Wn/cdo/福州地鐵二號線試運營

【2019年4月28號訊】

2號線地圖（資料圖）

前日（4月26號）早起頭，福州地鐵2號綫試運營。

2號線共總長30.3公里，車站22座萆，跨過閩侯縣、高新區、鼓樓區、臺江區、晋安區。

2號線共1號線蜀樣，有平話報站。其中，厚庭站其平話播音是「下陳遘了」。嚽是奚勢哩？原來只蜀站其名字來自「厚庭村」，這村本底是號「下陳村」，「厚庭」共「下陳」其平話讀音野像，當地其村名現在也著𡅏沿用「下陳」其名字。

著福州地鐵其各萆車站裏勢，都有做蜀隻牌牌，牌牌懸頂印𡅏規劃圖，圖裏勢兩條綫，交點著南門兜：蜀條紅綫直𡅏劃，嚽是1號線；蜀條綠綫橫𡅏劃，嚽就是2號線。每蜀日儂客來來往往，規劃圖俤儂都覷會著，㑚是講2號綫俤儂都無能耐坐。仱現在2號線會使搭去，福州地鐵也行裏「盤車」其時代了。

消息來源

• 地铁2号线开通试运营 福州地铁迎来“换乘时代”. 東南網. 2019-04-27 （中文（中国大陆））. 
• 地铁,让福州高新区驶入“快车道”. 福州高新區. 2019-04-29 （中文（中国大陆））.