Wn/cdo/莆仙語也有自家其輸入法了
【2019年4月8號訊】
新曆二月廿號，莆仙話輸入法起鼓錄入。單字是使《莆田縣誌》《莆田市誌》其同音字表，詞彙是使《莆仙方言簡明詞彙》裡勢其詞。代碼是請福州子善寫其。
四月二號，《簡明詞彙》錄入完了，都領有五千零單字共五千零詞。
現刻時莆仙語拍字比起舊底會方便仂囝了，伓使去記只価字其普通話發音。但是這些詞肯定無夠，復着繼續錄入。莆仙語維基新聞其志願者芽油也講：「以後寫維基新聞也無許摳氣咯。」
今旦輸入法㑚有莆田腔，下兩日也會增加仙遊腔。芽油表示：「希望通過只隻輸入法，會撥醒各儂，齊來保護儂家其母語。」
寫代碼其子善是真鳥囝福州話輸入法其總負責人，伊帶志願者做其福州話輸入法無偌䀪也卜發佈了。