Wb/nia/Moze III/9

I. Sumange si föföna nibe'e Ga'aroni, fameta horönia

1 Ba fitu bongi, ba humede Moze khö ndra A'aroni iraononia ba ba zatua Ndraono Gizeraeli, imane khö Ga'aroni:

2 Halö khöu nono zaŵi, ono-ono, sumange fameta horö ba biri-biri si matua, sumange nitunu, faoma si lö sala, ba ohe föna Yehowa. 3 Ba ba Ndraono Gizeraeli, ba ömane: Mihalö nambi si matua, sumange fameta horö, ba ono zaŵi ba biri-biri, sage-sageu, faoma si döfi fa'ebua ba si lö sala, sumange nitunu, 4 ba saŵi si matua ba biri-biri si matua, sumange fangorifi, ba wanaba föna Yehowa, ba nifao zumange ni'a, nifaruka fanikha; ma'ökhṍ sa i'oroma'ö ia khömi Yehowa.

5 Ba la'ohe niŵa'ö Moze, la'ohe ba golayama nose wama'ele'ö, ba so zato fefu, la'ondrasi Yehowa.

6 Ba imane Moze: Da'ö ia, ni'oroi'ö Yehowa khömi folau, ena'ö oroma khömi lakhömi Yehowa.

7 Ba imane Moze khö Ga'aroni: Ae ba naha wame'e sumange, ba be'e zumange fameta horö andrö khöu ba sumange nitunu, ena'ö aheta horöu, awö horö zato, öbe'e; aefa da'ö, ba be'e zumange nibe'e zato, ena'ö aheta horöra, öbe'e, si mane niŵa'ö Yehowa.

8 Ba möi ba naha wame'e sumange Ga'aroni, itaba nono zaŵi andrö, nihonogöi sumange fameta horö khönia. 9Ba iraono Ga'aroni zangoro'ö khönia do andrö; ba i'ungugö durunia bakha ba igule'ö ba dandru naha wame'e sumange. Ba do soya, ba iduwagö tou ba zinga naha wame'e sumange. 10 Ba tawö zumange fameta horö, awö mbua, awö zi faböbö ba gate, ba itunu ba naha wame'e sumange, si mane niŵa'ö Yehowa khö Moze. 11 Ba ösi ba uli, ba baero golombaseŵa itunu.

12 Aefa da'ö, ba itaba zumange nitunu; ba iraono Ga'aroni zangoro'ö khönia do andrö, ba ibe'e fanefe naha wame'e sumange, fasui. 13 Ba sumange nitunu andrö, ba la'oro'ö khönia nitatawi, awö högö, ba itunu ba naha wame'e sumange. 14 Ba alakhaö ba ahe, ba isasai ba nidanö ba itunu ba naha wame'e sumange, yaŵa ba zumange nitunu.

II. Sumange si föföna fameta horö zato

15 Aefa da'ö, ba ibe'e zumange nibe'e zato: ihalö nambi si matua andrö, nihonogöi zumange fameta horö zato, itaba ba ibe'e sumange fameta horö, si mane mege.

16 Aefa da'ö, ba ibe'e zumange nitunu andrö, ba lala nifakhoi ifatörö. 17 Ba ibe'e göi zumange ni'a andrö; ihalö ösa, si tambai tanga, ba itunu ba naha wame'e sumange, lö lai zumange nitunu andrö na mahemolu mbanua.

18 Aefa da'ö, ba itaba nono zaŵi andrö, awö mbiri-biri si matua andrö, sumange fangorifi, si tefaudu ba zato; ba iraono Ga'aroni zangoro'ö khönia do andrö ba ibe'e fanefe naha wame'e sumange, fasui.

19 Ba ba ngawua dawö zaŵi andrö, ba ba gi'o mbiri-biri, sotawö andrö, awö dawö wali'a ba bua ba si faböbö ba gate, 20 ba lafalaetegö ba ngawua nosu ngawua dawö andrö, ba itunu ngawua dawö andrö, ba naha wame'e sumange.

21 Ba ngawua nosu, awö waha kambölö, ba ihahae A'aroni, nihahae föna Yehowa, si mane niŵa'ö Moze.

III. Oroma ba zato lakhömi Yehowa

22 Ba i'oro'ö dangania A'aroni, yaŵa zato, ifahowu'ö ira; ba me no i'asiwai zumange fameta horö ba sumange nitunu ba sumange fangorifi, ba möi ia mitou.

23 Ba möi bakha ba nose wama'ele'ö ndra Moze A'aroni, ba me lafuli ira baero, ba lafahowu'ö niha sato. Ba oroma ba niha sato fefu lakhömi Yehowa. 24 Ba so galitö si oroi Yehowa, ba i'a zumange nitunu andrö, awö ngawua dawö andrö, ba naha wame'e sumange. Ba me la'ila da'ö sato fefu, ba owua-wua dödöra ba lafalögu tou ira.

Famotokhi ba gahe

Fabaliŵa lala

Olayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö