Wb/nia/Amaedola Zelomo/1
I. 1 Amaedola khö Zelomo, ono Dawido, razo Ndraono Gizeraeli.[1]
2 Ena'ö tesöndra wa'atua-tua ba fangenanö, ena'ö aboto ba dödö huhuo zatua-tua
3 Ena'ö latema wotu, fangatua-tua, ba fa'atulö ba fa'adölö ba fanörö lala si sökhi.
4 Ena'ö lasöndra wa'aboto ba dödö si lö mangila watahögö na, ba ena'ö atua-tua nono matua ba ena'ö motödö.
5 Na ifondrondrongo satua-tua, ba tedou wa'aboto ba dödönia, ba si no motödö, ba isöndra lala sadölö, 6 fa aboto ba dödönia gamaedola side-ide ba amaedola sebua, awö daroma li zatua-tua, awö dahö-dahö andrö khöra.
7 Fangata'ufi Yehowa mböröta wa'aboto ba dödö, ba ba zambö tödö, ba lö ba dödö wa'atua-tua ba he fotu.[2]
II. Famangelama fa böi ladönisi ita niha si lö sökhi[edit | edit source]
8 Fondrondrongo, onogu, wamangalama namau, ba böi ositengagö wamahaö ninau andrö.[3]
9 Saembu omasiö sa'ae da'ö ba högöu ba hulö nifatali ba mbagiu.[4]
10 He onogu! Na ladönisi ndra'ugö samazökhi si lö sokhi, ba böi o'ö.
11 Na lamane: "Tabu, datatarogö zadölö tödö, ba tafagönaisi zi lö horö, lö börö-börö.
12 Tatölö auri ira, si mane banua tou, ba si lö horö, ba si mane silalö mitou ba goho-koho.
13 Ba tasöndra ngawalö gana'a si sökhi; ba tafo'ösi nomoda nirabu andrö.
14 Fagölö-gölö dania gurakhada; ha sambua mbolada, ya'ita fefu."
15 Ba ya'ugö, onogu, ba böi fao ndra'ugö khöra; böi hundragö lalara andrö.
16 Ba zi lö sökhi lasaŵa; aösö ira wamunu niha.
17 Zaya-zaya gölö sa, na lalau gu'ö ba zanehe wofo fefu.
18 Ya'ira, ba la'alui wamunura, la'alui lala wangetu'ö nosora.
19 Da'ö lalara, dozi ira, sangisö ana'a; ibunu ira fangisöra andrö.
III. Fogaoni wa'atua-tua, ba wolo'ö khönia, ena'ö aefa ita ba zamakiko andrö[edit | edit source]
20 Mu'ao wa'atua-tua baewali, ifarongogö linia ba golayama.
21 Ba zinga misa, ba zato niha baolayama, mu'ao ia; ba mbawa göli ba mbanua fahuhuo ia, imane:[5]
22 "He ya'ami, si lö tödö, ha wa'ara tö na omasi ami walötödö andrö? Ba ha wa'ara na omasi zango'aya wango'aya andrö, ba ha wa'ara na fa'udu zambö tödö ba wa'aboto ba dödö?
23 Mi'otahögö wotu andrö khögu! Hiza, ufalua khömi Gehehagu; aboto ba dödömi daroma ligu ube'e.
24 Me no mu'ao ndra'o, ba me tekhömi, me no u'oro'ö dangagu, ba me lö same'e ba dödö.[6]
25 Me no mi'ositengagö sa'ae wamolalagu tödömi, fefu, ba me lö ni'o'ömi fotu andrö khögu.
26 Ba ma'iki göi ndra'odo, na göna ami famakiko, u'o'aya ami, na itörö ami ameta'uö.[7]
27 Na itörö ami sata'u ami, hulö deu laöhö, ba na so moroi sa wamakikomi, hulö nangi sabölö, na ihawui ami famakao ba fa'atosasa.
28 Awena dania la'angaröfi li ndra'o, ba lö utema lira; la'alui ndra'o, ba lö lasöndrado.[8]
29 Börö me no fatuwu khöra wa'aboto ba dödö, ba me lö nitehera fangata'ufi Yehowa.
30 Lö edöna ira mege wamolalagu tödöra, ba no la'ositengagö wotu andrö khögu, fefu.
31 Andrö la'a dania lua-lua nitöröra andrö, ba abuso ira nikhoi dödöra andrö.[9]
32 Famunu zowöhö-wöhö andrö wanandrora, ba famakiko zambö tödö wa lö ba dödö andrö khöra.[10]
33 Ba ha niha zamondrongo khögu, ba ahono ba danö, ba lö abu dödö; lö fa'ataunia wamakiko.[11]
Famotokhi ba gahe[edit | edit source]
Fabaliŵa lala[edit source]
Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö