Wb/nia/Moze III/3
I. Sumange fangorifi, saŵi[edit | edit source]
1 Ba na sumange fangorifi nibe'enia, ba na saŵi zedöna ibe'e, ba si lö sala ifaigi, ma zi matua, ba ma si alawe, ni'ohenia khö Yehowa.
2 Ba itufa tangania högö zumange andrö khönia, ba itaba ba zinga mbawandruhö nose wama'ele'ö; ba iraono Ga'aroni, ere andrö, zanefe naha wame'e sumange do andrö, fasui.[1] 3 Ba yamuhalö ba zumange fangorifi andrö, nibe'e sumange Yehowa nifatörö ba galitö, dawö wali'a andrö ba muru-muru mbetu'a ba bua si dombua, 4 fabaya tawönia, ba ba rami lafoyo, ba si faböbö ba gate; ba mbua i'etu'ö.
5 Ba ndra mutunu iraono Ga'aroni ba dete naha wame'e sumange, yaŵa ba zumange nitunu andrö, si so ba dete mbaho geu andrö ba galitö, latunu sumange nibe'e khö Yehowa nifatörö ba galitö, samohua.[2]
II. Biri-biri[edit | edit source]
6 Ba na urifö side-ide nibe'enia sumange Yehowa, sumange fangorifi ba si lö sala ifaigi, ma si matua, ba ma si alawe, nibe'enia.
7 Na ono mbiri-biri sedöna ibe'e sumange, ba yamu'ohe föna Yehowa, 8 ba yamutufa tangania högö zumange andrö khönia, ba yamutaba sa'ae föna nose wama'ele'ö; ba iraono Ga'aroni zanefe naha wame'e sumange do andrö, fasui.
9 Ba yamube'e sumange Yehowa nifatörö ba galitö zumange fangarifi andrö ösa, tawönia andrö: i'o sotawö andrö, ma'asara, ba mbörö gi'o sibai ifaefa — awö dawö wali'a andrö, ba muru-muru mbetu'a, fefu, ba bua si dombua, 10 fabaya tawönia ba ba rami lafoyo ba si faböbö ba gate; ba mbua i'etu'ö. 11 Ba itunu ba naha wame'e sumange ere, ö sumange nifatörö ba galitö, khö Yehowa.[3]
III. Nambi[edit | edit source]
12 Ba na nambi zumange khönia, ha yamu'ohe föna Yehowa, 13 yamutufa tangania högö ba yamutaba föna nose wama'ele'ö; ba iraono Ga'aroni zanefe naha wame'e sumange do andrö, fasui.
14 Ba ihalö ba da'ö zumange andrö khönia, nibe'e, sumange khö Yehowa, nifatörö ba galitö, tawö wali'a andrö ba muru-muru mbetu'a, 15 fefu, ba bua si dombua, fabaya tawönia ba ba rami lafoyo, ba si faböbö ba gate; ba mbua i'etu'ö. 16 Ba ere zanunu ba naha wame'e, sumange, ö nibe'e khö Yehowa, sumange nifatörö ba galitö, samohua. Fefu dawö, ba khö Yehowa.[4]
17 Amakhoita si lö tebulö da'ö, nitörömi, götö-götö wa'ara, fefu gofu heza so ami: Tawö ba do, ba alösu lö tola mi'a![5]
Famotokhi ba gahe[edit | edit source]
Fabaliŵa lala[edit source]
Olayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö