Wn/cdo/2019年高考尾科考完

2019年中國大陸高考

系列報導

【2019年6月8號福州訊】

今旦日是中國大陸2019年高考其第二日。早起頭考文科綜合或且理科綜合，下晝考外語。

13點54分，北京海淀警方接遘報警，講拾着蜀隻儂其高考準考證共身份證。者時間離開始考書已經無遘蜀點鐘，民警此刻將證件送遘考場，填乞考生，介好會赴。

考書結束，成都有家長乞自家其諸娘囝送花。維基記者來遘福州屏東中學考點，看見有家長乞自家伲囝哥䀹相，甚至錄影。考生各儂敆𡅏討論接下去俤所客佻，也有其敆蜀堆䀹相紀念。

「英語作文」也變做微博其熱搜話題。

消息來源

原創報導
這報導有維基記者其第一手新聞。可以看討論頁了解詳情。