Wn/cdo/福州朱紫坊「創意十月」活動啟幕
【2018年10月5號訊】
2號早頭10點，福州朱紫坊「創意十月」系列活動啟幕。
啟幕儀式懸頂，仂囝哥敆蜀麋讀林則徐其《十無益》，固有儂拍獅，去慶祝活動啟幕。
活動公佈了12條遊覽線路，墿中有25芘簽到其位處，會掏卡片。自家見覺有什乇舊厝、店頭、創意空間野有好，寫落來，寄乞三坊七巷文創中心，就有能涯得遘禮物。文創中心也會按來批揀出「十大坊巷『心』發現」。
固設立「非物質文化遺產傳習所」，只蜀月日遊客可以學福州大漆、線香、紙傘、木製品等各種各色其傳統技藝。
坊內也會買遘共嚴復、林則徐、林徽因有關係其文創產品。
朱紫坊內固有蜀百隻學古琴或小提琴其學生共蜀隻音樂先生，遊客會罔去卜，看囇敆俤蜀間花廳會碰著伊各儂演奏音樂。
消息來源
[edit | edit source]- 福州日报. 朱紫坊开街！“十二条走巷线路”等你来打卡！（附鼓楼一日游攻略）. 微信. 2018-10-02 [2018-10-05] （中文（简体））.