Template:Wn/cdo/News in pictures HAN/Archive

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

2018年

2月

2月10號暝晡，福州趁達明路遘南街都有活動，現場只蠻鬧熱。

2月10號暝晡，福州八一七路東街口遘津泰路口蜀段墿都著舉辦「東街口嘉年華·狂歡夜」活動。同時，位於達明路倛達明美食街也揭牌開街。
→世落讀……䀹相：Davidzdh - 概要 - 存檔

2月20號福清海絲文化展示週倛活動是福清閩劇，使倛唱本是《四郎探母》

2月20號早頭，敆三坊七巷宗陶齋裏勢，福清閩劇倛表演開始了。茲蜀回表演倛唱本是《四郎探母》，是京劇倛唱本。演出結束以後，觀眾反響雅熱烈，鼓掌無停。嚽是福清海絲文化展示週倛蜀部分。
→世落讀……䀹相：Cyclohexane233 - 概要 - 存檔

2月25號開始倛福州倉山廟會季，主會場賣碎食倛攤位

2月25號（正月初十）下晝，福州倉山頭蜀屆廟會季開幕。廟會季時間是每蜀日下晝3點遘暝晡9點。暝晡8點半，儂就無辦法行裏了。廟會季做遘3月2號（也就是正月十五）結束。
→世落讀……䀹相：Cyclohexane233 - 概要 - 存檔

3月

福州五一廣場倛「建設新福州」花燈前兜，好儕市民䀹相

3月2號元宵節是福州元宵燈會倛最後蜀日。茲蜀回燈會敆鼓樓、臺江、倉山、晉安、馬尾都有展區。
→世落讀……䀹相：Cyclohexane233 - 概要 - 存檔

正月十四，福州會看見月

福州儂講：「有元宵，無中秋；有中秋，無元宵。」3月3號是正月十六，福州市區共邊兜縣市大部分是多雲，無逿雨。市區溫度27℃遘13℃。
→世落讀……䀹相：Cyclohexane233 - 概要 - 存檔

[[File:|150px|center|3月15號，敆雨裏勢倛福建中醫藥大學]]3月16號是拗九節。根據中國中央氣象臺消息，福州市區共邊兜縣市大部分逿雨囝。市區溫度21℃遘16℃。15號，雨逿了蜀日，但是兹幾日氣溫都是20℃左右。
→世落讀……䀹相：Yuxin Chen - 概要 - 存檔

21號半晡倛峨眉月

根據中國中央氣象臺21號暝晡6點倛消息，22號福州市區共邊兜縣市大部分是多雲。市區溫度9℃遘19℃。
→世落讀……䀹相：Cyclohexane233 - 概要 - 存檔

4月

[[File:|150px|center|福建中醫藥大學倛白牡丹]]根據中國中央氣象臺消息，20號福州市區共邊兜縣市大部分是多雲，市區溫度18℃遘26℃。
→世落讀……䀹相：Yuxin Chen - 概要 - 存檔

6月

福建師範大學附屬中學其高考考點，學生共厝儂含雨看完考場卜轉厝

受遘風颱影響，6月6號下晝福州一直敆𡅏逿雨。野価考生帶𡅏准考證，含雨遘考場，討自家其位，提前習慣明旦高考其環境。
→世落讀……䀹相：Davidzdh - 概要 - 存檔

7月

[[File:|150px|center|「瑪利亞」登陸其前蜀日半晡，連江天懸頂其星星]]今年第8號風颱「瑪利亞」敆七月五日生成，之後一直向西北方向移動，登陸點脈過去應該是福州。遘7月10號，福州市晴空萬里，蟬鳴陣陣，依然是炎炎夏日其光景。
→世落讀……䀹相：叶修齐 - 概要 - 存檔

「瑪利亞」登陸之前，福州大學其𣗬乞吹倒，倒敆馬墿懸頂

今年第8號風颱「瑪利亞」敆7月5號生成。11號早頭，福州已經進入了「瑪利亞」10級風圈，海墘拍風盪雨，敆市區有明顯其感覺。
→世落讀……䀹相：Cyclohexane233 - 概要 - 存檔

[[File:|150px|center|第8號風颱「瑪利亞」敆福州連江縣黃岐半島沿海登陸許蜀日早頭，福州大學旗山校區遠方其江]]2018年7月11號早頭9點15分，第8號風颱「瑪利亞」敆福州連江縣黃岐半島沿海登陸，登陸其時候中心附近最大風力有14級（42米/秒）。
→世落讀……䀹相：Liyang Chen - 概要 - 存檔

[[File:|150px|center|「劉欽侯路」墿牌]]馬來西亞詩巫有蜀條墿，通向劉欽侯醫院，號𡅏劉欽侯路。雖然講名字是總款，但是墿牌一直都𣍐蜀樣。7月26號，「劉欽侯路」其墿牌起好了。
→世落讀……䀹相：Wong Meng Lei - 概要 - 存檔

總決賽現場，舞臺懸頂寫𡅏「第三屆福州語歌曲大賽福州賽區總決賽」

7月28號，第三屆福州語歌曲大賽福州賽區總決賽結束。比賽敆東二環路泰禾劇場舉行，分了少兒組共成人組。早頭是伲囝哥比並，下晝是大儂競技。
→世落讀……䀹相：Cyclohexane233 - 概要 - 存檔

[[File:|150px|center|月食初虧其樣式]]7月28號起五更早，茲芘世紀第一長其月全食敆天懸頂上演，同時固有「火星大衝」現象。中國境內其儂，伓使什乇設備，都會觀測遘茲蜀回其天象。
→世落讀……䀹相：Jingyuan Lin - 概要 - 存檔

8月

有野価爱摄相其侬去上海書展

8月18號，上海書展迎來頭蜀芘週末。書展有中國其書，也有其他國家其書。除此之外，也有賣文具共活字。有其作家也受遘邀請參加訪談，訪談室外兜儂圍去蜀環復蜀環。固有野価爱摄相其侬来遘書展。
→世落讀……䀹相：Davidzdh - 概要 - 存檔

演奏結束，策劃人囧仙致辭，介紹音樂會其蜀些情況

8月19號，第二回幻奏盛宴•幻想交響樂會敆蘇州文化藝術中心大劇院舉辦。茲蜀回音樂會號𡅏「錦繡其姑蘇迷夢」。演出分下晝場共暝晡場。俞極指揮，上海彩虹交響樂團演奏。
→世落讀……䀹相：Davidzdh - 概要 - 存檔

9月

「皇室其珍寶」，鎏金刻花折枝團花紋銅碗

9月3號，中國北京，中國國家博物館「大唐風華」展覽開幕。展覽共總做2個月日，11月3號結束。展覽分去野価芘部分，分別是「文武安天下」「皇室其珍寶」「長安多麗人」「騎獵散歌塵」「大唐異鄉客」「學理共歸真」。
→世落讀……䀹相：Cyclohexane233 - 概要 - 存檔

有蜀隻伲囝哥試𡅏掏棒拍太鼓

9月15號，福建省內大學沖繩太鼓社團交流會著福州西湖舉辦。福建師範大學閩琉太鼓隊、福州大學太鼓隊、福建師範大學協和學院太鼓隊、華僑大學中琉太鼓隊、閩江學院太鼓隊參加去交流會。
→世落讀……䀹相：Davidzdh - 概要 - 存檔

蜀組玉牙璧。圖裏其玉牙璧，直徑28.4釐米，孔徑5釐米，厚2.4釐米。嚽是晚商遘西周時代其文物

9月19號，中國國家博物館「古蜀華章」展覽就閉幕了。展覽涵蓋三星堆文化、十二橋文化、青羊宮文化這3芘古蜀文化其文物。閉幕之後，茲些文物會搬遘廣東——也就是下蜀芘巡展其位處。
→世落讀……䀹相：Cyclohexane233 - 概要 - 存檔

福州琴亭湖暝晡其景色

9月28號，福州市晉安區琴亭湖公園對外開放了。暝晡六點，天都暗了，金星趁西勢共太陽敆蜀麇落下。敆金星懸頂，也覷會著木星天秤座其星星。南勢第一懸其位處，有心宿二。隨𡅏這心宿二向西勢行，天氣也漸漸變凊去。
→世落讀……䀹相：Cyclohexane233 - 概要 - 存檔

10月

大修之後其華林寺大殿

10月1號是中華人民共和國其國慶節。正正好放假，福州華林寺也由今旦開始復蜀回開放。維基記者早頭11點左右行裏山門，裏勢已經有7隻遊客，比起舊底會価。
→世落讀……䀹相：Cyclohexane233 - 概要 - 存檔

八一七路懸頂其街舞駃閃

10月3號是中國國慶節七工假期其第三工，福州東街口也有做野価活動。馬墿懸頂有駃閃活動。蜀堆儂含不蜀時聚集起來跳街舞，讓大家忍𣍐得去驚呼，反應駃其馬上掏出手機䀹相。
→世落讀……䀹相：Cyclohexane233 - 概要 - 存檔

河墘店頭掛起五星紅旗

9月30號遘10月8號，福州上下杭舉辦「潮玩上下杭國慶嘉年華」，有做系列活動。比如講看電影、現場配音、拍電子。有館店或且書店也有做文學、藝術主題其聚會。
→世落讀……䀹相：Cyclohexane233 - 概要 - 存檔

中國國慶假期，暝晡其朱紫坊

10月2號早頭10點，福州朱紫坊「創意十月」系列活動啟幕。活動公佈了12條遊覽線路，墿中有25芘簽到其位處，會掏卡片。自家見覺有什乇舊厝、店頭、創意空間野有好，寫落來，寄乞三坊七巷文創中心，就有能耐得遘禮物。文創中心也會按來批揀出「十大坊巷『心』發現」。
→世落讀……䀹相：Cyclohexane233 - 概要 - 存檔

向日葵野価，盡像蜀片海

中國國慶假期，福州花海公園其向日葵也正正好遘了盛花期，也就是花開第一価第一好看其時間。野価遊客䟛遘夫塊䀹相。
→世落讀……䀹相：Cyclohexane233 - 概要 - 存檔

中国國慶假期，幾隻福州老儂慢慢行下階座，行近西湖邊

中國國慶假期，福州西湖公園遊客比起平常都価。9月尾，西湖公園也啟用畫舫，遊客會使敆蜀麇坐著畫舫裏勢，覷西湖其風景。同時，福州西湖、左海兩芘公園合併，總款西湖公園其面積就共總有78公頃了。
→世落讀……䀹相：Cyclohexane233 - 概要 - 存檔

展覽其乇

10月7號，中國首都博物館「都市·生活——18世紀其東京與北京」展覽閉幕了。茲蜀回展覽都領有三萆章節。茲蜀芘展覽由日本東京都江戶東京博物館共中國首都博物館兩其策展其儂敆蜀堆策劃。2017年，展覽其頭蜀站敆江戶東京博物館。首都博物館其展覽趁今年8月14號開始，遘今旦差不多做了2個月日。不過雖然講展覽分去兩回做，但是主題蜀樣。
→世落讀……䀹相：Cyclohexane233 - 概要 - 存檔

向日葵野価，盡像蜀片海

中國國慶假期，福州花海公園其向日葵也正正好遘了盛花期，也就是花開第一価第一好看其時間。野価遊客䟛遘夫塊䀹相。公園也起去四芘風車長廊。
→世落讀……䀹相：Cyclohexane233 - 概要 - 存檔

楊帥演男主角林旭，黃秀春演女主角沈鵲應

10月31號，福州閩劇院帶𡅏新編閩劇《銀箏斷》行裏福建師範大學旗山校區青春劇場。嚽也是只蜀月日《銀箏斷》尾尾蜀回敆榕城高校巡迴演出。
→世落讀……䀹相：Davidzdh - 概要 - 存檔

11月

[[File:|150px|center|11月12號日中，警察趕遘閩江學院食堂門口]]11月12號日中，有賣外賣其儂共蜀車其飯拖裏閩江學院，告學生隨便掏，無錢食，總款抗議學校𣍐讓外賣裏其規定。拖車其固講：「今暝晡固有！」下晝，蜀張微信截圖敆網絡懸頂大傳，講外賣商家乞搦起去，都關敆三區派出所。遘暝晡，學生將囫圇座樓其燈都開去，大聲抗議。
→世落讀……䀹相：Masdggg - 概要 - 存檔

沖繩儂拍太鼓

11月18號，第四屆福建高校沖繩太鼓冠軍賽敆福州三坊七巷光祿吟臺舉行。參賽學校有福州大學、福建師範大學、福建師範大學協和學院、閩江學院、華僑大學。
→世落讀……䀹相：Cyclohexane233 - 概要 - 存檔

第八屆中國博博會，會展中心裏勢其導覽機器儂

11月23號，第八屆「中國博物館及相關產品與技術博覽會」敆福州海峽國際會展中心開幕。今年是中國改革開放40週年，故此茲蜀回博博會其主題是「博物馆——新时代·新征程」。中國各地共總有三百多隻博物館參會，固有來三百多隻博物館相關技術公司。
→世落讀……䀹相：Cyclohexane233 - 概要 - 存檔

12月

囫圇教室都是學生

12月8號是廿四節氣其大雪。日中，福州第一中學其福州話研究性學習課程也如期舉辦。
→世落讀……䀹相：Ztl8702 - 概要 - 存檔

𣗬林臺中其福道

2018年11月以來，福州罔來罔凊，福道邊兜水杉其箬慢慢變成黃色，介變紅色。水杉分佈敆懸空棧道其周圍，共藍天白雲、常綠植物共同繪製了蜀幅層林盡染其畫卷。
→世落讀……䀹相：Cyclohexane233 - 概要 - 存檔

2019年

1月

開場歌舞《喜洋洋吉星高照》

1月22號7點，2019年世界福州十邑春晚敆福州海峽文化藝術中心舉辦。今年其十邑春晚其總導演是張黎明。中共福州市委宣傳部共世界福州十邑同鄉會主辦。福州廣播電視臺承辦。只芘電視臺其轉播車也開遘場館外斗。只回晚會，電視臺拍算做成野価種形式，遘三十暝晡（2月4號）敆電視、互聯網、新媒體平臺播出。
→世落讀……䀹相：Cyclohexane233 - 概要 - 存檔

2月

南後街舞龍，野価儂來覷

正月初一早頭十點左右，蜀堆儂頌𡅏青色其衣裳，扛𡅏蜀條龍，由南後街北邊開始南邊行。
→世落讀……䀹相：Cyclohexane233 - 概要 - 存檔

林陽寺前斗，椏椏懸頂梅花幾菩

今年春節，福州儂新春看花選擇真価。若是講卜想看梅花，可以去林陽寺，也可以去鼓山梅里景區。
→世落讀……䀹相：Cyclohexane233 - 概要 - 存檔

森林公園其櫻花

福州國家森林公園覷會着櫻花。每蜀年1月初遘3月中旬，就是看櫻花其好時間了。公園裏勢櫻花千幾蔸，都是福建山櫻花，吸引野価市民去覷去䀹相。
→世落讀……䀹相：Cyclohexane233 - 概要 - 存檔

屏山𣗬懸頂掛𡅏紅紅其燈籠

2月15號，福州元宵燈會正式點燈。鼓樓區燈會做遘24號，晉安、臺江、馬尾、倉山燈會做到19號。每蜀暝晡其六點半遘九點，都會使看燈。
→世落讀……䀹相：Cyclohexane233 - 概要 - 存檔

船火燒去

2月22號暝晡其上下杭萬壽尚書廟野鬧熱，因為兩年蜀擺其尚書公送官船活動遘了。七點幾，十番樂隊開始奏樂。八點幾，官船由廟裡勢扛出。官船懸頂逢乇都有，共真其船㑚有大嫩其區別。船頭故有兩粒目珠。船扛遘溪墘之前，目珠著使筆篤囇。篤好了，介來幾只儂蜀堆扛遘溪墘。十點，開始燒船，故無偌䀪，船就㑚長架架了。
→世落讀……䀹相：Geniuskoung - 概要 - 存檔