Wb/nia/Amaedola Zelomo/18
Amakhoita ba wangomasi'ö talifusö ba fa böi fa'udu[edit | edit source]
1 Si oniagö ya'ia, ba ha somasi ia i'alui; ba fefu hadia ia zaboto ba dödöda, ba fatuwu khönia.
2 Si lö tödö, ba lö omasi wa'aboto ba dödö; ha da'ö zomasi ia, na oroma gera-erania.
3 Na so zebua horö, ba fago'ö wango'aya, ba awö wa'aila wanandraŵa.
4 Idanö sabakha daroma li, si otarai mbawa niha, mbombo sangumbungumbu, umbu wa'atua-tua.
5 Lö sökhi na fa'awö ita ba zebua horö, ba wamalangögö satulö, ba wangetu'ö huku.[1].
6 Bewe zi lö tödö, ba no samobörö fasosota, ba sangandrö bözi-bözi mbawania.
7 Bawa zi lö tödö, ba tobali fama'alania, ba bewenia, ba no tandraŵa nosonia.[2].
8 Taroma li zamatou awönia, ba no hulö gö sami, numalö mitou ba dalu bakha.[3].
9 He sambö fa'atarö dödö ba halöŵönia, ba no akhi zamufu.[4].
10 Hati saro döi Yehowa andrö, ba da'ö isaŵa satulö tödö, ba tebai lakhamö ia.[5].
11 Ana'a zi so ana'a, ba no banua saro khönia; öli kara si no alaŵa iŵa'ö tödönia.[6].
12 Föna wa'atekiko niha wayaŵasa dödö; ba föna zumange, ba fa lö fayaŵa.[7].
13 Na so zanema li, na lö nifondrondrongonia, ba tebe'e falötödö ba fangaila khönia.
14 Fa'abe'e dödö ba niha, ba itaögö wökhö; ba fa'arasa dödö, ba ha niha zanaha?[8].
15 Tödö zi so tödö, ba isöndra wa'atua-tua, ba tögi dalinga zatua-tua, ba i'alui wa'aboto ba dödö.
16 Buala niha zamonaha ya'ia, i'ohe ia ba ngai zalaŵa.[9].
17 Si föföna molohe ba huhuo hadia ia, ba khönia zatulö taŵa'ö, ba so si samösa, ba isekhegö ia.
18 Dahö-dahö wolohe ba lala wagua-guasa, fa'ero zabölö ibe'e.[10].
19 Talifusö si no mulimo, ba abe'e moroi ba mbanua saro, ba fagua-guasa, ba no hulö lazi ba mbawandruhö ba gödo.
20 Bua-bua mbawania, ba no fangabuso dalu niha; i'abusoi'ö ia lua-lua mbewenia.[11].
21 Fa'amate ba fa'auri, ba no faoma so ba wa'abölö lela; ba somasi ya'ia, ba i'a mbuania.[12].
22 Si no manöndra ira alawe, ba no isöndra zi sökhi, ba no falukha ia wa'ebua dödö Yehowa.[13].
23 Si fakao zi numana, ba fanema li, na itema so'ana'a, ba no fehede zafaito.
24 Ba zi no ato zi fahuwu, ba no ahatö wa'ate'ala; ba so zi fahuwu saro moroi ba zi fatalifusö.
Famotokhi ba gahe[edit | edit source]
Fabaliŵa lala[edit source]
Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö