Wb/nia/Moze III/21
I. He lawisa ere andrö
[edit | edit source]1 Ba imane Yehowa khö Moze: Be'e li ba gere andrö, iraono Ga'aroni, ömane khöra:
Lö tola ihalö fa'ara'iönia mboto zi mate ba niwara ere. 2 Ha sahatö khönia, fondrege zahatö, inania ba amania ba ononia matua ba ononia alawe ba talifusönia matua, 3 ba talifusönia alawe, sahatö khönia, ono alawe, si lö muhalö na — ha da'ö zi tola ihalö fa'ara'iönia. 4 Lö tola ibe'e ra'iö ia ba niwara, wanörö salakha khönia.
5 Lö tola latöwö galizuzura ba lö tola lafalo'o gambira ba he fogoi ösira, ba lö tola.[1] 6 Ni'amoni'ö khö Lowalangira ira, ba böi la'o'aya döi Lowalangira, me same'e sumange Yehowa ira, sumange nifatörö ba galitö, ö Lowalangira, andrö wa ni'amoni'ö ira.
7 Sohorö-horö ba si no muhoröni, ba tebai la'owalu, ba he ira alawe nitibo'ö ndra matua, ba lö tola lahalö, me no ni'amoni'ö khö Lowalanginia gere.[2]
8 Andrö wa ni'amoni'ö ia khöu, me ya'ia zame'e gö Lowalangiu; ni'amoni'ö ia öŵa'ö; me no ni'amoni'ö ndra'o, ya'odo andre, Yehowa, same'e ni'amoni'ö ya'ami.
9 Ba na ibörötaigö mohorö nono gere alawe, ba salakha namania ibe'e, nitunu auri ia.
II. Ba he wisa ere sebua
[edit | edit source]10 Ba si no ere sebua ba dalifusönia, si no mulau ba högö fanikha famayoini andrö, si no mufo'ösi tanga ba si no mufonukha nukha [ni'amoni'ö] andrö, ba lö tola ifehombo mbunia ba lö tola itika nukhania.[3] 11 Lö tola möi ia yomo si so si mate; amania na'i ba inania, ba lö tola ibe'e fa'ara'iönia. 12 Lö tola iröi ni'amoni'ö andrö, fa böi ifatörö zalakha ba ni'amoniö andrö khö Lowalanginia; noa sa tohare khönia we'amoni'ö andrö ba wanikha famayoini andrö khö Lowalanginia; Yehowa ndra'odo.[4]
13 Si ndruhu nono alawe ihalö fo'omonia, 14 lakha ba nitibo'ö ba si no muhoröni ba sohorö-horö, ba lö tola ihalö; ha ono alawe iwara, zi tola ihalö fo'omonia, 15 fa böi salakha nga'ötönia ba niwara ibe'e; Yehowa sa ndra'odo, same'e ni'amoni'ö ya'ia.
III. Ha niha zi tebai möi ere
[edit | edit source]16 Ba humede Yehowa khö Moze, imane: 17 Hede khö Ga'aroni, ömane:
Na so ba nga'ötöu zi so sala ba nösinia, he götö iada'e, ba he ba götö dania, ba lö tola möi ia, ba wame'e gö Lowalanginia andrö. 18 Ha niha sa zi so hadia ia zi sala ba nösinia, ba lö tola möi, he sau'a, ba he sombuyu-mbuyu töla ba he si so saböda, ba he sanau ndroto-ndroto, zara, 19 ba he safatö ahe, 20 ba he safatö ta'io, ba he sa'ebu, ba he si no afuofuo, ba he si bidöyö, ba he soböni, ba he si so gigimö bö'ö, ba he sabao bazili. 21 Samösa lö'ö si tola möi, nga'ötö Ga'aroni, si so si sala ba nösinia, ba wame'e sumange Yehowa andrö, nifatörö ba galitö; na so zi sala ba nösinia, ba lö tola möi ia, ba wame'e gö Lowalanginia.[5]
22 Ba tola sa i'a wöfö gö Lowalanginia, he ni'amoni'ö sibai andrö, ba he ame'ela andrö ni'amoni'ö. 23 Ha fa lö tola möi ia bakha barö mba'a-ba'a andrö, ba lö tola ihatö'ö ia ba naha wame'e sumange, me no so zi sala, ba nösinia; fa böi ifatörö zalakha ba ni'amoni'ö andrö khögu; me no Yehowa ndra'odo, same'e ni'amoni'ö ya'ia.
24 Ba iŵa'ö da'ö Moze khö Ga'aroni ba ba ndraononia ba ba Ndraono Gizeraeli fefu.
Famotokhi ba gahe
[edit | edit source]Fabaliŵa lala
[edit source]Olayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö