Wn/cdo/朝鮮拍算5月關閉核試驗場
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年4月29號訊】
韓國官員講，朝鮮計劃敆今年5月關閉北部其核試驗場，同時會將關閉其具體程序展現乞美國共韓國其核專家共新聞記者看。
韓國總統府發言人尹永燦今旦（4月29號）講，朝鮮領導人金正恩拜五共韓國總統文在寅會面其時候做了以上其表述。
尹永燦固講，金正恩也表示，美國總統川普會了解遘伊伓是蜀隻會對美國發射導彈其儂。預計蜀個月日之後，川普共金正恩會見面。
