Wb/nia/Amaedola Zelomo/16
Fondrorogö Lowalangi niha ba ömö niha ba Lowalangi[edit | edit source]
1 Ba niha so nikhoi dödö; ba moroi khö Yehowa wanema li.
2 Fefu lala niha, ba no si sökhi iŵa'ö tödönia; ba Yehowa zanulo tödö [niha].[1]
3 Be'e balazi Yehowa wolau-laumö andrö; ba mofozu nikhoi dödöu.[2]
4 Fefu hadia ia, ba Yehowa zamazökhi, so daninia; he göi sebua horö andrö, ba mbaŵa wamakao andrö.
5 Dozi sebua hokha, ba ni'ogorofi Yehowa; da dangau! lö zi lö te'otu'ö ira.[3]
6 Sulö golalöŵa wa'omasi ba fa lö faröi; ba famöhöi zi lö sökhi wangata'ufi Yehowa andrö.
7 Na omasi Yehowa lala niha, ba i'atulö'ö göi khönia zi fa'udu khönia.[4]
8 Sökhi zi lö oya-oya, nisöndra ba wa'atulö, moroi ba hare sebua ba wa lö atulö.[5]
9 Ikhoi tödönia lalania niha, ba Yehowa zamatörö bekania.[6]
10 Taroma li faetasa zi so ba mbewe razo; böi ya mosala linia ba wangetu'ö huku.
11 Faliera si lö angaya ba bulu waliera si sökhi, ba no khö Yehowa moroi; nilaunia fefu zaga ba dokosa.[7]
12 Famazökhi si lö sökhi, ba la'ogorofi salaŵa; fa'atulö sa wangarö dadaomara.[8]
13 Bewe satulö zomasi razo; ba solau fehede sadölö, da'ö ni'omasi'öra.
14 Fönu razo, ba no timba zinenge solohe fa'amate; ba satua-tua, ba i'ila i'alösi.[9]
15 Ba wehaga hörö razo so wangorifi, ba fa'omasinia, ba no hulö lawuo ba deu sahulö.[10]
16 Sökhi na tasöndra wa'atua-tua, moroi na tasöndra gana'a; ba fanöndra fa'aboto ba dödö, ba no sökhi moroi ba wanöndra firö.[11]
17 Lala zatulö tödö, ba no famöhöi si lö sökhi; ba samaigi-maigi lalania, ba irorogö nosonia.
18 Föna wa'atekiko mowaö-waö wayaŵasa; ba föna wa'alau, ba hokha.[12]
19 Sökhi na ta'ide-ide'ö ita, awö zi lö fayaŵasa, moroi na tatema dana khöda nirabu, awö sebua hokha.
20 Sanöngöni taroma li andrö, ba isöndra wa'ohahau dödö; ba sanötöna khö Yehowa, ba ya ahowu!
21 Si so fa'aboto ba dödö, ba lafotöi satua-tua; ba ba wa'ami mbewe, ba tedou wamahaö.
22 Umbu wangorifi wa'aboto ba dödö, ba zi so ia; ba fotu zi lö tödö wa'owöhö mowa andrö.[13]
23 Tödö zatua-tua andrö, ba onekhe mbawa ibe'e, ba idou'ö wamahaö ba mbewenia.
24 Awa'awa ŵe ŵani wehede omasiö, ami ba dödö ba no dalu-dalu ba nösi.[14]
25 So lala si no adölö taŵa'ö, ba lua-luania, ba no lala ba wa'amate.[15]
26 Fa'olofo zohalöŵö zangai halöŵönia, i'o'ou sa'ae ia tölö-tölönia.[16]
27 Niha si lö ngaroro, ba ikharu wamakiko; ba ba mbewenia, ba no hulö galitö sihola-hola.
28 Niha si falimolimo, ba ifobörö wa'udusa; ba samatou awönia, ba ifabali göi zabölö fahuwusa.[17]
29 Samalangögö awönia, ba ifowöhö zahatö khönia, i'ohe ba lala si lö sökhi.[18]
30 Samakifu hörönia, ba no samakhai falimosa; ba songanga bewenia, ba no ifazökhi zi lö sökhi.[19]
31 Saembu lakhömi huwa andrö, ba lala satulö tesöndra ia.[20]
32 Yaŵa zabölö zebolo tödö; ba sangila mangöhöndrögö tödönia, ba no yaŵa zatu'a ba mbanua nisuwönia.[21]
33 Dahö-dahö andrö, ba lalau ba gaheta, ba moroi khö Yehowa fefu wa'agöna.
Famotokhi ba gahe[edit | edit source]
- ↑ Faigi 21:2
- ↑ Sin 37:5
- ↑ Faigi 11:21
- ↑ MozI 31:24; 33:4
- ↑ Faigi 15:16
- ↑ Faigi 19:21
- ↑ Faigi 11:1
- ↑ Faigi 20:28; 25:5; 29:14
- ↑ Faigi 20:2
- ↑ Faigi 19:12
- ↑ Faigi 3:14; 8:10; 11:19
- ↑ Faigi 18:12
- ↑ Faigi 13:14; 14:27
- ↑ Faigi 12:25
- ↑ Faigi 14:12
- ↑ Faigi 18:7
- ↑ Faigi 6:14–19
- ↑ Faigi 1:10–14
- ↑ Faigi 6:13
- ↑ Faigi 20:29
- ↑ Faigi 14:29
Fabaliŵa lala[edit source]
Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö