Wn/cdo/中日關係「轉遘正軌」接下拍拼經濟

【2018年10月27號訊】

昨暝（10月26號），中日兩國政府敆中日首腦會談臺中確認建設新階段其關係，以後會以經濟為中心，加速實務層面其合作。

之前其中日關係，仈曾乞形容做「二戰後第一呆」。日本首相安倍期待兩國關係邁向「由比並行向協調」其新時代，中華人民共和國國家主席習近平講，現刻兩國關係復蜀回「轉遘正軌」，復蜀回顯示出好勢況。

日本媒體報導，兩國政府已同意協調實現習近平2019年訪問日本其事計。去日本其時間可能敆2019年6月敆大阪市做其二十國集團峰會前後。安倍固邀請習出席2020年東京奧運開幕式。

消息來源