Wb/nia/Moze III/2

I. Sumange ni'a, hamo ba kue

1 Na so zame'e khö Yehowa sumange ni'a, ba ya hamo si sökhi zumange andrö khönia; yamulau wanikha yaŵa ba yamube'e gumöyö.

2 Ba i'ohe ba ndraono Ga'aroni, ere andrö; ba yamuhalö zi tambai tanga ere, hamo andrö ba fanikha andrö, nilau, ba kumöyö, andrö, ahori, ba yamutunu ba naha wame'e sumange zamohua andrö khönia, sumange nibe'e khö Yehowa, nifatörö ba galitö, samohua. 3 Ba si tosai sumange ni'a andrö, fefu, ba tana khö Ga'aroni ba ba ndraononia; ni'amoni'ö sibai da'ö ba zumange Yehowa andrö, nifatörö ba galitö.

4 Ba na edöna öbe'e sumange ni'a nibogö ba galitö, ba kue si lö mu'aisöni öbe'e, kue hamo si sökhi, nifaruka ba kue sanifi, si lö mu'aisöni, nigule'ö fanikha.

5 Ba na sumange ni'a ba gali öbe'e, ba hamo si sökhi nifaruka fanikha ba si lö mu'aisöni öfake; 6 öboboto ia, samba-sambawa ba ölau wanikha yaŵa — sumange ni'a ia.

7 Ba na sumange ni'a, nirino ba mbowoa, ba hamo si sökhi, awö wanikha öbe'e. 8 Ba ö'ohe khö Yehowa zumange ni'a andrö, nimanö famazökhi; labe'e ba danga gere, ena'ö ya'ia zolohe ba naha wame'e sumange. 9 Ba ihalö ere ndrohu-ndrohu, samohua andrö, ba zumange ni'a andrö, ba itunu ba naha wame'e sumange, sumange nibe'e khö Yehowa, nifatörö ba galitö, samohua.

10 Ba si tosai sumange ni'a andrö fefu, ba tana khö Ga'aroni ba ba ndraononia, ni'amoni'ö sibai da'ö ba zumange Yehowa andrö, nifatörö ba galitö.

11 Fefu zumange ni'a andrö, nibe'emi khö Yehowa, ba lö tola si no mu'aisöni mibe'e; tanömö roti sa, ba ŵe ŵani, ba lö tola mitunu ba galitö, sumange Yehowa, nifatörö ba galitö. 12 Hana na mibe'e böröta zumange khö Yehowa, ba lö tola möi ba naha wame'e sumange, samohua ena'ö. 13 Ba fefu zumange ni'a, nibe'eu, ba ölau nasio; lö'ö manö tola lö öbe'e nasio wawu'usa li andrö, nihonogöi Lowalangiu, ba zumange ni'a andrö khöu: ba zumange andrö khöu fefu, ba öfao nasio.

II. Sumange bua zinanö, sahulö

14 Ba na edöna'ö öbe'e sumange Yehowa mbua zinanö sahulö, ba ngalai nibogö ba galitö ba ma böra nirekha, bua si bohou mubasi, öbe'e sumange ni'a khöu, bua zahulö. 15 Ba ölau wanikha ba öbe'e yaŵa gumöyö — sumange ni'a ia. 16 Ba ihalö ndrohu-ndrohu, samohua, ere, böra nirekha andrö ba fanikha, nibe'e andrö — ba kumöyö andrö khönia, ba ahori, ihalö, ba itunu ba galitö sumange Yehowa, nifatörö ba galitö.

Famotokhi ba gahe

Fabaliŵa lala

Olayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö