福州話共普通話摻蜀堆講。幾芘小品之間,劇情也有關係,主要就是講蜀厝儂對手蜀隻38歲其「諸娘囝」講親其故事。「貽順哥」共「黑殠水體治理公司」其東北老闆同臺競爭,遘尾東北依哥贏了。其中,第2芘小品其標題,固特神意寫成「也有昧」。這「昧」其實就是「味」。味敆嚽所着讀「mê」,就是講有趣、有意思。

歌曲節目《嗨起來》,跳舞其儂仈曾參加過去年暝其十邑春晚,固有第三屆福州語歌曲大賽福州賽區其總決賽。歌曲聯唱《青春記憶》,共總有唱5條普通話其歌,分別是《甜蜜蜜》《小城故事多》《在希望的田野上》《天路》,共蜀條讚美改革開放其歌。舊其歌先唱,新其歌後唱。

福州語歌曲《鄉親來拜年》

只回晚會,除去小品共尾尾蜀條主題曲是「雙言」其,固有3芘音樂節目是普通話,長下其音樂節目都是平話。其中,《鄉親來拜年》就是福州語歌曲,由萬邦、姚乙、益多作詞。今暝黃家松、卡溜妹組合唱了只蜀條歌。只回舞臺懸頂其表演有加裏馬來元素,比如馬來話其臺詞。印尼其華僑伴舞。

今年其十邑春晚其總導演是張黎明。中共福州市委宣傳部共世界福州十邑同鄉會主辦。福州廣播電視臺承辦。只芘電視臺其轉播車也開遘場館外斗。只回晚會,電視臺拍算做成野価種形式,遘三十暝晡(2月4號)敆電視、互聯網、新媒體平臺播出。

消息來源[edit]

原創報導
這報導有維基記者第一手新聞。可以看討論頁了解詳情。
Wikipedia-logo.png
汝可以敆維基百科𡅏看蜀看共這新聞有關係其條目: