Wb/nia/Amaedola Zelomo/9
I. Fatomesa wa'atua-tua andrö[edit | edit source]
1 No ilau nomonia fa'atua-tua andrö, fitu daru nahe nifofoe.
2 No itaba göröbao ba hadia nitaba bö'önia; no ifaruka nagu andrö khönia, no ihaogö meza.[1]
3 No ifatenge zi manga gazi ono alawe, ba wogaoni niha ba wondrege hili mbanua.
4 "Ha niha zadölö tödö? Ya möi ba da'e!" Imane ba zambö tödö:
5 "Mitabu, mi'a gö andrö khögu ba mibadu nagu andrö nifarukagu!
6 Miböhöli walötödö andrö, ba auri ami; ba mitörö lala wa'aboto ba dödö!"[2]
II. Omasi zatua-tua i'o'ö wamahaö ya'ia[edit | edit source]
7 Sangotu'ö sango'aya, ba ihalö khönia wangaila, ba sanegu sebua horö, ba ita'unöi ia.
8 Ba böi tegu zango'aya, fa böi fatiu dödönia khöu; satua-tua tegu, ba i'omasi'ö ndra'ugö.[3]
9 Fahaö zatua-tua, ba tedou wa'atua-tuania, fobawa lala ba zatulö tödö, ba monönö wangilania.
10 Böröta wa'atua-tua, ba fangata'ufi Yehowa, ba fa'aboto ba dödö Ni'amoni'ö andrö, ba no fa'amotödö.[4]
11 Moroi ba khögu sa tedou wa'anau nosou, ba moroi ba khögu monönö ndröfi götöu andrö.[5]
12 Na atua-tua ndra'ugö, ba khöu moguna wa'atua-tuamö, ba na sango'aya ndra'ugö, ba ha ya'ugö zolu'i.
III. Ba böi ta'o'ö wondrönisi walötödö andrö[edit | edit source]
13 Ira alawe andrö sowöhö mowa, ba lö ahono-hono, si lö tödö ia, ba lö i'ila watahögö hadia ia.
14 Dumadao barö nomo khönia, ba dadaoma ba hili-hili ba mbanua,
15 ba wehede ba zanörö, sondrölö ya'ira ba lalara, imane:
16 "Ha niha zowöhö-wöhö, ba ya möi ba da'e!" Ba ba zi lö tödö, ba imane:
17 "Ami nidanö nitagö ba omasiö kue nibini'ö."[6]
18 Ba lö i'ila, wa no lumö-lumö zi so ba da'ö, wa ba zabakha ba mbanua tou so nikaoninia andrö.
Famotokhi ba gahe[edit | edit source]
Fabaliŵa lala[edit source]
Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö