Wn/cdo/2019 Sĕk-ék Chŭng-uāng gĭng-màng kăi-sṳ̄
2019 n. 1 ng. 22 h. Hók-ciŭ séng
Gĭng-màng (1 ng. 22 h.) 7 dēng，2019 nièng Sié-gái Hók-ciŭ Sĕk-ék Chŭng-uāng (世界福州十邑春晚) găk Hók-ciŭ Hāi-hiĕk Ùng-huá Ngiê-sŭk Dṳ̆ng-sĭng (福州海峽文化藝術中心) gṳ̄-bâing.
| Sèng-âu | Lôi-hìng | Buōng-dā̤ gì miàng-sê | Hók-ciŭ-uâ huāng-ĭk | Ngṳ̄-ngiòng | Sióng-pièng |
|---|---|---|---|---|---|
| Sê̤ṳ | Gău-hiōng-ngŏk | 春節序曲 | Chŭng-cáik Sê̤ṳ-ké̤ṳk | 
| |
| 1 | Kŭi-diòng gŏ̤-ū | 喜洋洋吉星高照 | Hī-iòng-iòng Gék-sĭng Gŏ̤-ciéu | Hók-ciŭ-uâ | 
|
| 2 | Siēu-pīng | 天上掉下個大姑媽 | Hók-ciŭ-uâ, Pū-tŭng-uâ | 
| |
| 3 | Gŏ̤ biēu-iēng | 採新 | Chāi-sĭng | Pū-tŭng-uâ | 
|
| 4 | Gŏ̤-ké̤ṳk | 嗨起來 | Hāi Kī-lài | Pū-tŭng-uâ | 
|
| 5 | Siēu-pīng | 也有昧 | Iâ Ô Mê | Hók-ciŭ-uâ, Pū-tŭng-uâ | |
| 6 | Hô-dông | 院士拜年 | Iêng-sê̤ṳ Bái-nièng | Pū-tŭng-uâ | 
|
| 7 | Hiê-gŏ̤ | 毓秀福天 | Ṳ̆k-séu Hók-tiĕng | Hók-ciŭ-uâ | 
|
| 8 | Siēu-pīng | 亂點鴛鴦 | Luâng-diēng Uŏng-iŏng | Hók-ciŭ-uâ, Pū-tŭng-uâ | |
| 9 | chiĕ-chióng | 上下杭 | Siông-â-hòng | Hók-ciŭ-uâ | 
|
| 10 | Hiêng-dâi-ū | 絲海情歌 | Sĭ-hāi Cìng-gŏ̤ | 
| |
| 11 | Gŏ̤-ké̤ṳk lièng-chióng | 青春記憶 | Chĭng-chŭng Gé-é | Pū-tŭng-uâ | 
|
| 12 | Siēu-pīng | 終於對上眼 | Hók-ciŭ-uâ, Pū-tŭng-uâ | 
| |
| 13 | Ŭ-dô̤ | 榕 | Ṳ̀ng | 
| |
| 14 | Nguòng-sĕng-tái hăk-chióng | 畲族大歌 | Siă-cŭk duâi-gŏ̤ | Hók-ciŭ-uâ | 
|
| 15 | Cìng-gīng biēu-iēng | 夢幻廊橋 | Móng-huâng Lòng-giò | 
| |
| 16 | Siēu-pīng | 去哪裏 | Kó̤ Diê-sē̤ | Hók-ciŭ-uâ, Pū-tŭng-uâ | |
| 17 | Ngŏk-ū | 梅邑禮樂 | Muòi-ék Lā̤-ngŏk | Hók-ciŭ-uâ | 
|
| 18 | Hô-dông | 僑領拜年 | Gièu-liāng Bái-nièng | Hók-ciŭ-uâ, Pū-tŭng-uâ | 
|
| 19 | Gŏ̤-ké̤ṳk | 鄉親來拜年 | Hiŏng-chĭng Lì Bái-nièng | Hók-ciŭ-uâ, Mā-lài-uâ | 
|
| 20 | Siēu-pīng | 歡樂一家人 | Huăng-lŏ̤h Siŏh-chió Nè̤ng | Hók-ciŭ-uâ, Pū-tŭng-uâ | 
|
| 21 | Ĭng-ngŏk-sĭ | 幸福之城 | Hâing-hók cĭ Siàng | Pū-tŭng-uâ | 
|
| 22 | Ciō-dà̤-ké̤ṳk | 福佑福州 | Hók Êu Hók-ciŭ | Hók-ciŭ-uâ, Pū-tŭng-uâ |
Gĭng-nièng gì siēu-pīng，dŭ-sê Hók-ciŭ-uâ gâe̤ng Pū-tŭng-uâ chăng siŏh-dó̤i gōng. Gūi-bĭh siēu-pīng cĭ-găng, kiŏk-cìng iâ ô guăng-hiê, ciō-iéu cêu-sê gōng siŏh-chió nè̤ng dó̤i-chiū siŏh-ciáh 38 huói gì „cṳ̆-niòng-giāng“ gōng-chĭng gì gó-sê̤ṳ. „Ì-sông-gŏ̤“ gâe̤ng „Háik-cháu Cūi-tā̤ Dê-lī Gŭng-sĭ“ (黑殠水體治理公司) gì Dĕ̤ng-báe̤k lō̤-bēng dùng-dài gêng-cĕng, gáu-muōi Dĕ̤ng-báe̤k ĭ-gŏ̤ iàng lāu. Gì-dṳ̆ng, dâ̤ 2 bĭh siēu-pīng gì biēu-dà̤, gó dĕk-sìng-é siā siàng „也有昧“. Ciā „昧“ gì-sĭk cêu-sê „mê“, cêu-sê gōng iū-ché̤ṳ, ô é-sê̤ṳ.
