Wn/cdo/美國制裁華為中興 北京反應強烈
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年4月19號訊】
美國對中國通訊設備制造商實施貿易制裁，北京反應野強。
中國國家媒體新華社報導，商務部發言人高峰今旦（4月19號）講，美國其做法表面針對中國，遘尾了固是害自家。伊講，希望美國伓使低估中國其決心，美國做單邊主義，中國會堅決鬥爭。
美國商務部拜一宣布禁止美國公司將零部件、軟件、技術賣乞中國其中興通訊。美國商務部講，茲蜀家公司違反制裁規定、將通訊設備共技術賣乞朝鮮、伊朗等等國家，固瞞美國。
蜀工之後，美國聯邦通訊委員會決定，伓使聯邦政府經費買中國華為、中興等等公司任何其通訊產品。委員會講，茲蜀批公司做其乇，裝敆美國其通訊網絡之後，對美國儂其個人隱私、美國商業秘密其安全甚至國家安全都儥好。
