Wb/nia/Moze III/19
I. Oroisa: ena'ö la'amöni'ö ira khö Yehowa Iraono Gizeraeli[edit | edit source]
1 Ba humede Yehowa khö Moze, imane: 2 Hede ba mbanua Ndraono Gizeraeli fefu, ba ömane khöra:
Yani'amoni'ö ami, me no ni'amoni'ö ndra'odo, ya'odo andre, Yehowa, Lowalangimi.[1]
3 Ya mu'ata'ufi ninania, awö namania zamösana ba mitöngöni luo wolombase andrö khögu; Yehowa ndra'odo, Lowalangimi.[2]
4 Böi mi'otahögö nadu ba böi mifazökhi khömi Lowalangi nifahele, ya'odo Yehowa, Lowalangimi.[3]
5 Ba na mitaba zumange fangorifi khö Yehowa, ba mifaigi wame'e, ena'ö omasi ia ami. 6 Na luo wame'emi ya'ia te'a ia, ba mahemolu ö; ba hadia zi tosai irege ba zi dua wongi, ba nitunu.[4] 7 Ba na te'a zui ba zi dua wongi, ba no amaedola zobou, ba tenga omasiö. 8 Ha niha zi manga, ba ihalö horönia; noa sa ilau zalakha ba ni'amoni'ö khö Yehowa, ba nise'e ba niwara niha si manö.
II. Amakhoita ba wangomasi'ö awö[edit | edit source]
9 Na mibasi mbua danö khömi, ba böi basi irege hinölu ba böi ozaragö nalöŵa, na no aefa wamasiu. 10 Ba he wo'uwo'u ba kabu nagu khöu ba he bua satoru ba danö ba kabu nagu khöu, ba böi ozaragö: ölulu ba zi numana ba ba zi fatewu; ya'odo Yehowa, Lowalangimi.
11 Böi managö ami ba böi mofaya ba böi falimo,[5] 12 Böi möi ba hölu, ba döigu, na faya, wango'aya töi Lowalangimö; Yehowa ndra'odo.[6] 13 Böi limo nawöu ba böi osindra'ui hadia ia khönia; luo genoni, ba lö tola ötaha irege mahemolu mbanua.[7] 14 Böi elifi zafiso ba böi ba'a lala zau'a; ö'ata'ufi Lowalangiu; Yehowa ndra'odo.[8]
15 Böi mifuyu'ö huku, na tefatunö huhuo; böi ö'awögö zi numana ba böi faigi-faigi mbawa zalaŵa, ö'atulö'ö wangefu'ö huku khö nawöu.[9] 16 Böi samöbögö si lö duhu ndra'ugö ba niwamö ba böi andrö wamunu awöu; Yehowa ndra'odo.[10] 17 Böi so ba dödöu watiusa khö dalifusöu; öfahede nawöu, böi aiwö'ö; böi öfalu'igö khöu horö, börö ia.[11] 18 Böi omasi ndra'ugö wolau balö, ba böi be'e bu'u dödö ba niwau hadia ia. Ö'omasi'ö nawöu, si mane fangomasi'ömö ya'ugö; Yehowa ndra'odo.[12]
19 Nifakhoigu, ba mitöngöni: lö tola ö'orudugö zi dua balö uriföu, ba wamo'ono, ba lö tola öfakhöyö zi dua balö sinanö ba nowiu, ba lö tola ö'obaru mbaru, si dua balö bana mege ba wanoso ya'ia.[13]
20 Na so zorudu ba ndra alawe, si no sawuyu niha bö'ö, si lö muhöli, si lö mu'efa'ö, ba nikhau ira; ba tenga sa nibunu, me no tenga ni'efa'ö ia. 21 Ba i'ohe khö Yehowa, ba zinga mbawandruhö nose wama'ele'ö, ogautania mbiri-biri si matua, sumange fameta horö. 22 Ba ifaigi khönia wameta sala khö Yehowa ere ba mbiri-biri andrö, sumange fameta horö, ba horö andrö, nifazökhinia; ba tebe'e aefa khönia horö andrö, nifazökhinia.
III. Amahoita bö'ö: ba danö ba ba huku niha baero ba ba zi fatewu ba ba zu'a-su'a ba ba zaga[edit | edit source]
23 Na mirugi dania danö, ba na mitanö ngawalö geu sowua, ba böi miteu gamaedola "guli" andrö — si a'a mbua —. Medölu fakhe wa'ara, ba si lö muboto miŵa'ö, ba lö tola te'a mbua. 24 Ba ba ndröfi fanete zi medölu fakhe, ba ni'amoni'ö mbuania fefu, fangandrö saoha gölö. 25 Ba ba ndröfi fanete zi mendröfa, ba tola mi'a mbua, ena'ö tedou mbuania khömi; Yehowa ndra'odo, Lowalangimi.
26 Böi mi'a hadia ia fabaya do. Böi faeta ami ba böi fakelemu.[14]
27 Böi mi'ogaolo wanöwö bumi, ba böi mifalo'o gambimi.[15] 28 Böi mikhoi nösimi, na so zi mate, ba böi misua gulimi; Yehowa ndra'odo.
29 Böi be'e ba zalakha nonou alawe, wamarou ya'ia ba wohorö, ena'ö böi mohorö danö ba ena'ö böi anönö horö.
30 Luo wolombase andrö khögu, ba mitöngöni, ba mi'ata'ufi ni'amoni'ö andrö khögu; Yehowa ndra'odo.
31 Böi mi'ae ba zogawi bekhu ba ba zi faeta; böi misofu khöra hadia ia, fa böi ra'iö ami ba khöra mibe'e; Yehowa ndra'odo, Lowalangimi.[16]
32 Na so zi no tohare huwa, ba maoso ndra'ugö ba öfosumange zatua ba ö'ata'ufi Lowalangimö; Yehowa ndra'odo.
33 Ba na so zi fatewu khöu, ba danömi, ba böi mifakao ia. 34 Ya si mane awömi niha ba danö niha bö'ö andrö, si so ba khömi, miŵa'ö, ö'omasi'ö ia, si mane fangomasi'ömö ya'ugö, noa sa si fatewu göi ami ba danö Miserayi no; Yehowa ndra'odo Lowalangimi.
35 Böi mifuyu'ö huku, na tefatunö huhuo, ba böi falimo ba helo, ba ma ba zaga, ba ma ba lauru.[17] 36 Faliera satulö ba saga satulö ba lauru satulö ba tumba satulö mifake; Yehowa ndra'odo, Lowalangimi, si no mangeheta ya'ami ba danö Miserayi.
37 Mitöngöni sa'ae nifakhoigu andrö, fefu, awö huku andrö khögu, fefu, ba mi'o'ö; Yehowa ndra'odo.
Famotokhi ba gahe[edit | edit source]
- ↑ MozII 22:31
- ↑ MozII 20:12; 31:13
- ↑ MozII 34:17
- ↑ Faigi 7:15
- ↑ MozII 20:15; Efes 4:25; Kol 3:9; TesI 4:6
- ↑ MozII 20:7; Mat 5:33
- ↑ MozV 24:15; Yak 5:4
- ↑ MozV 27:18
- ↑ MozV 1:17; 16:19
- ↑ MozII 23:1
- ↑ YohI. 2:11; 3:15; Mat 18:15
- ↑ Mat 5:39; Rom 12:19; TesI 5:15; Yak 2:8
- ↑ MozV 22:9
- ↑ Faigi 3:17; MozV 18:10
- ↑ Faigi 21:5; Hez 44:20
- ↑ Faigi 20:6; SamI 28:8
- ↑ MozV 25:15
Fabaliŵa lala[edit source]
Olayama Moze III: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö