Wb/nia/Luka/3

Add links
From Wikimedia Incubator
< Wb‎ | nia‎ | Luka
Wb > nia > Luka > 3

Famahaö ba fokuru Yohane[edit | edit source]

I. 1 Ba me no alua mewele'öfa fakhe razo kaizaro Tiberio andrö, me kumandru ba Yudaia Wondrio Filato, me salaŵa ba Galilaia Herode, ba zi sagörö ni'o'öfa tanö; ba me salaŵa ba zi sagörö dalifusönia Filifo, ba Gituraia ba ba danö Darakhoniti, ba me salaŵa ba zi sagörö zui Lisania, ba Gabilene;[1] 2 me ere sebua Hanasi ba Kayafa andrö; ba da'ö humede Lowalangi khö Yohane, ono Zakharia andrö, ba danö si mate.[2]

3 Ba itöröi danö si fatambai Yoridano fefu, wanuriagö famayagö idanö andrö, famalalini era-era, ba wangefa'ö horö.

4 Itörö zi so ba zura huhuo Yesaya andrö, imane: "Li zi'ao ba danö si mate: Mihaogö lala Zo'aya, mifadaya lalania.[3] 5 Nifo'ösi fefu mbawa danö, ba fefu hili, awö hili-hili, ba nihöndrögö; ni'adölö'ö zabila, ba lala siwedeö, ba ni'a'alösöi'ö; 6 ba dozi niha, ba la'ila dania wangorifi andrö, khö Lowalangi." [4]

7 Imane sa ba niha sato, si möi baero khönia, ba wamabayagö'ö idanö ya'ira khönia: He ya'ami, ono gulö! ha niha zanguma'ö khömi, aefa ami ba wönu andrö dania? 8 Andrö mi'asogö mbua-bua, si nangea bua-bua wamalilini era-era, ba böi mibörötaigö miŵa'ö tödömi: "Furugöma Gaberahamo." Uŵa'ö sa khömi, i'ila Lowalangi ibali'ö ma'uwu Gaberahamo gara andrö. 9 Ba noa sa mufaudugö göi wato ba ŵa'a geu andrö, ba fefu döla geu, si lö mowua bua si sökhi, ba la'obö, ba latibo'ö ba galitö.[5]

10 Ba lasofu khönia sato, lamane: Ba he mawisa? [6] 11 Ba itema lira, imane khöra: Si dua görö baru, ba yamube'e zagörö ba zi lö baru, ba yamanö göi zi so balazo.[7] 12 Ba möi göi zanema beo, ba wamabayagö'ö idanö ya'ira, ba lamane khönia: He samahaö, he mawisa?[8] 13 Ba imane khöra: Böi mi'andrö zi töra moroi ba nihuku andrö khömi.[9] 14 Ba lasofu göi khönia saradadu andrö, lamane: He mawisa göi, ya'aga andre? Ba imane khöra: Böi mifakao niha, ba böi mitandraŵaisi, ba böi mikökö-kökö ba wa'ide-ide luomi.[10]

15 Ba me lafaigi-faigi niha sato, me la'owanö-wanöi tödöra, ba khö Yohane andrö, ma ta'ila ya'ia Keriso andrö,[11] 16 ba humede Yohane, imane khöra fefu: Ya'odo, ba idanö ubayagö khömi, ba so dania zabölö moröi khögu, khönia ambö ndra'o sanoto'ö böbö mbadagahenia, ba Eheha ni'amoni'ö ba alitö ibayagö khömi da'ö dania.[12] 17 So ba dangania döri, ba wangehao olayama mbasitö khönia, ba ba wangozaragö ba halasania ulitö andrö, ba adaya, ba itunu ba galitö si lö mate-mate.

18 Ba oya na ngawalö tanö bö'ö khönia, famarou dödö, wangombakha turia somuso dödö andrö, ba niha sato.

19 Ba maoso Herode andrö, salaŵa ba zi sagörö ni'o'öfa danö, nitegunia ba khö Herodia andrö, fo'omo dalifusönia, ba ba zi lö sökhi andrö fefu, nifazökhi Herode, inönö na da'ö fefu, 20 ikuru Yohane andrö, bakha ba gurunga.[13]

Fombayagö idanö Yesu[edit | edit source]

II. 21 Ba me oi lafabayagö'ö idanö ira niha sato, me tebayagö göi Yesu, me mangandrö ia, ba teboka mbanua si yaŵa. 22 Ba möi mitou khönia Geheha ni'amoni'ö, moboto wamaigira, hulö marafadi; ba so zihede moroi ba zorugo, imane: Onogu omasiö ndra'ugö, somasi ndra'o.

Nga'ötö Yesu[edit | edit source]

III. 23 Ba ya'ia,[14] Yesu, ba arakha tölu ngafulu fakhe, me ibörötaigö mamahaö, ono Yosefo ia laŵa'ö; ba Yosefo, ba ono Eli,[15] 24 ba ono Mata da'ö, ba ono Lewi da'ö, ba ono Melekhi da'ö, ba ono Yana'i da'ö, ba ono Yosefo da'ö, 25 ba ono Matatia da'ö, ba ono Gamosi da'ö, ba ono Na'uma da'ö, ba ono Geseli da'ö, ba ono Nangai da'ö, 26 ba ono Ma'ata da'ö, ba ono Matatia da'ö, ba ono Zema'i da'ö, ba ono Yosekho da'ö, ba ono Yuda da'ö, 27 ba ono Yo'ana da'ö, ba ono Resa da'ö, ba ono Zerubabeli da'ö, ba ono Zalatieli da'ö, ba ono Neri da'ö, 28 ba ono Melekhi da'ö, ba ono Nadi da'ö, ba ono Gosa da'ö, ba ono Gelimada da'ö, ba ono Gero da'ö, 29 ba ono Yesu da'ö, ba ono Geliezeri da'ö, ba ono Yore da'ö, ba ono Mata da'ö, 30 ba ono Lewi da'ö, ba ono Zimeoni da'ö, ba ono Yuda da'ö, ba ono Yosefo da'ö, ba ono Yona da'ö, ba ono Geliaki da'ö, 31 ba ono Melea da'ö, ba ono Mena da'ö, ba ono Matata da'ö, ba ono Natano da'ö, ba ono Dawido da'ö,[16] 32 ba ono Giza'i da'ö, ba ono Gobedi da'ö, ba ono Mboasi da'ö, ba ono Zala da'ö 33 ba ono Nahaso da'ö, ba ono Gaminadabi da'ö, ba ono Gadami da'ö, ba ono Gareni da'ö, ba ono Geseromo da'ö, ba ono Weresi da'ö, ba ono Yuda da'ö, 34 ba ono Yakobo da'ö, ba ono Giza'aki da'ö, ba ono Gaberahamo da'ö, ba ono Dara da'ö, ba ono Nakhori da'ö,[17] 35 ba ono Zerukhi da'ö, ba ono Ragu da'ö, ba ono Waleki da'ö, ba ono Geberi da'ö, ba ono Zala da'ö, 36 ba ono Ga'ina da'ö, ba ono Garafasa da'ö, ba ono Zemi da'ö, ba ono Noakhi da'ö, ba ono Lameki da'ö,[18] 37 ba ono Metusala da'ö, ba ono Khenoki da'ö, ba ono Yaredi da'ö, ba ono Maleleli da'ö, ba ono Ka'ina da'ö, 38 ba ono Genosi da'ö, ba ono Zeti da'ö, ba ono Gadamo da'ö, ba khö Lowalangi da'ö.[19]

Famotokhi ba gahe[edit | edit source]

  1. ↑ Mat 27:2; 14:1,3
  2. ↑ Faigi 1:80; Yoh 1:6; 11:49; 18:13
  3. ↑ Yes 40:3; Mal 3:1
  4. ↑ Yes 52:10
  5. ↑ Mat 7:19
  6. ↑ HalZin 2:37
  7. ↑ Yak 2:15
  8. ↑ Mat 21:31,32
  9. ↑ Faigi 19:8
  10. ↑ MozIII 19:18
  11. ↑ Yoh 1:19
  12. ↑ Hes 36:26 b.t.
  13. ↑ Mar 6:17 b.t.
  14. ↑ Ayati 23-38: Mat 1:1-16
  15. ↑ Faigi 4:22; Mat 13:55; MozIV 36:8,9; 27:8
  16. ↑ SamII 5:14
  17. ↑ Nga'ötI 1:24-27
  18. ↑ MozI 5:3-32
  19. ↑ MozI 5:1,2

Fabaliŵa lala[edit source]

Olayama Zura Luka: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Luka/3&oldid=6229690"