Wn/cdo/琴亭湖公園開園榕城散步新去處

2018中國國慶長假福州各地活動

系列報導

【2018年9月29號福州訊】

昨暝（28號），福州市晉安區琴亭湖公園對外開放了。

琴亭湖著福州五四北琴亭高架橋下底，南邊遘三環路，北邊遘南平路，西邊遘福飛路，東邊是羅漢山、福建兒童發展學院。之前湖無夠大，防汛需求無能耐滿足，故此復挖涂擴湖，固除去淤泥。前日（27號）市建委講，茲個公園通過了驗收。新起好其公園，湖邊有花有白鷺，遊客其活動空間也盡大。

暝晡六點，天都暗了，金星趁西勢共太陽敆蜀麇落下。敆金星懸頂，也覷會著木星天秤座其星星。南勢第一懸其位處，有心宿二。隨𡅏這心宿二向西勢行，天氣也漸漸變凊去。

消息來源

原創報導
這報導有維基記者其第一手新聞。可以看討論頁了解詳情。