Jump to content

Wb/nia/Amaedola Zelomo/7

From Wikimedia Incubator

I. Tohu-tohu wamarou tödö

[edit | edit source]

1 He onogu, böi olifugö'ö huhuogu andre, ba iro'irö'ö ba dödöu goroisagu.
2 Böi taya ba dödöu goroisagu, ba auri'ö; töngöni nifakhoigu andrö, nifamaigi-maigi ono hörö.
3 Böbö ia ba durumö, ba ba naha zura ba dödöu ötanö ia.[1].
4 Be'e töi wa'atua-tua dalifusöu alawe, ba töi wa'aboto ba dödö zomasi ya'ugö, ono alawe.
5 Ena'ö itimba khöu ndra alawe bö'ö andrö, ira alawe baero, salösö lela.[2].

II. Famangelama ba wesu-fesu ndra alawe si lö sökhi

[edit | edit source]

II. 6 Noa sa ufaigi ba zandrela nomogu, ba darali andrö.
7 Ba u'ila nono matua si lö tödö, ba zi lö mangila watahögö na, ba nono matua andrö oroma khögu.
8 Itörö newali, ihene watalinga, isaŵa nomo ndra alawe andrö.
9 Me bongi, me ibörötaigö ogömi-gömi ba zi bongi.
10 Ba hiza, ifaondragö ia ira alawe, monukha ndra alawe si lö sökhi ba si lö sökhi bakha dödö.
11 Ira alawe sabao, safaito, si tebai ahono-hono yomo;
12 so, ba ba onga so ia, ba so, ba ba newali ba mbini-mbini fefu manaro ia.
13 Da'ö zondra'u ya'ia, fa'ago bawa khönia, ba imane khönia, lö aila'aila:
14 "So mege gömögu sumange fangorifi, ba no ube'e me maökhö nifabu'ugu andrö.
15 Andrö möido mamaondragö ya'ugö, ba wangalui ya'ugö, ba noa göi falukha ita.[3].
16 No uhaogö gasogu, no ube'e gambala, awö lembe sigara-gara, muko Ndrawa Miserayi.
17 No ulau emuri ba aloe ba kuli mani ba gasogu.
18 Tabu, talau famasimasi, sara wongi; ta'omusoi'ö dödöda, wanalagui awöda.
19 Ira matua, ba noa sa mofanö, no möi mukoli ba zaröu.
20 No i'ohe dokosa gana'a, awena ba duli mangawuli ia?"
21 Ifaelungu nono matua andrö fehede nihaogö-haogö, idönisi bewenia salösö andrö.
22 Ba i'anema'ö i'o'ö khönia, hulö göröbao, ni'ohe ba wanaba, ba hulö zowöhö, nifesu ahe.
23 Irege ifabali gatenia ono wana; si mane fofo sondrölö ya'ia ba wesu, si lö mangila, wa famununia.

III. Ba wa'atekiko aekhu lala andrö khönia

[edit | edit source]

24 Andrö mi'o'ö khögu, ya'ami ono matua, ba mibe'e ba dödömi huhuogu andre.
25 Böi yamuhole'ö ia tödöu ba lala andrö khönia, ba böi elungu'ö ba nitörönia andrö.
26 No ato tou nibunu, nibözinia tou; ba nibununia fefu, ba tenga ha ma'ifu.
27 Omonia andrö, ba no lala ba mbanua tou, ba mbate'e zi mate aekhu.[4].

Famotokhi ba gahe

[edit | edit source]
  1. Faigi 3:3
  2. Faigi 2:16
  3. MozIII 3:3–4
  4. Faigi 2:18–19

Fabaliŵa lala

[edit source]

Olayama Amaedola Zelomo: 12345678910111213141516171819202122232425262728293031

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö