Wb/nia/Amaedola Zelomo/30
Taroma li Naguri ono Yake [da'e]. Nilaunia. Imane niha andrö:
I. Taroma li Naguri
[edit | edit source]1 "No erege dödögu, Lowalangi; no erege dödögu, ya'ugö Lowalangi, ariri ndra'o.
2 Noa sa abölö owöhö-wöhö ndra'odo, fa laŵa'ö, niha ndra'odo, ba tödö niha, ba lö khögu.
3 Ba lö nitöngönigu fa'atua-tua, fa aboto ba dödögu ena'ö Ni'amoni'ö andrö.
4 Ha niha zi no möi miyaŵa ba zorugo ba sangawuli mitou? Ha niha zi gokhöi angi? Ha niha zi olöwösi idanö andrö ba lembe? Ha niha zolata balö danö fefu? Ha niha döinia, ba ha niha döi nononia? — na no örongo.[1]
5 Fefu huhuo Lowalangi, ba no nihaogö; baluse ia ba zangalui saŵatö khönia.[2]
6 Böi nönö daroma linia, fa böi i'otu'ö ndra'ugö ba fa böi tobali solau faya ndra'ugö.[3]
7 Dua balö ni'andrögu khöu, böi zi lö ö'o'ö khögu ba da'ö, gasa-gasa wa'amategu:
8 Faya-faya ba falimosa, ba aröu'ö khögu. Fa'anumana ba fo'ana'a, ba böi fatörö khögu, ba tolodo, ena'ö usöndra ndruhundrohu mbalazogu.[4]
9 Ma dania u'osilö'ögö ndra'ugö, na no abölö abuso ndra'odo, ma umane: Ha niha Yehowa? ba fa böi managö ndra'o, ba wa'anumana, wango'aya töi Lowalangigu.
10 Böi fatou zawuyu khö zokhö ya'ia, ba böi i'elifi ndra'ugö, ba ya'ugö zolu'i.
11 Ono niha sangelifi amara ba si lö mamahowu'ö inara;
12 ono niha sanguma'ö sohau-hau ira, ba lö'ö sa sumasai zi ta'unö;[5]
13 ono niha — ha lö abölö wayaŵasa höröra, ha lö abölö lafayaŵa guli hörö![6]
14 Ono niha so'ifö föda, ba soboha si'öli, ba wemanga sebua famakao, ba wangohori ba guli danö, fabaya si numana ba niha!
II. Amaedola
[edit | edit source]15 Dombua nono lita, ono alawe: Da! Da! Tölu zi tebai abuso; öfa zi lö manguma'ö: Noa!
16 Banua tou ba naha nono ba dalu, si no teduhö (si lö ono) ba tanö tou, si tebai abuso idanö, ba alitö, si lö manguma'ö: Noa!
17 Hörö zango'aya amania ba si lö ba dödö wolo'ö li ninania, ba gaga ba ndraso zondrou dania ba ono moyo zi manga.[7]
18 Tölu ngawalö zi tebai ukhamö, ba öfa zi lö aboto ba dödögu:
19 Lala moyo ba dalu mbanua ba lala gulö ba dete gara misa ba lala nowo ba dalu nasi ba lala ndra matua ba nono alawe.[8]
20 Si manö lala ndra alawe sabao: itema, ba i'osi mbawania ba imane: Lö nifazökhigu horö.
21 Tölu balö zi duru danö, ba öfa zi tebai itaha:
22 Sawuyu, na tobali salaŵa, ba niha si lö sökhi, na no fahöna mbalazo.[9]
23 Ba si lö mu'omasi'ö, na te'owalu, ba sawuyu ono alawe, na itimba zokhö ya'ia ira alawe.
24 Öfa zide-ide ba guli danö, ba noa zui atua-tua sibai:
25 Sikhö andrö, ba tenga banua sabölö, ba lahöna zui mbalazo fatua bawa lökhö.[10]
26 Sigölu, tenga göi banua sabölö, ba ba dögi gara labe'e nahara.
27 Lareŵe andrö, ba lö salaŵa, ba mongawawa zui wofanö, lö fakuyu.
28 Kiliŵi, ba ö'ila öra'u tangau, ba noa zui ba nomo razo so ia.
29 Tölu zabe'e fofanö ba öfa zabölö fanörö:
30 Singo andrö, fondrege zabölö ba zaliŵa-liŵa ba danö, si lö ata'u hadia ia;
31 ba si so böbö talu andrö (kudo?), ba nambi si matua, ba salaŵa ba hunö mbanuania.
32 He no owöhö'ö, na si fayaŵa ndra'ugö, ba he si so era-era — ba balugö mbawau!
33 Na lafera zusu zaŵi, ba tobali matega, ba na tefera'ö nikhu ba mendro, ba na tefera'ö (na tesuko) wönu, ba alua wasosota.
Famotokhi ba gahe
[edit | edit source]Fabaliŵa lala
[edit source]Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö