Wb/nia/Moze III/6
I. Sumange ogauta ba walimosa fanagö[edit | edit source]
1 Ba humede Yehowa khö Moze, imane:
2 Na so zi sala, na falimo ia khö Yehowa, horönia, na i'osilö'ögö khö nawönia nibe'e ba dangania, ma nifa'irö'ögö, ba ma nirabu, ba ma na ibe'e te'ala nawönia, 3 ba ma na i'osilö'ögö nisöndrania, saekhu, ba ma na möi ia ba hölu ba zi lö duhu, na so nilau hadia ia, sosala niha — 4 na molalö ia si manö, horönia, ba yamufuli nirabunia andrö, ba ma si falau horö ia, ba ma nibe'e ba dangania, ba ma saekhu no mege, nisöndrania,[1] 5 ba ma si möi ia ba hölu si lö duhu — fefu, gofu hadia ia — bölinia ma'afefu ifuli, ba sambua ni'olima ibe'e uwunia; ba zokhö ibe'e, na luo ibe'e gogauta andrö.
6 Ba khö Yehowa ibe'e ogauta mbiri-biri si matua, si lö sala — ba gurifönia side-ide ihalö — ya'ugö zanguhuku fa'ebua, yamu'ohe khö gere, sumange ogauta. 7 Ba yamufaigi khönia wameta zala khö Yehowa ere, ba tebe'e aefa khönia — hadia ia nilau, horö zamösana.
II. Amakhoita ba zumange nitunu. Böi mate galitö ba naha wame'e sumange[edit | edit source]
8 Ba humede Yehowa khö Moze, imane:
9 Be'e lala khö Ga'aroni ba ba ndraononia, ömane: Da'ö gamakhoita ba zumange nitunu andrö: Sumange nitunu andrö, ba sara wongi lö tebulö ba naha wame'e sumange, ba nitunu ya'ia, irege mahemolu mbanua, fangebua galitö ba naha wame'e sumange, fa lö mate. 10 Ba yamu'obaru gamezania ere, ba yamubalugö zaila ia saraeŵa tarafali ba yamuheta nawu andrö, awu zumange nitunu andrö ba galitö ba naha wame'e sumange, ba yamuduwagö ba ngai naha wame'e sumange.
11 Aefa da'ö, ba yamufohani ia, ba yamu'ohe baero golombaseŵa nawu andrö, ba naha si sökhi. 12 Ba nibe'e fangebua galitö ba naha wame'e sumange ia, böi manö mate. Ero mahemolu itunu yaŵa geu ere, ifa'anö yaŵa geu, ba itunu yaŵa ba da'ö dawö zumange fangorifi andrö.
13 Si lö tebulö galitö ba naha wame'e sumange, lö tola mate ia.
III. Amakhoita ba zumange ni'a[edit | edit source]
14 Ba da'ö gamakhoita ba zumange ni'a andrö: Iraono Ga'aroni zolohe khö Yehowa, ba naha wame'e sumange.[2] 15 Ba ihalö ösa, tambai tanga — hamo si sökhi andrö ba fanikha, nibe'e sumange ni'a — ba kumöyö andrö, hawu-hawu zumange ni'a andrö, ba ahori ihalö, ba itunu ba naha wame'e sumange, sumange nifatörö ba galitö, samohua, ndrohu-ndrohunia, samohua, khö Yehowa.
16 Ba si tosainia, ba ö ndra A'aroni iraononia; ni'a lö mu'aisöni, ba naha ni'amoni'ö: ba golayama nose wama'ele'ö la'a ia. 17 Lö tola labogö nifaruka tanömö roti. Utehe khöra urakhara ba zumangegu andrö nifatörö ba galitö; ni'amoni'ö sibai ia si mane sumange fameta horö andrö ba si mane sumange ogauta.
18 Dozi motöi matua ba ndraono Ga'aroni zi tola manga ya'ia; amakhoita si lö tebulö ha wa'ara, nitehe khömi ba zumange Yehowa andrö, nifatörö ba galitö, götö-götö wa'ara; sombambaya ya'ia, ba no ni'amoni'ö göi.[3]
IV. Sumange ba wamataro ere[edit | edit source]
19 Ba humede Yehowa khö Moze, imane:
20 Da'ö zumange Yehowa, nibe'e Ga'aroni ba iraononia, na luo tebayoini ia: Samba hinaoya hamo si sökhi, sumange ni'a, sero ma'ökhö — si matongania, ba na mahemolu mbanua, ba si matonga, ba na owi. 21 Ba gali la'asosoi, nifaruka fanikha; öfakhöyö ua, atö öbe'e, sinaba zumange ni'a andrö nigore öbe'e, samohua khö Yehowa.
22 Ere andrö, nibayoini fangalinia, nituyu ba ndraononia andrö, da'ö zangasiwai; amakhoita Yehowa si lö tebulö da'ö, götö-götö wa'ara; ahori tetunu khö Yehowa. 23 Fefu zumange nibe'e gere, ba ahori tebe'e sumange; lö tola la'a niha.
V. Amakhoita ba zumange fameta horö[edit | edit source]
24 Ba humede Yehowa khö Moze, imane:
25 Hede khö Ga'aroni ba ba ndraononia, ŵa'ö khöra: Da'ö gamakhoita ba zumange fameta horö andrö: ba nitaba sumange nitunu, föna Yehowa, ba da'ö göi tetaba zumange fameta horö; ni'amoni'ö sibai ia.
26 Ere andrö, same'e sumange fameta horö andrö, da'ö zi manga ya'ia; ba naha ni'amoni'ö te'a ia, ba golayama nose wama'ele'ö. 27 Dozi sombambaya ösinia andrö, ba no ni'amoni'ö göi; ba na tokana ba mbaru ndronia ösa, ba ba naha ni'amoni'ö ösasai nikanania andrö. 28 Bowoa tanö, fondrinonia, ba niboto; ba na bowoa töla wondrinonia, ba nidukhu ba nihaogö fangogumi.
29 Dozi motöi matua ba gere zi manga ya'ia; ni'amoni'ö sibai ia. 30 Ba sumange fameta horö fefu ni'ohe do ösa ba nose wama'ele'ö, ba wolau fameta horö, ba ni'amoni'ö, ba lö tola te'a; nitunu da'ö.[4]
Famotokhi ba gahe[edit | edit source]
Fabaliŵa lala[edit source]
Olayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö