Wb/nia/Amaedola Zelomo/3
I. Famarou tödö ba wanötöna khö Lowalangi ba ba wolo'ö fotu khönia[edit | edit source]
1 He onogu, böi olifugö'ö goroisagu andrö, ba tanö ba dödö nifakhoigu.
2 Ya'ia sa zame'e fahöna khöu wa'anau noso, noso ba ndröfi ba fa'ohahau dödö![1]
3 Fa böi aefa khöu wa'omasi ba fa lö faröi; be'e aya ba mbagi khöu, ba ba naha zura ba dödöu tanö ia.[2]
4 Ba ösöndra wa'ebua dödö ba fa'afaduhu dödö, ba Lowalangi ba ba niha.[3]
5 Döna-döna khö Yehowa, moroi si'aikö ba dödöu, ba böi abe'e dödöu ba wa'onekheu.
6 Böi aefa dödöu khönia, gofu hadia ia lala khöu, ba ya'ia zangadölö töröŵau.
7 Böi bali satua-tua ndra'ugö: ata'ufi Yehowa ba aröu'ögö ba zi lö sökhi.[4]
8 Da'ö wangabe'e nösiu ba fangokafu dölamö.[5]
9 Fosumange Yehowa ana'au andrö ba si a'a nisöndra fefu.[6]
10 Ba fahöna dania nösi halasamö ba falawu agu wolazi andrö khöu.
11 He onogu, böi ositengagö wotu khö Yehowa, ba böi fatuwu khöu wanegunia.[7]
12 Somasi Yehowa sa, ba i'otu'ö, ba ba nono sebua dödönia, ba ifatörö zafökhö.[8]
II. Fanuno fa'atua-tua, si tohude moroi ba danö bö'ö fefu ba samohare niha[edit | edit source]
13 Ya'ahowu zanöndra fa'atua-tua, awö niha sogamö fa'aboto ba dödö.[9]
14 Fanöndra ya'ia, ba no tohude moroi ba wanöndra firö, ba hare ba khönia, ba italu'i gana'a.[10]
15 Si sökhi moroi ba mani-mani ia, ba fefu ngawalö mbarasi khöu, ba lö fagölö-gölö khönia.[11]
16 Ba dangania kambölö, ba fa'anau noso ba ba dangania kabera, ba ana'a ba fa'ebua döi.[12]
17 Lalania andrö, ba no lala omasiö, ba fefu döröŵa andrö khönia, ba ba wa'ohahau dödö aekhu.
18 Eu sowua fangorifi ia, ba zi olembai ya'ia, ba ya'ahowu zi lö mamöhöi.
19 Fa'atua-tua mege wolata danö khö Yehowa, ba era-era dödö khönia wamazökhi mbanua si yaŵa.[13]
20 Era-erania wamabali nidanö, ba mowöi namo, moroi yaŵa ba lawuo.
21 He onogu, böi aefa-aefa ia ba duduma höröu, böi böhöli wa'aboto ba dödö ba fangila watahögö.
22 Ba tobali fangorifiu ba aya ba mbagiu.[14]
23 Awena dania ötörö lalamö, lö hadia ia, ba lö manendre'ö.
24 Na öleagö tou ndra'ugö, ba lö si tokea'ö, ba na mörö'ö, ba si sökhi wemöröu.[15]
25 Lö ameta'uö si tobali dödöu, ba lö ata'u'ö wamakiko sebua horö andrö na itörö.
26 Tötönaföu sa Yehowa, ya'ia zamatörö aheu, fa böi alau ba gu'ö.[16]
III. Famarou tödö ba wa'ahakhö dödö ba ba wa'ebolo dödö[edit | edit source]
27 Böi abua gölöu wanolo si numana, na ö'ila ötolo.
28 Böi ŵa'ö khö nawöu: "Ae'e ua, ba fuli'ö khögu, mahemolu ube'e khöu"; me no so khöu.
29 Böi fakhai zi lö sökhi khö nawöu, si no ahono-hono ba ngaiu.
30 Böi fasosoni niha, si lö börö-börö, na lö horönia khöu.
31 Böi afökhöi tödö zamalangögö awönia, ba sara böi omasi ndra'ugö lalania andrö.
32 Ni'ogorofi Yehowa sa'ae zanörö lala elungua; ba si fahuwu ia ba zadölö tödö.[17]
33 Göna fangelifi Yehowa nomo zebua horö, ba nahia zatulö tödö, ba ifahowu'ö.
34 I'o'aya zango'aya, ba ba zangide-ide'ö ya'ira, ba i'ebua'ö dödönia.
35 Sumange lasöndra satua-tua, ba sambö era-era, ba lalu'i wa'aila.[18]
Famotokhi ba gahe[edit | edit source]
Fabaliŵa lala[edit source]
Olayama Amaedola Zelomo: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö