Wb/nia/Moze III/5
I. Tohu-tohu gamakhoita ba zumange fameta horö[edit | edit source]
1 Na so zi sala, na no irongo wangelifi, na tola sasi ia, ma no i'ila [zangelifi] ba ma no irongo, ba na lö ni'ombakha'önia, si tobali horönia — 2 ma no so zi no mombambaya salakha, ma amatela gutu ndru'u salakha, ba ma amatela gurifö salakha ba ma zui amatela guökuö salakha, si lö i'ila mege, ba na irongo dania, si tobali horönia[1] — 3 ba ma zui tobaya khönia zalakha, ba niha, ba ma hadia ia zalakha, ba zi hulö zi ra'i-ra'iö niha, si lö i'ila mege, ba nirongonia dania, si tobali horönia — 4 ba ma zui na fahölu niha, sambö fangera-ngera, na iŵa'ö ilau hadia ia ba na numalö linia fahölusa, si lö aboto ba dödönia ua, ba na aboto ba dödönia dania, na tobali horönia zi mane da'ö, 5 ba yamu'ombakha'ö hadia horönia, na no tobali horönia zi mane da'ö; 6 ba ibe'e sumange Yehowa, sumange fameta horö zageu, urifö side-ide, si alawe, ma biri-biri ba ma nambi, ogauta ba golalöŵa andrö, horönia andrö, ba ifaigi khönia wameta lalö andrö ere.
7 Ba na tebai ibe'e nambi, na si numana ia, ba dombua wune, ba ma dumbua nono marafadi; si sambua, ba sumange fameta horö, ba si sambua, ba sumange nitunu.[2] 8 Yamu'ohe khö gere; ba yamu'ofönai'ö wame'e nihonogöi sumange fameta horö da'ö; iboto högö, tanö ba mbörö du'i, ba böi yamufaefa.[3] 9 Ba do zumange fameta horö andrö, ba igule'ö ba ngai naha wame'e sumange ma'ifu; ba do soya, ba nifera'ö tou, ba zinga naha wame'e sumange; sumange fameta horö ia. 10 Ba si sambua, ba i'asiwai sumange nitunu; i'o'ö nifakhoi andrö. Na no imanö ere wamaigi khönia fameta lalö andrö, horönia andrö, ba tebe'e aefa khönia.
11 Ba na tebai ibe'e wune andrö, si dombua, ba he ono marafadi, si dombua, ba wa'anumanania, ba yumube'e sumange ba lalönia andrö, sumange fameta horö, zi samba hinaoya hamo si sökhi, ba böi yamulau wanikha, ba he kumöyö, me sumange fameta horö. 12 Ba yamu'ohe khö gere; ba ihalö zi tambai tanga ere, ndrohu-ndrohu, samohua, ba itunu ba naha wame'e sumange ba zumange Yehowa andrö, nifatörö ba galitö — sumange fameta horö ia.[4] 13 Na no imanö ere, wamaigi khönia fameta zala andrö, horönia heza andrö, ba tebe'e aefa khönia. Ba khö gere [zumange si manö], si mane sumange ni'a andrö.
II. Sumange ogauta ba zala ba ni'amoni'ö andrö si lö mu'odödögö[edit | edit source]
14 Ba humede Yehowa khö Moze, imane:
15 Na so zi falimo, na ihalö hadia ia ni'amoni'ö khö Yehowa, si lö mu'odödögö, ba ibe'e sumange Yehowa, sumange fameta horö, ogauta, mbiri-biri si matua, si lö sala — ba gurifönia side-ide ihalö — si lö ambö dombua rufia fowöli, wamatöu böli. 16 Ba yamufuli nihalönia ni'amoni'ö andrö ba ifo'uwu, sambua ni'olima ya'ia. Ba danga gere ibe'e, ba yamufaigi khönia wameta zala ere, ba zumange fameta horö, biri-biri andrö, ba tebe'e aefa khönia.
17 Ba na so zi sala, sanawö oroisa Yehowa zambalö, horönia, na tohare khönia golalöŵa, si lö mu'odödögö, 18 ba yamu'ohe khö gere mbiri-biri si matua si lö sala — ba gurifönia side-ide ihalö — ba ya'ugö zangukuku fa'ebua, yamube'e sumange ogauta, ba ifaigi khönia wameta lalö andrö ere, lalö andrö si lö mu'odödögö, ba tebe'e aefa khönia. 19 Sumange ogauta da'ö, me no molalö ia khö Yehowa.
Famotokhi ba gahe[edit | edit source]
Fabaliŵa lala[edit source]
Olayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö