Wn/cdo/黑洞也會使䀹相 頭頭張相片發佈

From Wikimedia Incubator
< Wn‎ | cdoWn > cdo > 黑洞也會使䀹相 頭頭張相片發佈
Jump to navigation Jump to search

【2019年4月12號訊】

頭頭張黑洞相片

全球野価萆國家其天文學家10號聯合公佈人類遘現在爲止䀹遘其頭頭張黑洞相片。布魯塞爾、聖地亞哥、上海、臺北、東京、華盛頓六萆位處同時開新聞發佈會。

只蜀張相片是「事件視界望遠鏡」項目其成果。只萆項目敆2012年啟動,野価國家其科學家都有做貢獻。使全球望遠鏡網絡,200幾隻研究其儂直接觀測蜀隻黑洞。

伊各儂觀測其目標,是分別敆儥蜀隻星系中心其兩隻超大黑洞。

黑洞會給恆星、行星、氣體、塕塵故有所有形式其電磁輻射吞落去。敆理論懸頂,儂㑚會中看見對黑洞做出反應其物體,黑洞就覷儥着了。

倫敦科學博物館對外事務主管羅傑·海菲爾德簡單介紹了黑洞形成其理論。伊講:「黑洞是敆一粒恆星其生命週期結束其辰候進化來其,你想像囇蜀粒恆星坍縮成蜀萆密度盡去野懸其物體。譬喻儂家其星系,儂家仈傳有蜀隻黑洞,盡去野大,覭着伊臺中。伊共水星其運行軌道差不多大,是太陽質量其幾百萬倍,儂家現刻時認為只価野其黑洞覭着每蜀隻星系其中心。」

只項研究會通驗證物理學家阿爾伯特·愛因斯坦敆1915年提出其廣義相對論,只蜀隻理論試𡅏解釋引力定律共別其自然力其關係。只項研究故會通預測黑洞其大嫩共樣式。

消息來源[edit]