Gŏ̤-ké̤ṳk ciék-mŭk «Hāi Kī-lài» (嗨起來), tiéu-ŭ gì nè̤ng báik-cèng chăng-gă guó kó̤-nièng-màng gì Sĕk-ék Chŭng-uāng, gó ô Dâ̤ 3 Gái Hók-ciŭ-ngṳ̄ Gŏ̤-ké̤ṳk Duâi-suói Hók-ciŭ Suói-kṳ̆ gì Cūng-giŏk-suói. Gŏ̤-ké̤ṳk lièng-chióng «Chĭng-chŭng Gé-é» (青春記憶), gê̤ṳng-cūng ô chióng 5 dèu Pū-tŭng-uâ gì gŏ̤, hŭng-biék sê «Diĕng-mĭk-mĭk» (甜蜜蜜), «Siēu-siàng Gó-sê̤ṳ Dŏ̤» (小城故事多), «Găk Hĭ-uông gì Dièng-iā Suông» (Pū-tŭng-uâ gó̤ „在希望的田野上“), «Tiĕng-lô» (天路), gâe̤ng siŏh-dèu cáng-mī Gāi-gáik Kŭi-huóng (改革開放) gì gŏ̤. Gô gì gŏ̤ sèng chióng, sĭng gì gŏ̤ hâiu chióng.
Cī-huòi uāng-huôi, dṳ̀ kó̤ siēu-pīng gâe̤ng muōi-muōi siŏh-dèu ciō-dà̤-ké̤ṳk sê „sĕ̤ng-ngiòng“ (雙言) gì, gó ô 3 bĭh ĭng-ngŏk ciék-mŭk sê Pū-tŭng-uâ，diông-giâ gì ĭng-ngŏk ciék-mŭk dŭ-sê Bàng-uâ. Gì-dṳ̆ng, «Hiŏng-chĭng Lì Bái-nièng» (鄉親來拜年) cêu-sê Hók-ciŭ-ngṳ̄ gŏ̤-ké̤ṳk, iù Uâng-băng (萬邦), Ièu-ék (姚乙), Ék-dŏ̤ (益多) cáuk-sṳ̀. Gĭng-àng Uòng Gă-sṳ̀ng (黃家松), Kă-dièu-muói Cū-hăk (buōng-dā̤ gì siā-huák sê „卡溜妹組合“) chióng lāu cī siŏh-dèu gŏ̤. Cī-huòi ū-dài gà̤-dēng gì biēu-iēng ô gă-diē Mà-lài nguòng-só, bī-ṳ̀ Mà-lài-uâ gì dài-sṳ̀. Éng-nà̤ (印尼) gì Huà-gièu (華僑) puâng-ū.
Gĭng-nièng gì Sĕk-ék Chŭng-uāng gì cūng-dô̤-iēng sê Diŏng Là̤-mìng (張黎明). Dṳ̆ng-gê̤ṳng Hók-ciŭ Chê-ūi Sŏng-diòng-buô (中共福州市委宣傳部) gâe̤ng Sié-gái Hók-ciŭ Sĕk-ék Dùng-hiŏng-huôi (世界福州十邑同鄉會) ciō-bâing. Hók-ciŭ Guōng-bó̤ Diêng-sê-dài sìng-bâing (承辦). Cī bĭh diêng-sê-dài gì diōng-bó̤-chiă iâ kŭi gáu diòng-guāng ngiê-dāu. Cī huòi uāng-huôi, diêng-sê-dài páh-sáung có̤ siàng iā sâ̤ cṳ̄ng hìng-sék, gáu săng-sĕk màng-buŏ (2 ng. 4 h.) găk diêng-sê, hô-lièng-uōng, sĭng-muòi-tā̤ bìng-dài bó̤-chók.
Siĕu-sék lài-nguòng
[edit | edit source]- 倒计时24小时！世界福州人自己的春晚来了，盘它！. 攀讲. 微信. 2019-01-21 [2019-01-22] （中文（简体））.
