Wn/cdo/「瑪利亞」此刻登陸 福州城嚴陣以待

From Wikimedia Incubator
< Wn‎ | cdoWn > cdo > 「瑪利亞」此刻登陸 福州城嚴陣以待
Jump to navigation Jump to search
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

【2018年7月11號訊】

昨暝(10號),福州市晴空萬里,蟬鳴陣陣,依然是炎炎夏日其光景。

今年第8號風颱「瑪利亞」敆七月五日生成,之後一直向西北方向移動,前幾日登陸點脈過去應該是福州。茲幾日不斷向北勢移動,中國天氣網預計「瑪利亞」今旦(11號)早頭敆福建福清浙江苍南一带海墘以強颱風(14-15級,42-48米/秒)登陸。強風颱形成其氣流差讓周圍地區其高壓氣流下沉,同時帶離水汽,茲幾日福州日中茲蠻悶熱,能見度野懸。野価愛䀹相其儂去高處䀹相,固有儂半晡爬起䀹天懸頂其星星。

下晝五點,維基記者遘五四路,看見市政共商家都敆𡅏做風颱前有計劃其準備:樹兜地鐵站C口起了擋板,站內也掏堆了沙袋;地下通道封了兩個出口;購物中心下沉式廣場其裏出口也馬上封閉……五四路中段其「筷子豪情」館店,因爲敆墿邊下沉式地段,前幾年風颱帶來雨水,囫圇館店都汨過去。前年開始,老闆做足了防護措施,成功抵禦「莫蘭蒂」風颱。昨暝伊固是做好了準備,比起市政,水平無差,經過其儂都掏出手機䀹相。

暝晡固無風雨,但是超市裡麵包、方便麵等速食其乇做蜀下乞搶購一空。下晝2點,中國氣象局就發佈了「風颱紅色預警」,現在「瑪利亞」其風圈已經掃過大陸,敆𡅏沿𡅏預計路線迫近福州。

野価儂敆社交平臺轉發屏山鎮海樓其相片,希望保佑榕城平安(資料圖)

敆社交平臺,野価儂都回憶前幾年強風颱其影響。共「瑪利亞」同蜀樣規模其風颱,都曾經帶來野大其經濟損失。有儂講:「厝裡着准备好食其乇、烛、充电宝去了。」固未放假其大學裡勢,以前無住敆福建其學生野緊張:「會儥有生命危險?」本地同學做蠻笑講:「也就是開窗看海,出門拍魚。」固有人轉發屏山鎮海樓其圖片,希望保佑福州平安。

福州市氣象臺趁昨暝開始,就通過網絡、短信其方式發佈「風颱紅色預警」、「暴雨黃色預警」,嚽是頭蜀回敆風颱登陸前蜀日日頭野大其時候發佈級別野懸其預警。鐵路方面,今旦除𡅏福州火車站發出途徑峰福線其部分普速列車暂時無停運其消息之外,其他各方向列車基本都停運了。福州站、福州南站分别僅長19班、2班列車暫無停運消息。福州長樂國際機場,95%其出港航班提前取消,目前暫無飛機裏港。

應對茲回「瑪利亞」,福州全市实行「三停一休」,也就是停工(業)、停產、停課、休市。

消息來源[edit]

原創報導
這報導有維基記者第一手新聞。可以看討論頁了解詳情。